السيرة النبوية باللهجة العامية

11

11
يلا صلوا على النبي 💜

بعد ما النبيﷺ قضى ٣ سنين في الدعوة الفردية والدعوة في السر ، وبقا فيه ناس آمنت به ، وبقا معاه رجال صالحين من قريش وغيرها ، أنزل الله تعالى " { وَأَنذِرْ عَشِيرَتَكَ الْأَقْرَبِينَ (214) }

فالنبي ﷺ جمع عشيرته وأقربائه وهم بنو هاشم وكام نفر من عبد المطلب ، وقالهم فيما معناه ان الواحد لا يكذب على أهله ولو كذبت على الناس كلها عمري ما هكذب عليكم ، ولو عرضت الناس كلها للهلاك لم اعرضكم انتم ، والله إني رسول الله إليكم خاصة وإلى الناس كافة والله لتموتوا مثل ما بتناموا ولتبعثون كما تستيقظون ، وهتتحاسبوا بما تعملون ، وتجزون بالحسنات إحسانا وبالسوء سوء ، وإما الجنة أبداً أو النار أبداً ..

فالقوم اتكلموا براحة معاه إلا عمه أبو لهب قال خذوا على يديه قبل أن تجتمع عليه العرب (يعني فوقوه من اللي بيقوله دا قبل ما العرب يجتمعوا عليه وساعتها لو سلمتوه ليهم تبقوا مذلولين وان منعتوه يعني واقفتوا جمبه هتقتلوا ، فرد أبو طالب : والله لنمنعه ما بقينا (يعني هنقف جمبه طول ما احنا عايشين) ، وقال للنبي ﷺ امض لما أُمرت به (يعني كمل طريقك) ، والله انا هفضل اساندك بس نفسي مش بتطاوعني اسيب دين عبد المطلب..

بعدها نزل قوله تعالى { فَاصْدَعْ بِمَا تُؤْمَرُ وَأَعْرِضْ عَنِ الْمُشْرِكِينَ }
فالنبي ﷺ طلع على اعلى حجر على جبل الصفا بعدين هتف بصوت عالي " يا صباحاه " و دي كانت كلمة إنذار بيستخدموها لما يكون فيه جيش جاي يهاجمهم او في مصيية كبيرة حصلت..
فالنبي ﷺ قعد ينادي على بطون قريش اللي هما الناس الكبار فيها : يا بني فهر ! يا بني عدي !  يا بني فلان ! يا بني فلان ! يا بني عبد مناف ! يا بني عبد المطلب !
فلما سمعوا قالوا مين دا اللي عمال يهتف وينادي كده؟
قالوا : مُحمد.

فالناس كلها جرت بسرعة تروح تشوف فيه ايه دا مُحمد الصادق الأمين يعني اكيد في حاجة مهمة ، حتى اللي معرفش يطلع بقا يبعت حد بداله يشوف فيه ايه!!

فلما اجتمعوا كلهم النبي ﷺقال : " أرأيتكم لو أخبرتكم أن خيلا بالوادي تريد أن تغير عليكم أكنتم مصدقي ؟" يعني لو قلتلكم دلوقتي ان في خيول في الوادي جايه تهاجمكم هتصدقوا ؟

قالوا : نعم . ما جربنا عليك كذباً . ما جربنا عليك إلا صدقاً (يعني عمرنا ما شفنا منك كذب ، طول عمرك صادق )
قالﷺ : " فإني نذير لكم بين يدي عذاب شديد "

نقف هنا والمرة الجايه نشوف بقية خطاب النبي ﷺ ورد قريش عليه!!

#السيرة النبوية باللهجة العامية
#خدمة حفيدات النبي ﷺ 😍💙
#بنات وبس👑💜
_____________

للإنضمام:
إرسال رسالة صوتية بإسمك لـ:
+201210204190