السيرة النبوية باللهجة العامية

42

42
يلا صلوا على النبى :)
حصار قريش لبنى هاشم " قبيلة رسول الله " (ج4)
و " عام الحزن " موت عم النبى و حبيبته خديجة 😢❤
      
و بعد ما " هشام بن عمرو " جمع 4 أشخاص عشان يشوفوا حل لموضوع حصار بنى هاشم كانوا كفار لكن رفضوا أنهم ياكلوا و يشربوا و بنى هاشم تموت من الجوع .. و بدأ هشام بن عمرو يحط خطة و تانى يوم الصبح راحوا كلهم عند الحرم وأتفقوا يوقفوا متفرقين يعنى كل واحد فى ناحية عشان يبان أنهم مش سوا ..

و فجأة وقف هشام بن عمرو وقال : " أيها الناس هذه صحيفة ظالمة إلى متى نأكل و نشرب و تموت بنى هاشم .. أليسوا من أمتنا ؟ ".. فيرد عليه واحد من ال 4 واقف على اليمين و يقول : " صدقت " ، و يرد الثانى يقول : " بلى من أمتنا ".. و التالي يقول : " صدقت " .. هما بيعملوا أيه ^_^ ؟ هما بيعملوا رأى عام ، كأن كذا حد رافض الوثيقة الظالمة ..

فيبص لهم أبو جهل و يقول : " والله هذا أمر سويتموه بالأمس " ( هو حس إن دول ناس متفقين بس خلاص الناس أجتمعوا و بدأت تقول هذه الوثيقة ظالمة .. ظالمة ) وفى وسط الحصار ينزل سيدنا جبريل على النبى صلى الله عليه و سلم و يقول : " يا محمد إن الله قد سلط الأردة ( يعنى الدودة ) على الصحيفة فأكلت كل البغى ( الظلم ) الذى فيها إلا كلمة
" بأسمك اللهم " .. و يقول النبى الكلام ده لعمه أبو طالب ..

فيروح أبو طالب و يقول : " يا معشر قريش إن ابن أخى أخبرنى أن ربه قد سلط " الأردة "
( الدودة ) على الصحيفة فأكلت كل البغى الذى فيها إلا كلمة " بأسمك اللهم " و يا معشر قريش أفتحوا الكعبة و أنظروا إلى الصحيفة فإن كان محمد صادقآ فأنتهوا عن المقاطعة و الحصار وإن كان كاذبآ نسلمكم " محمد " .. فقالت قريش : " صدقت يا أبا طالب " ..

و وافقوا و فعلاً راحوا يفتحوا الكعبة و يبصوا على الصحيفة فيلاقوا الدود بياكل فى الصحيفة
و يمشى و يمشى لحد ما يجى عند كلمة " بأسمك اللهم " يقوم سايبها .. و لافف حولها و يكمل و يأكل و يوصل عندها تانى فيعديها تانى .. فقريش أتصدمت و قالت : " هذا من سحر محمد ".. فقال أبو طالب : " صدق ابن أخى .. فلتنتهى هذه المقاطعة !!! " و تخلص المقاطعة و ينفك الحصار .. قال تعالى : { وَمَا يَعْلَمُ جُنُودَ رَبِّكَ إِلَّا هُوَ } .. سبحان الله كأن ربنا رايد يقول لنا أنا أقدر بدودة أعمل اللى جيش كبير مايقدرش يعمله ، و بعد ما أتفك الحصار الحمدلله .. حصل شئ لا عالبال ولا عالخاطر 😞 .. حصل إيه ؟ ..

أبو طالب بيموت أبو طالب تعب .. عنده 80 سنة و يحزن النبى عليه الصلاة والسلام حزن شديد أوى .. ولما النبى يعرف إن أبو طالب بيحتضر يجرى على بيته و يدخل عليه و يقول
له : " يا عمى يا عمى قل كلمة واحدة أحاج لك بها عند ربى ".. و يبكى 😢 ( النبى بيطلب من عمه أنه يقول لا إله إلا الله عشان يقدر يشفع له عليه الصلاة و السلام يوم القيامة ) ..

ففجأة يقول أبو جهل : " يا أبا طالب أترغب عن ملة أبيك ؟!! " ( أنت حتسيب دين آبائك و أجدادك !!! .. شايفين أصدقاء السوء ) ... فيبص أبو طالب للنبى و يقوله : " يا محمد إنى و الله لأسرع الناس لما تحب ( أنا أكتر حد يحب يفرحك 😢 ) و لكن لن أرغب عن ملة آبائى "  فيبكى النبى أكتر و يقول : " يا عمى أرجوك قل كلمة واحدة .. قل لا إله إلا الله قل كلمة أحاج لك بها عند ربى ".. فيرد عليه أبو طالب و يقول : " يا بنى أريد أن أقولها و لكن أخشى أن تعايرنى بها العرب بعد موتى " ..

و مرضيش أبداً يسيب ملة أبوه عبد المطلب ويموت أبو طالب .. ويبكى النبى بكاء شديد جداً
و تنزل الآية الكريمة قال تعالى : { إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ وَهُوَ
أَعْلَمُ بِالْمُهْتَدِين } .. أبو طالب أختار يموت على الكفر .. دلوقتى ربنا ثبت النبى بالقرآن لكن للأسف بعد 7 أيام حتحصل حاجة كمان .. خديجة بتموت .. ياااه ده أبو طالب كان الضهر بره البيت و خديجة كانت الحضن جوه البيت ! 😢❤

لحظة الوفاة , ورأس خديجة على صدر النبى عليه الصلاة والسلام , ويمسح على رأسها ويدعى لها بالشفاء .. ينزل جبريل عليه السلام فيقول جبريل : " يا رسول الله أقرىء خديجة من ربها السلام ❤ " , فيقول الرسول : " يا خديجة إن الله يقرئك السلام " , فتقول : " هو السلام ومنه السلام وعليه السلام وعلى جبريل السلام ❤ ".. و جبريل قال : " يا رسول الله بشر خديجة بقصر فى الجنة لا نصب فيه ولا وصب ❤ " , ثم يستئذن ملك الموت فى الدخول , وتموت السيدة خديجة , ويبكى النبى بكاءً شديداً 😢 ً... ياااه قصر فى الجنة لا فيه تعب و لا حزن ! .. فاكرين قد إيه تعبت قى الدنيا و هي طالعة الغار فوق جبل عالى رغم سنها الكبير عشان تطلع لحبيبها النبى الأكل و المايه .. خلاص يا خديجة مفيش تعب تانى ♡ ..

فاكرين لما دخل عليه الصلاة و السلام عليها وقال زملونى زملونى فغطته خديجة و حضنته حتى سكن :) وبقى هادى بعد ما شاف جبريل لأول مرة .. فاكرين لما ثبتت النبى إن أكيد اللى شافه ده خير مش شر و قالت : " لا والله لا يخزيك الله أبداً إنك لتطعم الطعام و تكرم الضيف و تعين على الحق ".. فاكرين أد أيه تعبت فى الشعب وأتحملت الجوع والعطش رغم كبر سنها ... مااتت خديجة وبقى دايماً النبى يقول : " لقد رُزقت حبها ".. وكان كل ما يذبح ذبيحة يشيل منها جزء لصاحبات خديجة , كان نعم الزوج الوفى لزوجته ..

و يوم فتح مكة فاكرين لما كان النبى مشغول جداً فى مبايعة القبائل على الدخول فى الإسلام ويلاقى ست عجوزة فيفرح ويقعد معاها ساعة و تغير عائشة لما تعرف أنها واحدة
من صحايبات خديجة و تقوله : " لقد أبدلك الله خيرآ من خديجة " ( تقصد نفسها :) ) .. فيرد النبى ويقول : " لا والله ما أبدلنى الله خيراً منها وهل فى الدنيا مثل خديجة ؟ لقد أواتنى حين طردنى الناس , وصدقتنى حين كذبنى الناس , وواستنى بنفسها ومالها إذ حرمنى الناس , وهل فى الدنيا مثل خديجة ؟ " .. فقالت عائشة : " والله لا أراجعك فيها أبداً يا رسول الله , ولا أذكرها إلا بخير ".. وتقول عائشة : " والله ما غيرت من أمرأة قط من زوجات رسول الله
إلا خديجة ولم أرها " ..

مات عم النبى و ماتت زوجته حبيبته وتتسمى السنة دى بى " عام الحزن " 😢❤
صلى الله على محمد صلى الله عليه وسلم ..

نكمل بكرة إن شاء الله ❤
#كن_محمديا