السيرة النبوية باللهجة العامية

2

2
يلا صلوا على النبي💜

قبل ما ندخل بقى جو السيرة هحكيلكم قصة حقيقية صغيرة عشان تعرفوا إحنا ازاى فكرنا فى موضوع السيرة وكده

- القصة دى عن بنت كندية كانت نصرانيه وأسلمت .. ابوها قسيس كبير فى كنيسة وهى بتشتغل خادمة فى الكنيسة ( وخادمة دى مش يعنى خادمة بالمعنى بتاعنا ، خادمة يعنى بتعمل حاجات تطوعية فى الكنيسة فى كندا ) والبنت دى أسلمت فجأة ومنعرفش إيه السبب .

فواحد مرة بيكلمها فقالتله : أنا أسلمت وانا مقتنعه جداااا بدينى .
فسألها سؤال : إيه رأيك فى نبى الإسلام قبل ما تدخلى الإسلام وبعد ما دخلتى الإسلام ؟!
قالتله : قبل الإسلام كنت أعلم أنه رجلا مجنون ،  عنيف ، ويقتل كل من لا يؤمن بدينه ، شاهر سيفه متعطش للدماء .

الراجل استغرب و قالها طيب وبعد الإسلام ؟
قالتله : بعد الإسلام عرفت إن هو أعظم إنسان مشى على وجه الأرض .

قالها : طيب أيه أكتر أمنية نفسك فيها ؟
قالتله : نفسى فى حاجة واحده بس ..  نفسى أموت ..

قالها : ليه طيب ده الإسلام دين التفاؤل وحب الحياة ، دين جميل مفهوش كآبة .. ليه عايزه تموتى ؟
قالتله : عشان دى الطريقة الوحيدة اللى هشوفه بيها عليه الصلاة والسلام وأقف قدامه واكلمه ! أنا بقيت بحب الموت عشان أقابله عليه الصلاة والسلام .

قام الراجل سألها سؤال : طيب توجهى رسالة إيه للعرب المسلمين اللى بيعرفوا لغة القرآن ؟
قالتله إجابة صعبة اوووى : هقولهم حاجة واحده بس ، سامحكم الله يا مسلمين إذ لم تعرفونا من هو محمد !! الله بيننا وبينكم يوم القيامه ..

صعبه أوى .. لما تقوله أنا هقف قدام ربنا يوم القيامة وأقوله هم المسلمين دول السبب يا رسول الله ولا عرفونا بيك ولا بيمثلوا أخلاقك .. إحنا مش بنشوف فيهم اللى المفروض نشوفه ..

فدى كانت أهم حاجة خليتنا نقول لأ .. طيب هنقف قدام النبى نقوله إيه ؟؟

كانت فكرة أننا نوصل سيرته بأسهل طريقة ممكنه للناس اللى مش بتقدر تقرا كتب عنه أو تنزل تروح مكان تسمع عنه .

مهو مش معقول أكتر إنسان بيحبك وأكتر إنسان هيبقى شايل همك يوم القيامة متعرفش عنه غير حاجات بسيطة .

المره الجايه إن شاء الله نعرف عن نبينا❤

#السيرة النبوية باللهجة العامية
#خدمة حفيدات النبي ﷺ 😍💙
#بنات وبس👑💜
______________

للإنضمام:
إرسال رسالة صوتية بإسمك لـ:
+201210204190