السيرة النبوية باللهجة العامية

13

13
يلا صلوا على النبي 💜

قريش اتجمعت مع كبيرهم -الوليد بن المُغيرة -عشان يشوفوا حل قبل ما الحُجاج يجوا..
فقالهم : يا معشر قريش إنه قد حضر هذا الموسم وإن وفود العرب ستُقدم عليكم فيه ، وقد سمعوا بأمر صاحبكم هذا ، فأجمعوا فيه رأياً واحداً ، ولا تختلفوا ، فيُكذب بعضكم بعضاً ( يعني موسم الحج على الأبواب والعرب من كل مكان هيجوا يحجوا ، وعرفوا عن مُحمد ، فشوفوا رأي واحد نطلعه عليه عشان لا نختلف فكل واحد يكذب التاني ).
قالوا : أنت فقل ، وأقم لنا رأياً نقول به ( قول أنت رأي واحنا هنمشي باللي تقول عليه ).
قال : لا بل أنتم فقولوا أسمع ( قولوا انتم وانا هسمعكم ).

قالوا : نقول كاهن.
قال : ما هو بكاهن ، لقد رأينا الكُهان ، فما هو بزمزمة الكُهان ولا بسجعهم. ( الكاهن رجل يَدَّعِي انه يعلم الغيب ، المهم قال لا مش كاهن ، شوفنا الكُهان ، واللي بيقوله مش ترانيم ولا كلامهم )

قالوا : فنقول مجنون.
قال : ما هو بمجنون ، لقد رأينا الجنون وعرفناه ، فما هو بخنقه ، ولا تخالجه ، ولا وسوسته.(لا مش مجنون ، شوفنا الجنون وعرفناه كويس ، لا هو بيحصله زي المجنون ولا بيتنازع ويعمل شغل الجنون ولا بيحصله وسوسة )

قالوا : فنقول شاعر.
قال : ما هو بشاعر ، لقد عرفنا الشعر كله رجزه وهجزه وقريضه ومقبوضه ومبسوطه . فما هو بشعر . (يعني احنا درسنا الشعر كله ببحوره كلها وجميع اشكاله ، وكلامه دا مش شعر ).

قالوا : فنقول ساحر.
قال : ما هو بساحر ، لقد رأينا السحار وسحرهم ، فما هو بنفثه ولا بعقده.(يعني لا مش ساحر شفنا السحر وهو لا بينفث زي الساحر ولا بيعقد عُقد سِحر ).

قالوا : فماذا نقول ؟ ( هنا بقا زهقوا.. طب نقول ايه؟ )
( شوفوا بقا الوليد بن المغيرة ووصفه للقرآن ومدحه مدح جميل جدا مع انه في النهاية لم يُسلم ومات مُشرك ) قال : والله إن لقوله حلاوة ، وإن عليه لطلاوة ، وإن أصله لعذق ، وإن فرعه لجناة ، ( يعني كلامه دا فيه لذة ، وعليه حُسن ورونق ، وأصله عزة وكرامة ، وفرعه فيه مكاسب )،

وكمل : وما أنتم بقائلين من هذا شيئاً إلا عُرف أنه باطل ( وانتم لو قولتم كاهن او مجنون او اي حاجه من اللي قلتوها هيتعرف انكم كاذبين وكلامكم غلط ) وإن أقرب القول أن تقولوا هو ساحر ، وقوله سحر ، يفرق بين المرء وأبيه ، وبين المرء وأخيه ، وبين المرء وزوجه ، وبين المرء وعشيرته ( اقرب حاجه تقولوها انه ساحر وكلامه دا سحر بيفرق بين الناس ) وهو هنا كان يقصد فعلاً انه بيفرق زي السحر لأن اللي بيسلم بيفارق دين اهله سواء ابوه اخوه زوجته زوجها وقبيلته كلها.. فدا كان اقرب قول يقولوه للناس..

بعدين اتفرقوا وبقوا يقعدوا في الطرق اللي بيجي منها الناس للحج ، اي حد يعدي يحذروه ويقولوله خد بالك في واحد كذا وكذا اياك تسمع كلامه ! وبيشوهوا صورة النبي ﷺ وسُمعته الحسنة.. فالناس عرفوه قبل ما يشوفوه ويسمعوا منه..

وجاء الحج..

فالنبيﷺ خرج لمكان تجمع الحُجاج والأماكن اللي بيباتوا فيها ، ودعاهم للإسلام ، وقال لهم : " قولوا لا إله إلا الله تُفلحوا " . وكل ما يروح مكان يكلمهم يجي بعده أبو لهب - عليه لعنة الله - يقولهم اوعوا تصدقوه دا كذاب.. دا ابن اخويا وانا عارفه اكتر منكم.. دا مجنون دا كذا وكذا ويكذبه ويأذيه..

وانتهى موسم الحج ورجع العرب بلادهم وعرفوا عن النبيﷺ واللي قاله واتقال عليه وانتشر اسمه وسيرته في بلاد العرب كلها..

قريش هتسكت لحد كده ؟! لأ...

طب هيعملوا ايه تاني ؟! دا اللي هنعرفه الحلقات الجايه ان شاء الله...

#السيرة النبوية باللهجة العامية
#خدمة حفيدات النبي ﷺ 😍💙
#بنات وبس👑💜
_____________

للإنضمام:
إرسال رسالة صوتية بإسمك لـ:
+201210204190