تمت خطبه بدر وليالي وخطبه سهر ورائد واقترب ساهر منهم ليقوم بتهنئتهم
ساهر :الف مبروك يا لولو وقام بتقبيلها فنظر له بدر بغضب ولكنه كتم غضبه ثم اقترب من سهر وقام بتقبيلها
سهر :عقبالك يا حبيبي بقولك ايه سمعت الاغنيه اللي غنتها داليده
ساهر :اه
سهر :وانت ايه رايك فيها
ساهر :عادي يعني
سهر :يعني ايه عادي
ساهر :يعني عادي انت عارفه اني مابخدش بالي من الأغاني
سهر :هو انت جبله يا حبيبي
ساهر :بتقولي ايه
سهر :مش بقول الله يكون في عونها
ساهر :هي مين دي
سهر :واحده صاحبتي انت ماتعرفهاش
ليالي :خلاص بقي يا سهر هنبقى نفهمه بعدين
بدر :انتم بتتكلموا عن ايه
ليالي :اصل داليده بتحب ساهر وهو مش شايفها اصلا
بدر :اه عرفت دلوقت هي غنت ليه الاغنيه دي
مرت الايام وكانت كل الأمور بخير وفي يوم كانوا يجلسوا يتناولوا الطعام ويتحدثوا وقطع حديثم رنين هاتف زين الدين
زين الدين :ده حلمي مدير مكتبي
صافيه :هو الشغل علي الاكل كمان
زين الدين :معلش يا حبيبتي هشوفه بس عايز ايه وهقفل التليفون بعدها
أجاب زين الدين علي الاتصال
زين الدين :الو يا حلمي
حلمي :مصيبه يا زين بيه
ترك زين الدين الطعام وقال في فزع :مصيبه ايه
فزع الجميع وتركوا الطعام
حلمي :الشركه اللي اتعاقدنا معاها علي توريد اجهزه الكمبيوتر طلعت شركه وهميه وملهاش اي أثر والمقر بتاعها طلعوا ماجرينه
زين الدين :يعني ايه والفلوس اللي اخدوها والقرض اللي اخدناه عشان الصفقه دي
فجأه وضع زين الدين يده علي قلبه ثم صرخ آآآآآآه وسقط فاقد للوعي
فزع الجميع وركضوا عليه وقام ساهر بفحصه
صافيه :ايه يا ساهر ابوك ماله
ساهر :زبحه صدريه لازم ننقله المستشفي حالا
صرخت سهر وليالي :بابا
ساهر :اهدوا انا هكلم المستشفي يبعتوا عربيه إسعاف
في المستشفي يقف بدر بجوار ليالي يحاول تهدئتها ويقف رائد بجوار سهر ومعهم صافيه
رائد :ايه اللي حصل يا ليالي
ليالي :مش عارفه هو جاله تليفون من انكل حلمي مدير مكتبه وقال إن فيه مصيبه حصلت وبعدين وقع انا خايفه اوي
رائد :اهدي يا حبيبتي ان شاء الله خير
خرج ساهر وركضوا جميعا عليه
صافيه :ابوك عامل ايه يا ساهر
ساهر :بابا دخل في غيبوبه
ليالي :ايه لا
ساهر :هو هيفضل في العنايه المركزه وان شاء الله الحاله تتحسن
صافيه :انا عايزه اشوفه يا ساهر
ساهر :ماينفعش يا ماما الزياره ممنوعه
فجأه سمعوا صوت ليالي وهي تصرخ :لا يا بابا لا ما تسبنيش بابا بابا وكان جسدها ينتفض
اقترب منها بدر :ليالي اهدي اهدي يا ليالي
ليالي :بابا بابا عايز يسيبني بابا
اقترب منها ساهر :دي نوبه خوف لازم نلحقها
حملها بدر ودخلوا بها الي غرفه واعطاها ساهر المهدئ وذهبت في ثبات عميق
ساهر :لازم حد يقعد جمبها الليله دي
بدر :ليه هي مش واخده مهدأ
ساهر :ليالي لما شافت عمي سراج الله يرحمه بيموت جالها نوبه الخوف دي وبقت تاخد المهدأ بس اوقات بتقوم وهي مش في وعيها وبتحاول تأذي نفسها باي شكل ولما شافت بابا دلوقت تعبان فكرها بعمي سراج الله يرحمه وانا كنت ببقي جنبها كل مره بتيجي لها نوبه الخوف دي بس انا مش هينفع اسيب بابا الليله دي
بدر :ما تقلقش يا ساهر انا هفضل جنبها الليله دي
ساهر :انا مش عارف اشكرك ازاي
بدر :ما تقولش كده ليالي غاليه عندي اوي وربنا يعدي المحنه دي علي خير
ساهر :هي بتبقي مش في وعيها حاول تمنعها انها تعمل اي حاجه تاذي بيها نفسها وهديها عشان ترجع تنام تاني
بدر :حاضر ما تقلقش واتفضل انت روح لعمي وربنا يطمنا عليه
انصرف ساهر وظل بدر ينظر إلى ليالي وعلي وجهه ابتسامه :ايه يا لولو احنا لسه في الأول معقول مش هتستحملي اللي جاي دا لسه بدري اوي وانا بوعدك ان دي اول ليالي العذاب ليكي واللي حصل لعمك ده مجرد نقطه في بحر اللي هعمله
قطع حديثه رنين هاتفه
بدر :الو
المتصل :كله تمام يا باشا اتمني انك تكون راضى عني
بدر :تمام يا حلمي بقيت المبلغ هيبقي عندك بكره الصبح اهم حاجه ان الشركه ميبقاش لها وجود
حلمي :طبعا يا باشا حتي الموقع اللي علي النت اختفي
بدر :الله ينور مش خساره فيك النص مليون سلام
ثم أغلق بدر الهاتف ورجع بذاكرته
Flash back
كان حلمي مدير مكتب زين الدين يجلس في مكتبه في الشركه يعمل حتي اتي له اتصال من رقم غريب
حلمي :الو مين معايا
بدر :انا اللي هكسبك نص مليون جنيه في غمضه عين
حلمي :مين حضرتك
بدر :قابلني النهارده الساعه 5 في كافيه...... ولو فتحت مخك معايا هتروح ومعاك 250 الف جنيه
حلمي :طب ممكن اعرف مين حضرتك
بدر :لما تيجي هتعرف
وأغلق بدر الهاتف وظل حلمي يفكر في هذا المتصل والمبلغ الذي تحدث عنه فبالرغم من معامله زين الدين له معامله حسنه ومرتبه الكبير الذي يتقاضاه الا انه كان دائما يطمع في المزيد
مر الوقت وحان ميعاده مع الشخص المجهول فانصرف من الشركه وتوجه الي الكافيه ودلف اليه وجلس ينتظر حتي اتي أمامه شخص يبدو عليه القوه والثراء نعم فهو بدر الدين
بدر الدين :استاذ حلمي
حلمي :ايوه انا
جلس بدر الدين أمامه :بدر الدين المنشاوي اعتقد انك سمعت عني قبل كده
حلمي :طبعا حضرتك أشهر من النار علي العلم بس هو حضرتك تبقي ابن اخو زين بيه المنشاوي
بدر الدين :ايوه
حلمي :وحضرتك عايز مني ايه
بدر :حاجه بسيطه اوي مش هتكلفك حاجه بالعكس دي هتكسبك نص مليون جنيه
حلمي :وانا تحت امرك
بدر :كنت متأكد انك مش هترفص اسمعني كويس وتنفذ اللي هقوله لك بالحرف الواحد
حلمي :تمام يا باشا
بدر :انت هتفهم زين الدين ان فيه شركه عالميه هتورد اجهزه كمبيوتر بمواصفات عاليه جدا واسعارها ارخص من اي شركه تانيه وان اجهزه الكمبيوتر دي في شركات تانيه عايزاها ولو اخدتوا الصفقه دي هتقدروا تصرفوا اجهزه الكمبيوتر دي وتكسبوا فيها الضعف في أقل وقت
حلمي :بس يعني هو زين بيه مش اهبل عشان يصدق كده من غير ما يتأكد
بدر :وانا هخليه يتأكد
حلمي :ازاي
بدر :الشركه دي عالميه وهيبقي ليها مكتب هنا في مصر ووقت ما يحب يتأكد هيلاقي المكتب والشغل جاهز ما تقلقش
حلمي :وبعدين
بدر :انتم عندكم سيوله قد ايه
حلمي :مش كتير لان فلوس ليالي هانم لسه في المجلس الحاسبي ومانقدرش ناخد منها الا بعد إجراءات طويله عشان كده زين بيه مش بياخد منها ويشتغل بفلوسه وهو ثروته كلها أصول ثابته
بدر :حلو اوي انت هتقنعه انه ياخد قرض ويبقي يسده بأرباح الصفقه
حلمي :وبعد ما ياخد القرض
بدر :هيدفع ثمن البضاعه وبعدين الشركه تختفي ويختفي اي أثر ليها
حلمي :انا اسف بس كده هو ممكن يتحبس وحضرتك هتستفاد ايه يعني ده عمك
بدر :ما تسألش في اللي ما يخصكش انا عايز منك رد حالا
حلمي :تمام يا باشا انا معاك واللي تأمر بيه
بدر بابتسامه :تمام ده شيك ب250 الف جنيه وباقي المبلغ لما اللي اتفقنا عليه يتم
Back
بدر :مكنتش اعرف ان نفسكوا قصير اوي كده دا لسه اللعب هيحلو
سمع طرقات علي الباب اخرجته من شروده
بدر :اتفضل
دلف رائد الي الغرفه
رائد :ياريت تكون ارتحت يا بدر من اللي حصل
بدر :انا لسه في أول الطريق
رائد :حرام عليك يا بدر انت مش شايف ايه اللي حصل
بدر :ايه اللي حصل عمي تعب شويه وماله ما انا ابويا تعب في السجن وخرج منه واحد تاني
رائد :طب وليالي
بدر :مالها مهي نايمه اهي في مستشفي خاصه وجنبها اللي بيحبوها وبكره الصبح هتفوق وتبقي كويسه ولا انت نسيت ايام الملجأ لما كان حد فينا بيتعب مكنش بيلاقي اللي يعبره فاكر لما تعبت وكنت هموت من كتر الإهمال
رائد :ليالي ملهاش دعوه باللي حصل لنا زمان يا بدر
بدر :هي ملهاش ذنب بس ابوها ليه ذنب هو سبب كل العذاب اللي شفته في حياتي واللي عملته لحد دلوقت مجرد بدايه ومحدش هيقدر يمنعني
رائد :يعني انت هترتاح لما تحبس عمك
رائد :ومين قال اني هحبسه انا هقف جنبه واتقذه من المصيبه دي بس هدخل شريك معاه بنسبه 51٪وابقي انا صاحب القرار في الشركه
رائد :انا بطلب منك تاني يا بدر تراجع نفسك
بدر:الكلام ملوش لازمه وانا بدأت المشوار ولازم انهيه
قطع حديثهم تململ ليالي واستيقاظها
نهضت ليالي من علي الفراش وهي تصرخ :بابا بابا ما تسبنيش يا بابا واتجهت الي الشرفه
رائد :الحقها يا بدر
بدر :ما تخافش دي اللحظه اللي انا مستنيها
رائد :هتسيبها تنتحر
بدر :لا طبعا واقترب منها بدر وامسكها وهي تحاول الفرار منه فقام بدر بجذبها من شعرها وصفعها علي وجهها عده صفعات حتي خارت قواها وفقدت الوعي
رائد وهو يحاول تخليصها من يده :حرام عليك سيبها بتعمل ايه
حملها بدر ووضعها علي الفراش :مفيش هي قدامك اهه كانت عايزه تنتحر وترمي نفسها من البلكونه وانا كنت بمنعها
رائد :انت مجنون
بدر:عندك حق ومفيش علي المجنون حرج
في مطار القاهره الدولي
يصل حازم الي ارض الوطن ويستقبله صديقه عامر
عامر :حمد الله على السلامة
حازم :الله يسلمك ايه الاخبار
عامر :جبت لك أخبارهم كلها من يوم ما سافرت
حازم :حلو اوي ماشي يا بدر يا انا يا انت
