بدر بذهول:بتقول إيه يا ساهر
ساهر:ليالي حامل
عز: أنت متأكد
ساهر: أيوه ليالي حامل تقريباً في شهرين ونص
رجع بدر بذاكرته وهتف لنفسه:شهرين ونص يعني من الليله اياها
عز:بدر بدر روحت فين
بدر:هه معاك أنا مش مصدق معقول ليالي حامل يعني أنا هبقي اب
فاقت ليالي واستمعت إلي حديثهم
ليالي: إيه بتقولوا ايه أنا حامل
عز: أيوه يا حبيبتي ساهر بيقول أنك حامل في شهرين ونص
ليالي: لا مستحيل أنا هنزله أنا مش عايزه
بدر:يعني ايه تنزليه ده أبني مش إبنك لوحدك
ليالي: أنا مش عايزه أي حاجة تفكرني بيك أنا عايزاك تطلع من حياتي ومفيش حاجه تفكرني بيك
بدر: بصوت عالي: الكلام ده مش هيحصل
ليالي: أنت مالكش أنك تحكم عليا
بدر بصوت أعلي: أنا بحذرك يا ليالي شيلي الكلام ده من دماغك لأني همنعه حتي لووصلت إني احبسك لحد ما تولدي
ليالي: مش غريبه عليك تحبسني تاني ما أنت حبستني قبل كده بس مش هتقدر تعمل كده لأني هخلعك وهنزل الجنين وهنساك وانسي أيامك كلها
كاد بدر أن يرد عليها ولكن قاطعهم عز
عز: خلاص يا بدر أهدي اتفضل دلوقت عشان هي كمان تهدي
ساهر: أيوه يا بدر سيبها تهدي مش هينفع نديها مهدي
بدر: ماشي أنا هطلع بره بس أنا لسه عند كلامي وهي هتطلع من هنا علي شقتي
ليالي: أنا مش هدخل الشقه دي تاني علي جثتي يا بدر وابقي خدني جثه بقي واحبسني
نظر لها بدر وتوجه الي الباب فنهضت ليالي وأخذت شئ من الطاوله بجوارها وقامت بقذفه
ألتفت لها بدر ببرود وابتسامه جانبيه:هعدي لك أي حاجة عشان النونو ثم أنصرف
نظرت ليالي لساهر وعز
ليالي: أنا هنزله يا عز هنزله يا ساهر
ساهر:طب ممكن تهدي وتفكري بالراحه كده أنت ممكن تقتلي إبنك أو بنتك ممكن تقتلي طفل مالوش ذنب
ليالي: سيبوني لوحدي
خرج عز وساهر خارج الغرفة وجدوا بدر في الخارج
بدر: إيه
ساهر:عايزه تبقي لوحدها
بدر: أنا عايز اشوف ماما
ساهر:تعالي معايا
وذهب بدر وعز وساهر الي عرفه العنايه المركزه حيث توجد آثار
في النيابه
دلف العسكري إلي الغرفه
وكيل النيابه:لقيتوا مجدي
العسكري:مش موجود يا فندم
وكيل النيابه:طب وشركته
العسكري: الشركه باسم بنته ومفيش حد يعرف مكانه
وكيل النيابه:والخزنه إللي في البنك
العسكري: أيوه يا فندم ده الموجود فيها
أخذ وكيل النيابه الظرف فوجد به عقد جواز عرفي بين محمد وزينه ابنه مجدي ووجد ذاكره هاتف فقام بتشغيلها فوجد فيها فيديوهات لاتفاقيات مجدي معه علي قتل حازم وتوريط بدر بها ومكالمات مسجله أثناء وقوع الجريمه
وكيل النيابه:يبقي هو قتله عشان ما يعترفش عليه
قررنا نحن وكيل النائب العام إحضار زينه مجدي إلي ثرايا النيابه
عند بدر
كان يجلس بجوار آثار الغائبه عن الوعي
بدر:ماما أنا بدر قومي يا حبيبتي ردي عليا أنا رجعت مش هقدر ابعد عنك تاني وكانت الدموع ننزل من عيونه
اقتربت منه ساهر:بدر أنت لازم ترتاح شويه
بدر:هي مش بتفوق ليه
ساهر:ان شاء الله هتبقي أحسن وتفوق قريب أنت لازم ترتاح شويه عشان تقدر تقف علي رجلك
بدر: أنا هروح عند ليالي
ساهر: بلاش يا بدر دلوقت لازم تهدوا انتم الإثنين
بدر:ما تخافش يا ساهر أنا أخدت عهد علي نفسي إني اتقبل منها كل اللي هتعمله وده حقها
توجه بدر إلي غرفه ليالي وجدها تضع يدها علي بطنها وكأنها تتحدث مع الجنين ولكنها لم تشعر بدخول بدر
ليالي: أنت زعلت مني عشان قلت إني مش عايزاك أنت ما تعرفش هو عمل فيا ايه وجودك دايما هيفكرني باللي هو عمله فيا دايما هتفضل الليله دي قدام عنيا أنا ممكن اسامحه علي أي حاجة عملها فيا ضربه وذله ليا وخداعه وتلفيق القاضيا كل ده ممكن اسامحه عليه بس اللي عمله في الليله دي عمري ما هسامحه عليه أبدا طول عمري هتفضل الليله دي بيني وبينه وأنت هتبقي دليل جرمه
سمع بدر هذه الكلمات ونزلت دموعه
بدر لنفسه:قد ايه أنا كنت مجرم في حقك يا ليالي يارب قويني اني اقدراقربها مني وانسيها اي اذي
سببته ليها
في النيابه كانت زينه تقف أمام وكيل النيابه
وكيل النيابه:ازاي ما تعرفيش والدك ووالدتك فين
زينه: أنا قلت إللي أعرفه هما قالوا لي أنهم مسافرين عشان عندهم شغل
وكيل النيابه: مسافرين فين
زينه: مش عارفه
وكيل النيابه: اتكلمي يا زينه والدك قتل جوزك
زينه:جوزي أنا مش متجوزه
امسك وكيل النيابه ورقه الجواز العرفي:مش ده عقد جواز بينك وبين محمد
زينه:لا هو زور امضتي أنا مش متجوزه
وكيل النيابه:هل لديك اقوال أخري
زينه:لا
مرت الايام بدون احداث جديده وخرجت ليالي من المستشفي وذهبت الي منزل زين وتحسنت حاله آثار وخرجت من المستشفي وعاد بدر إلي شركته
في الشركه يجلس بدر وعز
عز:دي مناقصه كانت داخله فيها الشركه المتحده واخدوها بس زينه بنت عمتك مش قادره علي الدفع
بدر: اشتري منها البضاعه بنص ثمنها لازم اخليهم يندموا على إللي عملوه معانا
قطع حديثهم دخول السكرتيره
بدر بيه في واحده إسمها زينه مجدي عايزه تقابل حضرتك
بدر: معقول تكون هي
عز: خليها تتفضل
بدر:يا تري جايه ليه
عز:دلوقت نعرف
دلفت زينه الي المكتب
زينه:مساء الخير
بدر:خير
زينه: أنا زينه
بدر: أنا عارف انت مين أنا عايز اعرف انت جايه ليه
زينه: حضرتك أستاذ بدر
بدر: أيوه خير
زينه: أنا عرفت من رئيس الحسابات أن حضرتك اشتريت كل الديون إللي علينا للشركات المورده وأن الشيكات بقت مع حضرتك
بدر:فعلا وأول شيك يستحق الدفع بعد يومين وزي ما أنت عارفه يا الدفع يا الحبس
زينه: أنا جايه أعرض علي حضرتك أنكم تشتروا مننا البضاعه بتاعه الصفقة الاخيره وهي ثمنها تقريباً يغطي جزء كبير من الديون
بدر:ومين قالك إني عايز البضاعه دي
زينه:شركه حضرتك كانت داخله الصفقه دي يعني اكيد كنتم عايزين البضاعه
بدر:البضاعه دي ما تلزمنيش ولو اخدتها مش هاخدها بالثمن ده
زينه:يعني ايه
بدر:يعني دي بضاعه واقعه ومحدش هيفكر يشتريها بعد الاشاعه إللي طلعت عليها انها درجه ثالثه
زينه: لا مش صحيح
بدر: أنا عارف بس أنا لو هاخدها هاخدها بالسعر إللي أنا عايزه وبالسعر إللي أنا عايزه مش هتكفي ٢٠٪من حجم الديون
زينه: أنت عايز تشتري البضاعه بربع ثمنها
بدر:هو ده إللي عندي
زينه: أنا سمعت عنك كتير بس متوقعتش أنك تبقي بالجبروت ده
اقترب منها بدر:ده شئ بسيط قوي قدام إللي ابوكي وأمك عملوه فيا زمان
زينه: أنا أسفه إني جيت هنا
بدر:مع السلامه
عز:استني بس يا بدر استني يا آنسه زينه اقعدي نتفاهم
بدر:مفيش تفاهم إللي قلته هو آخر كلام عندي
زينه: تمام يا أستاذ بدر
وانصرفت زينه وهي تبكي
عز:ليه كده يا بدر
بدر:بتسالني ليه يا عز أنت مش عارف إللي عملوه فينا أبوها وأمها كفايه إللي بيني وبين ليالي إللي عمره ما هيتصلح
عز:اسمعني يا بدر أنا معاك أنهم ما عملوش شويه بس أنت برده كان لك نصيب من الغلط
بدر: أنا عارف إني غلطت وبدفع نتيجه غلطي
عز: وللأسف مش بتتعلم وبتكرر نفس الغلط وبتاخد زينه بنت عمتك بذنب عمتك وجوزها
بدر: أقفل الموضوع ده يا عز واللي قلته مش هرجع فيه
مر اليوم واتي الليل
في منزل زين
كانوا يجلسون جميعاً يتحدثون حتي نزلت ليالي من غرفتها
ليالي:لو سمحت يا بدر بيه عايزاك
ساهر:خير يا ليالي
ليالي:بعد اذنكم أنا عايزه دكتور بدر في كلام مهم
زين:قوم معاها يا بدر
نهض بدر ودلفوا الي غرفه المكتب
بدر: أنا تحت أمرك
ليالي: أنا هخلي البيبي مش هنزله
كان بدر سيتحدث ولكن قاطعته ليالي
ليالي: أنا أخدت القرار ده مش عشان تهديدك أو عشان أنا خايفه منك لا أنا خفت من ربنا إني ارتكب ذنب واقتل طفل مالوش أي ذنب في الحياه إلا أنه يبقي إبنك طبعا أنت عارف الحمل ده حصل أمتي وحصل ازاي ولو عندك ضمير هيفضل الطفل ده يفكرك بجريمتك واللي أنت عملته معايا يمكن ربنا عمل كده عشان تفضل طول عمرك حاسس بالذنب وكل ما تبص في عيوني تفتكر الليله دي
اقتربت منها بدر: أنا مش هطلب منك إنك تسامحني لأني عارف أن السماح ده طلب غالي أوي أنا بس بطلب منك إنك تديني فرصه أكفر بيها عن ذنبي
ليالي: أنت قضيت علي أي مشاعر عندي مبقاش عندي أي حاجة تخليني اديك فرصه تانيه إحنا هنتفق
بدر:هنتفق علي إيه
ليالي: أنا هحتفظ بالجنين وانت هتطلقني والطفل هيبقي معايا وأنت وقت ما تحب تشوفه اتفضل وأنا مش هحرمك منه
بدر:لا طبعا ابني مش هيبعد عني وأنا إللي هربيه ارجوكي يا ليالي ما تخليش إللي حصل لينا يحصل لابننا
ليالي:هو ده آخر كلامه عندي وأنت سواء وافقت أو لا طلقت أو لا الطفل هيبقي معايا لأني أنا أمه وأنا برجوك يا بدر أنا خلاص مبقاش قدامي أي شيء غير الطفل ده وأنت ممكن تشوف حياتك وتتجوز وتخلف وأنا بوعدك إني مش هحرمك منه
بدر: أنا موافق بس بشرط
ليالي: إيه
بدر:ما نطلقش إلا بعد الولادة وفي الفتره دي هبقي معاكي وأنت تستحمليني الفتره دي وبعد الولاده أن شاء الله هعمل لك إللي أنت عايزاه
ليالي:تبقي معايا بصفه إيه
بدر:ابقي صديقك أو الدكتور بتاعك واخد بالي منك هه إيه رأيك
ليالي:موافقه وربنا يعدي الفتره دي بسرعه
بدر لنفسه: أن شاء الله مش هتعدي إلا وأنت راضيه عني وسامحتيني
سمعوا طرقات علي الباب
بدر: أيوه
سهر: فيه ضيفه عايزاك يا دكتور
نظرت له ليالي:ضيفه مين إللي عايزاك
بدر: مش عارف أنا هطلع اشوف مين
خرج بدر وليالي وهتف بدر بصوت عالي: أنت
أنت جايه هنا ليه وعايزه إيه تاني أظن الكلام إللي بينا خلص واللي عندي قلته ليكي
ساهر: أهدي يا بدر مش كده اتفضلي يا آنسه اقعدي
زين:مين دي يا بدر
بدر: دي زينه بنت كوثر ومجدي جايه تطلب السماح بعد اللي عملوه أبوها وأمها
زينه: أنا أسفه إني جيت منه غير معاد أنا بس جايه أعرض عليك أنك تشتري الشركه مقابل الشيكات والديون
بدر: الشركه ما تلزمنيش والشركه والفيلا هيتباعوا في المزاد قريب اوي وأنت ما تقلقيش مش هتبقي في الشارع لأنك هتكوني في السجن
ولو مش عايزه ده يحصل قولي لي ابوكي وأمك هربوا فين
زينه: صدقني أنا معرفش عنهم حاجه هما فجاءه اختلفوا
بدر:خلاص يبقي أنت إللي اخترتي أنك تدفعي ثمن غلطهم
دمعت عيون زينه ونهضت واتجههت الي الباب
بدر:اعملي حسابك بكره أول شيك هيبقي قدام النيابه جهزي محامي
التفت له زينه ثم نظرت أمامها ولكن شعرت أن قدمها لا تحملاها فسقطت علي الأرض فاقده الوعي
