عز الدين :رائد باشا
عز الدين :ايه بتقول ايه ازاي الكلام ده
ثم أغلق الهاتف
زين الدين :خير يا عز يا ابني بدر حصل له حاجه
عز :بدر متهم بقتل حازم
فزع الجميع مما قاله عز
أثار :بتقول ايه يا عز حازم مين وبدر قتله ازاي
زين الدين :اهدي يا آثار خلينا نفهم منه ايه الكلام ده يا عز
عز الدين :رائد بيقول انهم قبضوا على بدر في شقه حازم ولقوا حازم مقتول
آثار :مين حازم ده
عز الدين :حازم ده يبقى معيد عند ليالي
أثار :وبدر يقتله ليه
زين الدين :مش وقته هو فين دلوقت
عز الدين :في القسم احنا لازم نكلم المحامي عشان يروح له
زين :انا هكلم المحامي بتاعي عشان يروح له
استيقظت ليالي على صوتهم بالأسفل
ليالي :ايه ده فيه ايه هي الساعه كام ثم نظرت الي الساعه الموجوده بجوارها :ياه انا نمت كل ده يا خبر انا نسيت حازم ده كان مستني عشان نتغدى سوا
ثم سمعت أصواتهم بالأسفل
ايه ده في ايه تحت
نزلت ليالي الي الاسفل وسمعت حديثهم
ليالي :معقول بدر قتل حازم
دلفت ليالي إليهم ووجدت آثار منهاره وتبكي وعز الدين متوتر وولدها يتحدث مع المحامي
ليالي :في ايه
سهر :بيقولوا قبضوا على بدر ومتهمينه بقتل حازم
فزعت ليالي :ايه حازم اتقتل
سهر :انت بتقولي ايه انت حازم اللي همك بقولك متهمين بدر بقتله
ليالي :ايوه هو اللي قتله
أثار :بتقولي ايه يا ليالي
ليالي :ايوه امبارح بدر اتخانق مع حازم وهدده انه هيقتله
عز :اسكتي يا ليالي انت بتخرفي بتقولي ايه
ليالي :بقول اللي حصل قدامي وانا هروح واشهد بكده
اقترب منها ساهر وصفعها على وجهها
فزع الجميع مما فعله ساهر
ساهر :الظاهر اننا اتساهلنا معاكي اوي لما سيبناكي تدخلي وتخرجي على مزاجك وتمشي تتسرمحي مع حازم ده وقلنا فتره وتعدي وهترجع لعقلها انما اظاهر انك اتجننتي يا ليالي
ليالي :انت بتضربني يا ساهر
ساهر :ايوه اضربك واعلمك الأدب من الاول
زين الدين :كفايه يا ساهر يلا بينا نجيب المحامي ونروح لبدر
ركضت ليالي الي غرفتها وهي تبكي ولا تعلم هل تبكي على ما فعله ساهر معها ام علي موت حازم ام علي بدر ثم صمتت :لا طبعا انا مش زعلانه عشانه انا انا اخيرا هنتقم منه وهروح اشهد باللي حصل
عند كوثر ومجدي
كوثر :لسه مخك شغال يا مجدي
مجدي :طبعا يا حبيبتي اعتمدي عليا انت بس وانا اخلصك من اللي مضايقك
كوثر :ازاي جت لك الفكره دي
مجدي :لما قلتي اننا لازم نخلص من بدر فكرت اننا لو قتلناه كل الشبهات هتبقى علينا احنا ففكرت اننا نخلص منه بطريقه متخليش حد يشك فينا
خصوصا بعد محاوله القتل الفاشله اللي انت دبرتيها له
كوثر :انا كنت واثقه انه هيخبطه ويخلص عليه بس هو اللي طلع غبي
مجدي :مهو عشان كده فكرت في موضوع حازم ده
كوثر :ازاي
مجدي: هقولك اليوم اللي بدر خرج فيه من المستشفى كلفت رجالتي يراقبوه
Flash back
مجدي :تمام هو خرج من المستشفى
شخص :ايوه يا باشا
مجدي :عايزه ما يغيبش عنك ولا لحظه وليالي كمان
شخص تمام يا باشا
بعد مرور يومين
شخص :ايوه يا باشا
مجدي :ايه الاخبار
شخص :ليالي كل يوم بتخرج مع اللي اسمه حازم ده وبترجع متأخر وبدر بيراقبها من بعيد لبعيد
مجدي :تمام عايزك تعرف بيت حازم ده فين وتراقبه هو كمان
شخص :تحت امرك يا باشا
وبعد مرور يومين
شخص :مجدي باشا
مجدي :ايه فيه جديد
شخص :ايوه يا باشا ليالي كانت سهرانه مع حازم في ديسكو وبدر راح لهم واتخانق مع حازم وضربه وهدده انه لو مبعدش عن ليالي هيقتله واخد ليالي وخرجها بره الديسكو وركبها عربيتها ومشت
مجدي :حلو اوي كده انت عرفت عنوان حازم
شخص :ايوه يا باشا
مجدي :حلو اجهز بكره واستني مني رنه وتنفذ على طول
مرت الليله وأتى الصباح
قام مجدي بعمل اتصال
شخص :تحت امرك يا باشا
مجدي الساعه ٢ تكون منفذ
شخص :امرك يا باشا
في الساعه الثانيه ظهرا ومجدي في الشركه رن هاتفه
مجدي :حصل يا باشا
مجدي :تمام
قام مجدي بالاتصال ببدر
بدر :الو
مجدي :بدر باشا
بدر :ايوه انا مين معايا
مجدي :انا واحد خايف على سمعتك وصعبان عليا تبقى قاعد في الشركه ومراتك بتخونك
بدر :لو مقلتش انت مين انا هقفل
مجدي :براحتك بس لمصلحتك روح شقه حازم هتلاقي مراتك في حضنه واحتياطي خد العنوان
أغلق بدر الهاتف ونزل بسرعه الي العنوان الذي أخذه من المتصل
بدر لنفسه :والله لاقتلك يا ليالي انت والزفت اللي معاكي
وصل بدر الي الشقه واقترب منها فوجد الباب مفتوح فدلف بدر الي الشقه ولكنه تفاجأه عندم وجد حازم ملقي على الأرض ومطعون في صدره بسكينه فاقترب منه بدر وجد به نبض ضعيف فحاول اسعافه ولكنه تفاجأه بالشرطه حوله وقاموا بالقبض علىه ووجهوا له تهمت القتل
قبل ذلك بقليل
مجدي :الو بوليس النجده لو سمحت انا عايز أبلغ عن جريمه قتل حصلت في شقه واعطاهم عنوان حازم
الشرطه :مين حضرتك
أغلق مجدي الهاتف
وقام بعمل اتصال :مجدي ايه الاخبار
شخص :وصل يا باشا ودخل الشقه من شويه
و البوليس وصل اهه يا باشا
مجدي :بلغني بالجديد
بعد فتره اتصل به الشخص
شخص :تمام يا باشا البوليس اخد بدر ومشي
بدر:حلو اوي ابقى تعالى خد حسابك
Back
كوثر :طلعت داهيه يا مجدي
مجدي :تلميذك يا هانم
عند بدر
كان يجلس في الحجز وهو يفكر :يا ترى مين اللي عملها ومين اللي اتصل بيا وقال لي أن ليالي عند حازم معقول تكون ليالي كانت عنده وقتلته
قطع حديثه مع نفسه دلوف العسكري عليه
المتهم بدر الدين شهاب
بدر :نعم
العسكري :تعالي الباشا عايزك
خرج معه بدر ودلف الي غرفه الضابط فوجد زين الدين وعز الدين وساهر ورائد ومعهم المحامي
اقترب بدر منهم وسأل في لهفه :ليالي راحت لحازم النهارده
عز الدين :لا ليالي تعبت وساهر أداها مهدئ ونامت طول النهار
جلس بدر على الكرسي وهتف :الحمد لله الحمد لله اي حاجه تاني تهون الحمد لله
ساهر :في ايه يا بدر فهمنا ايه اللي حصل
سرد لهم بدر ما حدث ثم تابع :انا كنت خايف تكون ليالي هي اللي كانت عنده وقتلته الحمد لله
عز :طيب مين اللي كلمك في التليفون
بدر :مش عارف بس اللي كلمني ده عارف اني اتخانقت امبارح مع حازم واني ضربته وهددته بالقتل
رائد :هيكون مين ده
بدر :انا مش قادر افكر في حاجه انا كل اللي كان شاغل بالي انها ماتكونش ليالي اللي عملتها غير كده اي حاجه تحصل مش هتفرق معايا
عز :وانت لما لقيته واقع قدامك كده ما سيبتهوش ومشيت ليه
بدر :لقيته لسه عايش حاولت انقذه بس البوليس جه واخذوه ومات
المحامي :لا حازم ما ماتش حازم في غيبوبه
بدر :حازم ما ماتش حازم لسه عايش
المحامي :ايوه انا لسه مكلم المستشفى وعرفت انه في غيبوبه وحالته صعبه وعليه حراسه
رائد :يبقى أملنا ان حازم يفوق ويقول مين اللي قتله
بدر :مبقتش فارقه يا رائد ربنا بيرد لي كل اللي عملته
زين :بتقول كده ليه يا ابني بلاش يأس
مرت الليله وأتى الصباح وكانت ليالي تجلس في الأسفل مع سهر وداليده حتى سمعوا رنين الباب
فتحت سعاد الباب وجدت أمامها شرطي
سعاد :خير
الشرطي :مدام ليالي سراج الدين هنا
سعاد ايوه ثانيه واحده دلفت سعاد الي الداخل الي ليالي
سعاد :ليالي
ليالي :ايوه يا داداه
سعاد :في واحد عسكري عايزك بره
ليالي :عايزني انا ليه
سهر :تعالي يا ليالي نشوف فيه ايه
خرجت ليالي وسهر وداليده الي الشرطي
ليالي :انا ليالي سراج الدين
الشرطي :ده استدعاء من النيابه تكوني حضرتك موجوده بكره الساعه ١٠ هناك اتفضلي امضي
قامت ليالي باستلام الورقه ووقعت على استلامها
وانصرف الشرطي
سهر :ايه ده
ليالي :ده استدعاء من النيابه عشان قضيه حازم
داليده :وانت هتعملي ايه
ليالي :هشهد باللي حصل طبعا
سهر :هتشهدي على بدر
ليالي :انا مش هشهد عليه انا هقول اللي حصل قدامي
سهر :بلاش يا ليالي انت كده هتودي بدر في داهيه وهتثبتي التهمه عليه
ليالي :انا هقول اللي حصل وبس وماليش دعوه باللي هقوله ده هيثبت التهمه اولا وانا متأكده انه هو اللي قتل حازم
سهر :فكري تاني يا ليالي
ليالي :انا مش عايزه حد يكلمني في الموضوع ده تاني وتركتهم وصعدت الي غرفتها
داليده :وبعدين يا سهر ليالي كده هتضيع بدر
قطع حديثهم دخول عز وساهر عليهم
ساهر :ايه يا بنات واقفين كده ليه مالكم
سهر :النيابه بعتت لليالي عشان تشهد على اللي حصل وهي مصممه انها تشهد ان بدر هدد حازم انه هيقتله
ساهر :لا بقى البنت دي اتجننت خلاص
عز :بالراحه يا ساهر انت عارف اللي حصل لها مش قليل
ساهر :وخلاص اللي حصل حصل وبدر عرف غلطه وحاول يراضيها بأي طريقه وهي زودتها اوي وعملت اللي في دماغها وكفايه المصيبه اللي بدر واقع فيها كمان عايزه تثبت التهمه عليه
عز :انا هطلع لها
صعد عز الي ليالي وطرق الباب
ليالي :مش عايزه اكلم حد عايزه افضل لوحدي
عز :افتحي يا ليالي انا عز
ليالي :انا مش هرجع في كلامي يا عز وهقول اللي حصل
عز :فكري تاني يا ليالي بدر ندم على اللي عمله وحاول كتير انه يراضيكي بس انا بفكرك ان اللي بدر عمله ما يستهلش عليه انه يتعدم وانت عمرك ما هتحسي بالراحه
ظلت ليالي تبكي في غرفتها حتى غفت ومرت الليل وأتى الصباح واستيقظت ليالي وذهبت الي النيابه ودلفت الي وكيل النيابه
وكيل النيابه :حضرتك ليالي سراج الدين المنشاوي
ليالي :ايوه انا
وكيل النيابه :ايه علاقتك بالمتهم بدر الدين شهاب
ليالي :يبقى جوزي
وكيل النيابه :وايه علاقتك بالمجني عليه حازم على
ليالي :ده يبقى معيد عندي في الجامعه وكان المفروض نتخطب بس محصلش نصيب واتجوزت بدر
وكيل النيابه :تعرفي ايه عن العلاقه بين بدر وحازم
ليالي :بدر كان هدد حازم زمان عشان يخليه يسيبني عشان يتجوزني ولما اتجوزنا انا وبدر ما اتفقناش انا طلبت منه الطلاق
وكيل النيابه :وبعدين
ليالي :انا ليله الحادثه كنت سهرانه في ديسكو وكان حازم سهران معايا وفجأه لقيت بدر واقف قدامنا ومسك حازم من هدومه وقاله انه مالوش دعوه بيا تاني ومسك في حازم وضربه وبعدين هدده انه لو مبعدش عني هيقتله وبعدين اخدني بالعافيه و ركبني عربيتي وانا روحت وبعدها عرفت ان حازم اتقتل
وكيل النيابه :بس من سجلات هاتف حازم لقيناه كلمك الساعه ١٠ الصبح
ليالي :فعلا هو كلمني الساعه ١٠ واتفقنا اننا نتقابل في النادي عشان نتغدى سوا بس انا تعبت وماروحتش وبعدين سمعت ان بدر متهم بقتله
وكيل النيابه :يعني انت شايفه ان بدر ممكن يكون نفذ تهديده وقتل حازم عشان ما بعدش عنك
ليالي :مش عارفه
بدر :يعني انت كنت مراته انت شايفه ان شخصيه زي بدر ممكن يقتل
ليالي :انا مش عارفه لاني مقعدتش معاه غير شهرين وبعدين طلبت الطلاق
وكيل النيابه :تمام يا مدام ليالي اتفضلي امضي على أقوالك
وقعت ليالي على أقوالها وانصرفت
دلف محامي بدر واستأذن من وكيل النيابه واطلع على الأقوال
قام المحامي بالاتصال بعز الدين
عز الدين :ايوه يا متر فيه جديد
المحامي :للأسف يا عز مدام ليالي شهدت على بدر وخلت موقفه صعب اوي
زفر عز في ضيق :اه يا ليالي وبعدين يا متر
المحامي :مفيش قدامنا غير اننا نستنى ان حازم يفوق
عز :ساهر بيقول ان حالته صعبه جدا
المحامي :ربنا معانا وان شاء الله يفوق
