خرجت ليالي من النيابه وقامت بالتوجه الي المكان المحجوز فيه بدر وطلبت اذن بالزياره
في مكتب احد الضباط داخل مكان حجز بدر نري بدر يدخل الي المكتب وقد تبدلت ملامحه حيث نبتت لحيته وملامحه يكسوها الحزن
بدر :ليالي
الضابط انا هسيبكم مع بعض شويه
خرج الضابط وأغلق الباب ووقفت ليالي تنظر لبدر وعلي وجهها ابتسامه
ليالي :ازيك يا بدر
بدر :لما شفتك بقيت احسن انا كنت عارف انك هتيجي تشوفيني
ليالي بابتسامه سخريه :مين اللي قالك اني جايه ازورك او اشوفك
بدر بدهشه :امال جايه ليه
ليالي :جايه عشان اشمت فيك
بدر :تشمتي فيا
ليالي :اه اشمت فيك جايه اشوفك وانت مكسور ومسجون فاكر يا بدر باشا لما خليت حسن يتهمني بالسرقه ودخلوني الحجز فاكر لما لفقت القضيه لساهر وخلتني ابوس رجلك عشان تطلعه فاكر انت عملت ايه الليله دي اكيد فاكر لان اللي بيدبح حد عمره ما بينسي هو دبحه ازاي علي فكره انا شهدت عليك انك قتلت حازم وقريب اوي حبل المشنقه هيتلف حوالين رقبتك
بدر بابتسامه سخريه :لو موتي هيشفعلي عندك ويخليكي تسامحيني يبقي انا مش خايف من الموت
ليالي :انا مش هحسامحك حتي لو مت الف مره انا عمري ما هسامحك بحق كل مره ذلتني فيها بحق كل مره اخدتني غصب بحق كل ليله عشتها في عذاب مش هسامحك اه بالمناسبه انا رفعت عليك قضيه خلع وهخلعك قبل الحكم عليك مع انهم نصحوني اني ما اخلعكش عشان لما تتعدم اورثك بس لا فلوس الدنيا كلها ما تساويش اللحظه اللي اشوفك فيها مذلول كده
بدر :انا مش زعلان من كلامك انت حقك تقولي اكتر من كده
ليالي :وانا مايهمنيش زعلك سلام يا بدر باشا
هتف بدر باسم ليالي قبل خروجها
بدر :ليالي
ليالي :نعم عايز ايه
بدر :حتى لو كنت جايه تشمتي فيا انا سعيد اني شفتك ولو عدموني دلوقت مش هيفرق معايا اي حاجه تانيه وانا عارف ان ممكن تكون دي اخر مره اشوفك فيها
ليالي :لا ما تقلقش هتشوفني تاني يوم ما يحكموا عليك بالإعدام
بدر :مع السلامه يا ليالي
انصرف بدر وظلت ليالي داخل الغرفه وهي لا تعرف لما تشعر بكل هذا الحزن
ليالي لنفسها :انا ليه زعلانه كده المفروض اكون سعيده لاني اخيرا اخدت حقي منه انا متلغبطه ومش فاهمه حاجه ثم انصرفت وذهبت الي المنزل كان بانتظارها داليده وسهر وأثار وصافيه
دلفت ليالي الي الداخل وصعدت الي غرفتها ولن ترد على اي شخص هتف باسمها
داليده :مالها في ايه
سهر :مش عارفه
دخل عز الدين مندفعا الي منزل زين الدين وهو يهتف بصوت عالي:ليالي ليالي
تجمع كل من في المنزل علي صوته ونزلت ليالي من علي الدرج
ليالي :نعم يا عز في ايه
عز :انت روحتي شهدتي ان بدر هو اللي قتل حازم
ليالي ايوه
آثار :ليه يا ليالي بدر مظلوم
ليالي :بدر هدده قدامي انه هيقتله لانه كشفه
اقترب منها عز وامسكها من زراعها :انت مجنونه هو ده دليل انه قتله انت كده ظلمتيه انا لما عرفت ان ليا اخت فرحت وقلت ربنا عوضني بيكي انت وبدر وانك حلقه الوصل بينا بس دلوقت انا بندم ان انا ليا اخت ظالمه زيك
نزعت ليالي يدها من عز :ظالمه وهو مش ظالم بعد اللي عمله معايا لعبه بمشاعري وضحكه عليا مكنش ظلم واللي عمله في عمي مكنش ظلم وتهديدي وتلفيق القضايا مكنش ظلم ضربه واهانته ليا مكانش ظلم كل اللي عمله مكانش ظلم دلوقت بقي هو البرئ ودموعه ماليه كفوفكم وانا لما اخدني بذنب ابويا وانتقم مني كان ايه رد عليا كان ايه
آثار :يا بنتي هو كان مخدوع ومكانش يعرف الحقيقه ده كله ملعوب من كوثر هي اللي فهمت شهاب الدين وبدر الدين اننا خدعناهم وخناهم وهي اللي دبرت كل ده
ليالي :انا شهدت باللي حصل قدامي وانا كده لسه ماخدتش حقي منه
هنا دلف ساهر
ساهر :وزيارتك ليه النهارده كانت ايه يا ليالي
عز :ايه
ساهر :ايوه انا كنت عنده النهارده وعرفت انها زارته روحتي عنده ليه يا ليالي
ليالي :عشان اشوفه وهو مكسور عشان اشمت فيه حتى لو انا كنت متأكده انه مظلوم بس كان لازم يحس باللي كان بيعمله فيا
ساهر :بدر مظلوم وهيطلع براءه وكلنا هننسي الماضي ونبدأ من جديد وانت لو سبتي نفسك للانتقام مش هتعرفي تنسى الماضي ولا تعيشي اللي جاي
تركتهم ليالي وصعدت الي غرفتها وامسكت بريشتها وبدأت بالرسم ولكنها كانت ترسم وهي بذهن شارد تفكر في بدر وفي زيارتها له وعند انتهاءها من الرسم وجدت انها رسمت بدر ولكن هذه المره بعيون فيروزيه حزينه فهو مثل ما شاهدته في محبسه
ليالي :وبعدين انا مش قادره اخرج من دايرته
ومرت الايام وكان يوم عرض بدر على النيابه وهو يوم وصول تقرير الطبيب الشرعي والمعمل الجنائي
كان بدر يقف في الغرفه ويجلس أمامه وكيل النيابه ومعه المحامي
وكيل النيابه :تقرير المعمل الجنائي بياكد ان البصمات اللي على السكينه هي بصماتك يا بدر
بدر :ايوه انا حاولت انقذه واسعفه
وكيل النيابه :والطبيب الشرعي بياكد ان الوقت اللي الكاميرا سجلت دخولك العماره هو تقريبا نفس وقت وقوع الجريمه ومراتك ليالي أكدت انك قبل الجريمه بيوم حصلت خناقه بينك وبين حازم وضربته وهددته انك هتقتله
صمت بدر
وكيل النيابه :قررنا احاله أوراق القضيه الي محكمه الجنايات واستمرار حبس المتهم
نظر المحامي الي بدر
بدر :خير ان شاء الله
المحامي :مفيش امل قدامنا دلوقت غير أن حازم يفوق ويتكلم
بدر :مبقاش يفرق معايا حاجه انا مسلم أمري لله
خرج بدر والمحامي ووجدوا زين وعز وساهر بانتظارهم
زين :خير
بدر :الجنايات
عز :ازاي يا بدر
المحامي :بصماته على السكينه والكاميرا صورته وهو داخل العماره وقت وقوع الجريمه
ساهر :ان شاء الله ربنا هيظهر الحق
بدر :قول لليالي مبروك وبلغها ان مفيش داعي لقضيه الخلع انا هطلقها وقريب اوي هبعت لها ورقتها
زين :قضيه خلع ايه يا بني
بدر :اسأل ليالي يا عمي
الشرطي :كفايه كده لو سمحتم
بدر :عز عايز اشوف ماما
عز :حاضر الزياره الجايه هتيجي
ابتسم بدر وانصرف مع الشرطي
زين :وبعدين يا متر
المحامي :مفيش قدامنا غير اننا نستنى وندعي ان حازم يفوق
زين :قضيه خلع ايه اللي بدر بيتكلم عنها
المحامي :مدام ليالي كانت طلبت مني اني ارفع قضيه خلع على بدر وانا وافقتها وكنت مستني النهارده عشان اعرفكم
ساهر :البنت دي زودتها اوي ولازم يبقى لنا معاها وقفه
زين :اهدي يا ساهر ليالي بتتصرف من غير وعي
المحامي :على فكره شهاده ليالي كان ليها دور كبير في إثبات التهمه على بدر
عز :يلا بينا نمشي زمان ماما قلقانه
في المنزل تجلس آثار وصافيه وسهر في انتظارهم
دلفوا الي المنزل
ركضت آثار باتجاهم:ايه بدر فين مجاش معاكم ليه
ايه يا زين رد عليا
زين ينظر لها بحزن ثم نظر الي الاسفل
توجهت الي عز :ايه يا عز ساكتين ليه
عز :بدر اتحول لمحكمه الجنايات
آثار :لا لا ابني برئ ابني مظلوم
كانت ليالي في غرفتها وسمعت صوت آثار وذهبت لترى ما حدث وهبطت الي الاسفل ووقفت بجوارهم
ليالي :في ايه
اقترب منها ساهر :مبروك يا ليالي بدر حولوه لمحكمه الجنايات ومش بس كده شهادتك خلت القضيه مع سبق الاصرار ياريت تكوني ارتاحتي وبدر بيبلغك انه هيطلقك مالوش لازمه ترفعي خلع
اقترب منها زين :قضيه خلع ايه اللي عايزه ترفعيها يا ليالي ومن غير ما تاخدي رأي حد انت خلاص مبقاش ليكي كبير
ليالي :اه مبقاش ليا كبير وانا هعمل اللي في دماغي وايوه ارتحت يا ساهر وهرتاح اكثر لما يعدموه
اقتترب منها زين وصفعها صفعه شديده وقعت على اثرها على الأرض
زين :اظاهر ان ساهر عنده حق احنا اتساهلنا معاكي كتير بس اسمعي بقى من النهارده مفيش خروج من البيت وانا هعرفك ان كان ليكي كبير ولا لاء
شعرت آثار بأنها ليست بخير وشعرت بألم في قلبها ثم سقطت على الأرض فاقده الوعي
فزع الجميع وركض عز عليها
عز :ماما ماما فوقي يا ماما ماما ماما ردي عليا
ساهر :استنى يا عز وسع كده واقترب منها ساهر :لازم ننقلها المستشفى بسرعه انا هكلم الإسعاف
قام ساهر بالاتصال بالاسعاف وتم نقل آثار الي المستشفى وبعد فتره خرج ساهر من عندها
عز بلهفه :ماما يا ساهر
ساهر :للأسف طنط آثار عندها ذبحه صدريه وهتفضل في العنايه المركزه لحد ما حالتها تتحسن
هي كانت بتشتكي من قلبها قبل كده
عز :لا
ساهر :اكيد موضوع بدر أثر عليها وزعلها عليه هو اللي عمل كده
جلس عز على الأرض ووضع وجهه في يده وظل يبكي
اقترب منه زين الدين :وحد الله يا بني ان شاء الله هتبقى كويسه
عز :معقول يا عمي بدر وماما في يوم واحد
زين :ما تقولش كده يا بني ان شاء الله هتقوم بالسلامه وربنا هيظهر الحق وبدر هيخرج احنا ندعي لهم ونصلي وان شاء الله ربنا هيحلها من عنده
عند ليالي كانت تبكي في غرفتها ويتردد في ذهنها كلمه ساهر
ساهر :مبروك يا ليالي بدر حولوه لمحكمه الجنايات ومش بس كده شهادتك خلت القضيه مع سبق الاصرار ياريت تكوني ارتاحتي وبدر بيبلغك انه هيطلقك مالوش لازمه ترفعي خلع
ليه ليه بيحملوني ذنبه ليه ليه نسيوا اللي عمله فيا ليه بقيت انا الظالمه وهو المظلوم ليه ليه نسيوا كل اللي حصل منه نسيوا كل حاجه ليه ليه
مرت الليله وأثار في غرفه العنايه المركزه غائبه عن الوعي وبدر في محبسه يتذكر ليالي ويبتسم عندما يتذكر وجهها وضحكتها :معقول يا ليالي اكون بحبك اوي كده ومش فارق معايا سجن او موت كل اللي فارق معايا انت وانك تسامحيني ياريت تسامحيني بتمنى قبل ما اموت تسامحيني
عند حازم في المستشفى نجد حدوث هرج ومرج أمام غرفه الرعايه المركزه وركض الأطباء الي داخل الغرفه ويسأل العسكر ي المسئول عن حراسه الغرفه احد الممرضين
عسكري :هو فيه ايه
الممرض :المريض قلبه وقف
