عز الدين:ده المحامي
عز:الو ايوه يا متر
المحامي:________
عز: إزاي حصل ده وامتي
المحامي:__________
عز:طيب يا متر هبلغ بابا وهو هيتصرف
زين:في إيه يا عز
عز: كوثر ومجدي عملوا حادثه علي طريق ليبيا وهما بيهربوا
زين: إيه
آثار: لازم زينه ما تعرفش حاجه عن إللي حصل ده
مرت الليله وكانت ليالي تجلس بجوار بدر وتمسك بيده
ليالي:قوم بقي يا بدر أنت وحشتني أوي إيه أنا ماوحشتكش معقول بعد ما احبك واتعلق بيك تغيب عني كل ده عيونك الفيروزي دي وحشتني اوي عارف يا بدر أنا حبيتك يوم ما شفتك حتي لما حصل بينا إللي حصل وحسيت إني كرهتك دايما كانت بتيجي عليا لحظه وأحس إني بحبك أنا أول مره أقول الكلام ده كنت بحاول اطلع مشاعري في الرسم بس كنت بلاقي نفسي برسمك أنت ولما عرفت إني حامل منك قولت هنزل الجنين بس بعد كده حسيت إني عايزاه حتي لو كنا أطلقنا عشان يفضل الصله إللي بيني وبينك عمرك شفت جنان كده عمرك شفت واحده بتحب إللي عذبها كده ايوه يا بدر أنا بعترف لأول مره قدام نفسي وقدامك أنا بحبك
فتح بدر عيونه ببطء وابتسم: وأنا بعشقك
فرحت ليالي: بدر أنت فقت الحمد لله
بدر: كملي كلامك إللي كنت بتقوليه
ليالي بتلعثم:كلام كلام إيه
امسك بدر يدها وقبلها: الكلام إللي كنت لسه بتقوليه دلوقت أنا سمعت كل حاجه أنت بتحبيني
ليالي: إيه لا أنا مقولتش كده
بدر:لا قولتي باماره عيوني الفيروزي إللي وحشتك
تنحنحت ليالي:احم أنا هقوم ابشرهم انك فقت عشان طنط آثار قلقانه عليك أوي
بدر: أنت بتهربي يا ليالي بس خلاص أنا سمعت واتاكدت انك بتحبيني وانا دلوقت مش عايز حاجه من الدنيا ولو مت دلوقت مش هيهمني أي حاجه أنا كل إللي كنت بتمناه أنك تسامحيني بس أنك تحبيني ده كرم من ربنا عمري ما طمعت فيه
ليالي: أنا لازم اقوم عشان اطمنهم عليك
بدر:ماشي يا حبيبتي وقبل يدها
خرجت ليالي تركض إلي مكان جلوسهم
عز:ليالي بتجري ليه بدر حصل له حاجه
ليالي: بدر فاق
ركض الجميع إلي غرفه بدر
عند زينه كان ساهر يجلس بجوارها
فتحت زينه عيونها:اه
ساهر:حبيبتي حمد الله على السلامه
زينه: بدر عامل إيه
ساهر: الحمد لله بدر كويس وأنت كمان الحمد لله علي سلامتك
زينه: الحمد لله
ساهر:تتجوزيني يا زينه
زينه: إيه
ساهر:تتجوزيني
زينه: أنا أنا
ساهر: أنت إيه أنا بحبك يا زينه من أول يوم شفتك فيه ومستعد اقف قدام اي حد عشانك بس أنا عارف ان مفيش حد هيعارض جوازنا بعد اللي عملتيه وأنا هفاتح بابا النهارده في الموضوع ده
زينه: أنا مش هقدر اديك كلمه إلا لما أعرف مكان بابا وماما واطمن عليهم
نظر لها ساهر بحزن: وصمت
زينه:مالك ياساهر أنت تعرف حاجه عنهم
ساهر:لا حاجه إيه أنا عايزك ما تفكريش في اي حاجه دلوقت إلا لما تقومي بالسلامه
زينه: أنا عايزه اقولك علي حاجه
ساهر: إيه يا حبيبتي
زينه: أنا عرفت أن بابا وماما هيهربوا عن طريق ليبيا ومقدرتش أقولكم عشان خفت عليهم البوليس يعرف مكانهم
ساهر: أنا قلت ايه أنا مش عايزك تفكري في أي حاجه إلا لما نخرج من هنا بالسلامه
عند بدر
كانوا يجلسون أمام بدر وكانت آثار تجلس بجواره
آثار: ألف حمد الله على السلامه يا حبيبي
بدر وهو يقبل يدها:الله يسلمك يا حبيبتي
عز:عمر الشقي بقي يا بدر
بدر:هو ايه إللي حصل
سرد له عز ما حدث
بدر:ومين إللي اتبرع لي بالكليه
عز:زينه بنت عمتك
بدر:معقول زينه هي إللي اتبرعت لي
عز: أيوه يا بدر زينه
بدر:ليه زينه عملت كده
عز: لأن مجدي هو إللي دبر حادثه ضربك بالنار وهي كانت عايزه تكفر عن ذنبهم وتدفع ثمن غلطهم
زين: خلاص مفيش حد تاني هيدفع ثمن ذنب حد كوثر ومجدي عملوا حادثه وهما بيهربوا والعربيه انقلبت بيهم وماتوا بس زينه لسه ما تعرفش وساهر قال إننا مش هنبلغها إلا لما تقوم بالسلامه
بدر: أنا خلاص يا عمي نسيت كل حاجه ونويت افتح صفحه جديده وكنت عايز اساعد زينه أنها توقف الشركه تاني علي رجلها
زين:الحمد لله على كل حال وان شاء الله انت وهي تقوموا بالسلامه ونبدأ كلنا بدايه جديده
مرت الأيام واستطاع بدر ان ينهض وتوجه إلي غرفه زينه
كان ساهر يجلس مع زينه
زينه: أنا زهقت يا ساهر أنا عايزه اخرج من هنا
ساهر:زهقتي مني
زينه:لا أنا زهقت من المستشفي أنا قلقانه أوي علي بابا وماما وحاسه ان قلبي مقبوض وأن فيه حاجه حصلت
ساهر:هيكون إيه إللي حصل بس
زينه: بصراحه أصلي كنت متفقه مع واحد هيعرف مكانهم ويبلغني بس هو ما اتصلش بيا لحد دلوقت
ساهر: تلاقيه لسه معرفش مكانهم وهو يعني لو عرف مكانهم اكيد البوليس هيعرف مكانهم
قطع حديثهم طرق بدر علي الباب
ساهر:اتفضل
بدر:ممكن أدخل
زينه: طبعا اتفضل يا بدر بيه
بدر:بدر بيه إيه بقي في واحده حلوه زيك كده تقول لاخوها بيه
زينه:اخوها
بدر:لو تسمحي لي إني ابقي اخوكي
زينه:حتي بعد ما عرفت أن بابا هو
قاطعها بدر: أنا معرفتش غير انك انقذتي حياتي وأنا بقولك دلوقت أنت من النهارده مسؤوله مني وأنا اخوكي الكبير حتي لما بيجي لك عريس بيجي يتقدم ليا أنا وأنا إللي أوافق عليه واخد بالك يا دكتور ساهر
تنحنح ساهر: إيه
بدر: إحنا هنخرج أمتي يا دكتور من هنا
ساهر: أن شاء الله بعد يومين
بدر: أن شاء الله ولما نخرج لينا إجتماع مع بعض عشان الشركه يا زينه
مرت الايام وخرج بدر وزينه من المستشفي واجتمعوا معا وتم ضم شركه زينه لشركه بدر وعملوا معا
وفي يوم كانت زينه تعمل في الشركه ودلف إليها شخص
شخص: آنسه زينه
زينه: أيوه أنا مين حضرتك
شخص: أنا المحامي الخاص بوالد حضرتك وجاي عشان اسلمك وصيه والدك الله يرحمه
زينه: أنت بتقول إيه والدي مين الله يرحمه
المحامي: والد حضرتك قبل ما يسافر هو ووالدتك ساب لي وصيه ليكي وقالي اسلمها لحضرتك لو جري لهم حاجه وأنا كنت مسافر ولسه راجع من يومين ولسه عارف الخبر
زينه:خبر إيه أنا مش فاهمه حاجه أنت تعرف مكان بابا وماما هما كويسين إيه إللي حصل لهم
المحامي:هو حضرتك معندكيش خبر
زينه: في إيه
المحامي: أنا آسف بس والد ووالده حضرتك عملوا حادثه وهما بيهربوا والعربيه انقلبت بيهم وماتوا
زينه بانهيار: إيه بتقول ايه
المحامي: الحادثه دي كانت من حوالي ٣شهور إزاي معندكيش خبر
زينه:لا مستحيل بابا وماما ماتوا مش ممكن مش معقول وظلت زينه تصرخ ويحاول المحامي تهداتها حتي سمع صراخها رائد وهو يجلس في مكتبه فركض عليها
قام رائد بفتح الباب
رائد: زينه في إيه
زينه:بابا وماما ماتوا في حادثه الكلام ده بجد ارجوك يا رائد قولي الكلام ده مش صحيح
رائد: أهدي يا زينه ربنا يرحمهم ويغفر لهم
المحامي: أنا آسف والله أنا مكنتش أعرف أنها ما تعرفش
رائد: مين حضرتك
المحامي: أنا محامي والدها الله يرحمه
زينه:لا محصلش ماما وبابا لسه عايشين ثم سقطت فاقده الوعي
رائد بفزع:زينه زينه
قام رائد بالاتصال بساهر
ساهر:الو
رائد:الحقنا يا ساهر زينه مغمي عليها ومش عارف أعمل لها إيه
ساهر: إيه زينه أنا جاي حالا
وصل ساهر ووجد رائد وبدر وشخص آخر وهو المحامي وعز بجوار زينه المستلقيه علي الاريكه
ساهر:مالها زينه إيه إللي حصل
رائد:عرفت أن والدتها ووالدها اتوفوا وانهارت
ساهر: هي مغمي عليها من امتي
رائد:من أول ما كلمتك من حوالي نص ساعه
قام ساهر بفحصها:عندها إنهيار عصبي لازم ننقلها المستشفي
قام ساهر بنقلها إلي المستشفي
ومر اليوم وفاقت زينه وجدتهم جميعهم بجوارها
آثار:حمد الله على سلامتك يا حبيبتي
بكت زينه
صافيه:ليه بس الدموع دي
زينه:خلاص بقيت لوحدي راحوا وسابوني
صافيه: إحنا معاكي وجنبك يا حبيبتي أنا زي مامتك وعمك زين باباكي وعندك اخوات بنات واخوات ولاد
ساهر:اه كلهم اخواتك إلا أنا
ضحك الجميع
رائد: بمناسبه الضحك ده أنا عايز اتجوز بقي بدر إللي اتخطبنا معاه هو وليالي قربوا يخلفوا وأنا والغلبانه دي هنخلل
ساهر: فعلا وأنا كمان بنتهز الفرصه دي وبطلب ايد الانسه زينه منك يا بابا ومنك يا بدر
بدر: أنا معنديش مانع
زين: وأنا كمان بس ناخد رأي زينه وأنا يعني حاسس أنها موافقه
عز: وأنا يعني اللي مليش نفس اتجوز أنا كمان لو سمحت يا عمي أنا عايزك تيجي معايا عشان أخطب دليده
قطع حديثهم ضراخ ليالي
ليالي:اه اه
فزع بدر وركض عليها
بدر:مالك يا ليالي
ليالي:اه الحقوقي
ساهر:شيلها يا بدر علي العمليات ليالي بتولد
ركض الجميع إلي غرفه العمليات ووضعت ليالي ولد يشبه بدر بعيونه الفيروزية
مرت الأيام واتي يوم زواج رائد وسهر وزينه وساهر وعز وداليده وأيضا اصر بدر علي ليالي لعمل فرح لها وأحضر لها فستان زفاف
بدر: أنا وعدتك إني هعوضك عن كل إللي فات وأولها إني أعمل لك فرح
ليالي: أنت فعلا عوضتني عن كل إللي فات أنت وسراج إبننا
بدأ الفرح وكان الكل سعيد وعاشوا حياه كلها سعاده عندما بعدوا عن الكره والحقد ونار الانتقام وأصبحت كل لياليهم ليالي البدر
النهايه
