بدر :عشان انتقم منك
ليالي بصدمه :تنتقم مني انا ليه انا عملت فيك ايه انا مكنتش اعرفك الا من كام شهر دخلت حياتي وقلبتها عايز تنتقم مني ليه
امسكها بدر من زراعها وهتف بصوت عالي :عشان ابوكي هو السبب في كل اللي حصل لي هو سبب العذاب والحرمان اللي عشته
ليالي :بابا ازاي
ترك بدر زراعها وجلس علي الاريكه :ابوكي سجن ابويا واخد فلوسه وحرمني منه وخلي امي تخون ابويا وسابتني وهربت معاه وبقيت لوحدي في الدنيا واترميت في ملجأ وانا عندي 10 سنين طبعا انت ما تعرفيش يعني ايه العيشه في الملجأ يعني كل حاجه بمعاد النوم بمعاد والأكل بمعاد حتي الكلام بمعاد الا الضرب هو اللي مكانش له معاد كان في كل وقت واي وقت يعني لو غضب عليك المشرف تنام علي البلاط في عز البرد وتنحرم من الاكل طول اليوم يعني تصحي من النوم علي جردل ميه مثلجه تتكب عليك في الوقت ده كان ابوكي متنعم بفلوسي وعايش في هنا وسعاده وانا وابويا بنتعذب عمرك جربتي اليتم طبعا ما جربتهوش لما امك ماتت لقيتي ام غيرها ترعاكي إنما أنا اتحرمت من امي وابويا وهما لسه عايشين ابويا خرج من السجن بعد 15 سنه داق فيهم الذل والمرض ومات وانا بعده هاخد حقه منك ومن عمك وأولاده منكم كلكم
ليالي :انت مريض ولازم تتعالج حتي لو كان بابا زي ما بتقول عمل كده احنا ذنبنا ايه هتاخدنا بذنبه ليه دا ربنا ما بياخدش حد بذنب حد
بدر :انت صح انا مريض ولازم اتعالج وعلاجي هو انتقامي منكم
ليالي :مش هسمح لك تلمس حد فينا وانا هروح لهم دلوقت واعرفهم حقيقتك
بدر بابتسامه جانبيه :مش هتقدرى تقولي اي حاجه
ليالي :وايه اللي هيمنعني
اقترب بدر من اذنها :عشان احنا هنتجوز النهارده ومش معقول هتنكدي عليهم في يوم حلو زي ده
ليالي :انت بتخرف انت متصور اني ممكن اتجوزك بعد كل ده
بدر :اه هتتجوزيني النهارده
ليالي :مش بقولك انت مريض
اقترب منها بدر وامسكها من شعرها
ليالي بتألم :اه سيب شعري
بدر :اسمعيني بقي وحطي الكلام ده في دماغك احنا هنتجوز النهارده يا إما تحضري نفسك للسجن انت وعمك وابن عمك
نظرت له ليالي
بدر :اه انت فاكره ان حسن اتنازل عن المحضر لا ده بس قال انه مش انت اللي سرقتيه بس ممكن يرجع يقول انه انت ومش بس كده انا عندي الف واحده يشهدوا انك بتشتغلي معاهم في شقق مشبوهه
وابن عمك ساهر من بكره يتلفق له قضيه شرف ويخسر كل حاجه سمعته واسمه وانا هسحب فلوسي من شركه عمك لاني ما يشرفنيش اني أشارك عيله بالأخلاق دي وهلغي كل التعاقدات مع الشركات وعمك يدفع الشرط الجزائي لكل شركه وطبعا مش هيقدر يدفع وهيتسجن هو كمان هه بقي يا لولو ايه رايك تلبسي الشبكه الذهب ولا تلبسي الاساور الحديد
شعرت ليالي بالدوار وجلست علي الاريكه لا تستطيع التحدث
اقترب منها بدر :لا اجمدي كده يا حبيبتي احنا لسه في أول الطريق
ليالي :حرام عليك هتروح من ربنا فين
بدر :بقولك ايه خلي الحساب يوم الحساب يلا قومي عشان تلحقي تجهزي انت ناسيه انك عروسه يلا يا لولو
نهضت ليالي وامسكت حقيبتها وهمت لتذهب
بدر :انا بحذرك اي حد هيعرف اي حاجه ماتلوميش غير نفسك سلام يا لولو اشوفك بالليل يا قلبي
خرجت ليالي من مكتب بدر وهي تري أمامها الدنيا وكانها انتهت وكانت شارده حتي انها لم تلاحظ وجود رائد أمامها
رائد :ليالي انت هنا
ظلت ليالي تسير في شرود دون أن تسمع اي شئ
رائد :ليالي ليالي
انصرفت ليالي ودلف رائد الي مكتب بدر وجده يجلس علي الاريكه ويضع راسه داخل يده
رائد :في ايه يا بدر ليالي مالها خارجه من عندك عامله كده ليه
رفع بدر راسه ونظر لرائد :ليالي عرفت كل حاجه
رائد :يعني ايه
بدر :يعني عرفت كل حاجه
رائد :وبعدين
بدر :مفيش بعدين هنتجوز بالليل وهي كده وفرت عليا كتير وبقي اللعب على المكشوف
رائد :انا لآخر مره بقولك يا بدر راجع نفسك في اللي بتعمله قبل ما تندم في وقت ما ينفعش ترجع فيه
بدر :انا نازل عشان اجهز نفسي لبليل سلام
وصلت ليالي الي منزلها وهي علي نفس حالها استقبلوها سهر وداليده
سهر :ايه يا لولو اتاخرتي ليه وفين الفستان
ليالي :الفستان اتحرق
سهر :ايه اتحرق ازاي
ليالي :اتحرق من المكواه في الاتليه
داليده :وبعدين هتعملي ايه
ليالي :مش مهم هلبس اي فستان من عندي
سهر :ازاي يا ليالي احنا لازم نجيب فستان تاني
ليالي :لا انا هلبس اي فستان من عندي ومش هجيب فستان تاني
سهر :بس يا ليالي
ليالي :من فضلك يا سهر انا مش عايزه كلام في الموضوع ده انا هطلع عشان اجهز
نظرت داليده الي سهر :ليالي مالها
سهر :مش عارفه يمكن زعلت لما الفستان اتحرق
داليده :يمكن يلا نطلع عشان نلحق نجهز احنا كمان
ليالي في غرفتها اختارت فستان سهره لونه اسود ورفضت ان تخضع لخبيره التجميل وطلبت ان تقوم بوضع الزينه لنفسها وكان مجرد مكياج خفيف جدا
مر الوقت وحل الليل ووصل بدر ومعه الماذون وصعدت الفتيات لإحضار ليالي
سهر :يلا يا لولو العريس جه
تنهدت ليالي :انا نازله يلا بينا
داليده :انت ملقتيش غير الفستان الأسود ده
ليالي :زيه زي اي فستان مش هتفرق
نزلت الفتيات ووصلت ليالي وطلب منها زين الدين الجلوس بجوار بدر الذي تفاجأ بارتدائها فستان اسود
تم كتب الكتاب وقدم الجميع المباركه لهم وظلوا معهم فتره يحتفلون
بدر همس في اذن ليالي :احسن حاجه عملتيها انك لبستي فستان اسود عشان مفيش احسن من اللون ده اللي يناسب المناسبه دي
نظرت له ليالي :فعلا بس لو كان كفن ابيض كان يبقى احسن
بدر :لا لسه بدري اوي علي الموت انت لسه ما شفتش حاجه
مر الوقت وطلب بدر الانصراف
قامت ليالي بتوديعهم جميعا وانصرفت مع بدر وكان الجميع يعتقد انهم مسافرون الي مرسي مطروح ولكن بدر أخذها الي شقه له لا يعلم مكانها الا رائد
ظلت ليالي طول الطريق صامته لا تتحدث حتي توقفت السياره أمام المبني الموجود به الشقه نزلت ليالي ونزل بدر وسار وسارت خلفه حتي وصلوا الي الشقه
قام بدر بفتح باب الشقه ودلف الي الشقه ونظر الي ليالي
بدر :يلا ادخلي ولا مستنيه عزومه
دلفت ليالي الي الشقه نظر لها بدر :نورتي شقتك يا عروسه ثم ابتسم احب اعرفك انك هنا هتبقي مجرد خدامه ليا وملكيش اي حق في الاعتراض على اي شيء ومش هتكلمي اي حد في التليفون من غير اذني وهتنامي في المطبخ بس عشان انا قلبي حنين انا جبت لك مرتبه تنامي عليها
ليالي :كتر خيرك شكرا اوي علي كرمك ده
بدر :لا انت لسه ما شفتيش من كرمي حاجه لو اي حاجه قلتها وانت ما معملتيهاش ما تلوميش الا نفسك
ليالي :انا عايزه أسألك سؤال واحد بس
بدر :اتفضلي اسألي
ليالي :انت شايف نفسك راجل
قام بدر بصفعها صفعه قويه جعلت فمها ينزف
ابتسمت ليالي ابتسامه سخريه :هي دي الرجوله في نظرك
قام بدر بضربها صفعه اخري جعلتها تسقط أرضا ثم امسكها من شعرها واوقفها :اظاهر انك مستعجله اوي علي العذاب انا بقي هوريكي ان كنت راجل ولا لاء وقام بضربها صفعات متتاليه حتي خارت قواها وسقطت فاقده الوعي تحت قدمه فذهب الي المطبخ واحضر كوب من الماء وسكبه علي راسها حتي فاقت ليالي فنزل الي مستواها وامسك شعرها مره اخري :عرفتي بقي انا راجل ولا لاء ثم نزع شعرها من يده وارتطم راسها بالأرض
بدر :انا هدخل الاوضه اغير هدومي ومش عايز اخرج منها اشوفك قدامي عشان لو شفتك هتبقي ليلتك سوده انت فاهمه ثم تركها ودلف الي غرفته
قامت ليالي وتحملت علي نفسها في محاوله النهوض ولكن لم يساعدها جسدها الهزيل فقامت بالزحف حتي وصلت الي المطبخ وتكورت علي نفسها واستسلمت للنوم ولكن لاتعرف هل هو نوم ام إغماء من التعب
