ذهب بدر وذهب بعده رائد وظلت آثار تبكي
صافيه :اهدي يا آثار ان شاء الله ربنا يهديه ويعرف الحقيقه وقامت بالاتصال بزين
صافيه :ايوه يا زين انت فين تعالي على المستشفى دلوقت
زين :ليه يا صافيه ليالي جري لها حاجه
صافيه :لا يا زين ليالي بخير بس انا عايزاك ضروري
زين :طمنيني يا صافيه فيه ايه
صافيه :مفيش حاجه يا زين تعالي بس
زين :حاضر هخلص الاجتماع واجي
صافيه :اجل الاجتماع يا زين وتعالي بسرعه
زين :حاضر يا صافيه مسافه الطريق وهكون عندك
عند ليالي
كان ساهر وسهر عندها
ساهر :ليه خبيتي علينا اللي عمله فيكي يا ليالي
ليالي :ارجوك يا ساهر انا مش عايزه اتكلم في الموضوع ده
ساهر :ليه يا ليالي هو عمل فيكي ايه احنا عرفنا واتاكدنا انه السبب في اللي حصل لك وانك حاولتي تنتحري وانت معاه ارجوكي يا ليالي اتكلمي
ليالي :ارجوك يا ساهر انا مش عايزه اتكلم انا عايزه امشي من هنا انا عايزه اروح فيلا المزرعه عايزه ابعد لوحدي مش عايزه اشوف حد ولا اكلم حد
ساهر :طيب اهدي يا ليالي انا هعمل لك اللي انت عايزاه بس ممكن تقابلي دكتور رمزي انت عارفاه
ليالي :حاضر هقابله بس اوعدني اني همشي بعد كده
ساهر :اوعدك يا حبيبتي
خرج ساهر وظلت سهر مع ليالي
سهر :احكي لي انا يا ليالي ايه اللي حصل وعمل ايه فيكي
ليالي :خلاص يا سهر الكلام مش هيفيد باي حاجه انا تعبانه والكلام بيتعبني اكتر
سهر :انا عرفت ان رائد كان معاه وكان عارف باللي بيعمله انا سيبت رائد ورميت له الدبله
ليالي :ما تظلميش رائد يا سهر رائد مكانش موافق على اللي بيعمله
قاطع حديثهم دخول دكتور رمزي
دكتور رمزي :اخبارنا ايه النهارده
ليالي :الحمد لله
رمزي :ممكن نقعد مع بعض شويه
سهر :طيب انا هستأذن
خرجت سهر
رمزي :ممكن تحكي لي ايه اللي حصل وايه اللي وصلك الحاله دي
اغمضت ليالي عيونها وبدأت في البكاء
رمزي :اهدي يا ليالي عشان نعرف نتكلم انا مش عايز اديكي مهدئ احكي لي على قد ما تقدري
فتحت ليالي عيونها ثم بدأت تسرد له ما حدث
عند مكتب ساهر
عز :ليالي عامله ايه
ساهر :دكتور رمزي معاها ده دكتور نفسي وكان بيعالجها من زمان وهي بترتاح للكلام معاه يمكن تحكي له اللي حصل ونقدر نفهم
وصل زين الدين ودلف الي مكتب ساهر
زين الدين :خير ياصافيه ثم صمت عندما وجد أثار
زين :مش معقول صحيح اللي انا شايفه قدامي انت آثار
اقتربت منه آثار وقامت بمصافحته
آثار :ايوه يا زين انا قدامك حقيقي
نظر زين الي عز :ده عز ابن سراج اخو ليالي مش كده
عز :ايوه انا يا عمي ماما كانت دايما بتحكي لي عنك وازاي انت وقفت جمبها وسعادتها كتير
زين :كنت فين يا أثار طول السنين دي
آثار :دي حكايه طويله اوي هحكي لكم عليها يمكن تقدروا تساعدوني َوتخلوا بدر يصدقني
زين :بدر هو ظهر
ساهر :ايوه ظهر بدر بيعتبر اولاد عمي سراج اعدائه وليالي كمان هو اللي وصلها للحاله اللي هي فيها دي وانا مش هسيبه
زين :اهدي يا ساهر بس وفهمني ايه الموضوع
آثار :انا هفهمكم اللي حصل بس ياريت قبل ما احكي اي حاجه تكلموا الاستاذ رائد صاحب بدر عشان يعرف الحقيقه يمكن يقدر يساعدنا هو كمان
سهر :لا يا طنط رائد لا ده كان عارف كل حاجه وخبي عننا الحقيقه وكان عارف ان ليالي بتتعذب آثار :معلش يا حبيبتي اهي محاوله وواضح انه مكانش موافق على اللي بيعمله بدر
ساهر :انا هكلمه
قام ساهر بالاتصال برائد
رائد :ساهر ارجوك انا
ساهر :تعالي يا رائد
رائد :بجد يعني سهر صدقتني
ساهر :تعالي بس وانت هتعرف كل حاجه
ساهر :مسافه الطريق وهكون عندكم
أغلق رائد الهاتف وانطلق بسيارته الي المستشفى
عند ليالي
كانت تسرد لرمزي ما حدث معها وعندما وصلت للحادث واعتداء بدر عليها انهارت في البكاء وتعالت شهقاتها
رمزي :اهدي يا ليالي اهدي خلاص كفايه ما تحكيش
ليالي :لا يا دكتور انا هحكي واكمل يمكن ارتاح انا مكنتش عارفه احكي لحد انا حاسه اني هموت انا مش قادره اعيش ليه انقذوني ليه ما سابونيش اموت ليه وانهارت ليالي وبدأ جسدها ينتفض فاسرع رمزي باعطائها مهدئ حتى ذهبت في ثبات عميق
وصل رائد الي المستشفى ودلف الي مكتب ساهر
زين الدين :اتفضل يا رائد
رائد :عمي انا اسف انا والله
قاطعه زين الدين :ملوش لازمه الكلام ده دلوقت احنا جبناك هنا عشان تسمع الحقيقه وتوصلها لبدر لانه رافض يسمعها
أثار بدأت في سرد قصتها :من ٣٥ سنه انا وشهاب وسراج وكوثر كنا زمايل في الجامعه انا وكوثر كنا دفعه واحده وشهاب وسراج دفعه واحده اكبر مننا انا وسراج كنا مرتبطين ببعض وكوثر كانت بتحب سراج بس هو مكنش حاسس بيها وشهاب كان بيحبني بس انا كنت بحب سراج لما اتخرجنا سراج وشهاب قرروا يعملوا شركه مع بعض بما انهم اولاد عم واخذوا فلوس من أهلهم وفتحوا الشركه وشويه شويه الشركه بدأت تكبر وانا وسراج اتجوزنا وجيبنا عز الدين وبعد كده كوثر بدأت تلعب في دماغ شهاب وتطمعه في الشركه كلها وتحاول توصل له ان سراج بيسرقه وانه عايز ياخد الشركه لحسابه شهاب مضى سراج على ورق تنازل عن الشركه من غير علمه ومضاه على ورق تاني عشان يحبسه وفعلا حبسه واخد منه الشركه وقبل الحكم على سراج جاني شهاب البيت وقالي انه مستعد انه يخرجه من القضيه بشرط اني اطلب منه الطلاق واتجوز ه انا رفضت بس هو هددني انه مش بس هيحبسه ده كمان هيقتله هيخلي ناس في السجن يقتلوه وبعد ضغطه عليا وافقت عشان يبعد عن سراج وفعلا روحت له في الزياره ووهمته اني مش عايزه اعيش معاه واني عايزه اطلق وانه لو اخد حكم هطلق منه بالقانون وهو مكنش مصدق كلامي وبعد اصراري عليه وكلامي الجارح ليه طلقني فعلا وشهاب أصر انه يفضل في السجن ومش هيطلعه الا لما شهور العده تخلص ونتجوز واتجوزنا فعلا بعد نهايه شهور العده ويوم جوازنا خرج سراج من السجن وراحت له كوثر تعرض عليه الجواز بس هو رفض حتى بعد ما عرف اننا اتجوزنا هي كانت عايزه تنتقم مني عشان سراج مرضاش بيها وانه لسه بيحبني وسراج اخد عز مني وسافر بعدها كوثر عملت علاقه مع مدير مكتب شهاب واتفقت معاه وقدروا يسرقوا فلوسه ويوهموه ان الشركه بتخسر وعملوا شركه تانيه بياخدوا كل الصفقات ليها من الباطن وبعد سنتين سراج رجع وفتح شركه جديده واللي عرفته بعد كده ان كوثر راحت له وعرضت عليه انه يشتري شركه شهاب بالتوكيل اللي كان عامله ليها عشان تقدر تمشي الشركه لو هو سافر وفعلا سراج اشتري منها الشركه ب٢ مليون جنيه وده عقد البيع ودي صوره الشيك باسم كوثر المنشاوي وكان أيامها شهاب مسافر ولما رجع لقيته بيتهمني اني على علاقه بسراج وان انا اللي مضيته على عقد بيع الشركه من غير ما يعرف لأنها قدمت ليه صوره عقد مزور بينه وبين سراج وضربني وطردني واخد مني بدر وانا سيبت البلد كلها وسافرت لعمي فرنسا ومرت السنين وانا معرفش حاجه عنهم غير من الجوابات اللي كان بيبعتها لي زين الدين بس بعد فتره الجوابات انقطعت ومبقتش عارفه حاجه عنهم
زين الدين :في الوقت ده كوثر جات لي وقالت لي انها مسافره وهتاخد بدر معاها وبعدها معرفتش حاجه عنهم
بعد فتره قابلت سراج وعرفت انه متجوز وان مراته حامل وهينزل بيها مصر عشان تولد واترجيته انه يسيب لي عز بعد ما انحرمت من بدر وفعلا عز فضل معايا وبعد سنه لقيته قدامي وعرفت ان مراته ماتت وسابت له بنت صغيره وطلب مني اننا نرجع لبعض وانا طلبت منه انه يجيب ليالي تعيش معانا ومع اخوها بس صافيه رفضت لأنها كانت اتعلقت بيها وعشنا مع بعض وفي يوم قرر سراج انه ينزل مصر ويرجع بليالي عشان تتعرف عليا وعلى اخوها ونزل فعلا بس مارجعش عمل حادثه ومات وانا انهارت وجات لي صدمه وقعدت سنين مش بتكلم وبعد علاج طويل قدرت اتكلم تاني وقررت ادور عليكم وبدأت اني ادور على شهاب وعرفت انه في روما مع بدر وفعلا روحت له بس هو طردني وقالي ان بدر مالوش ام ومقدرتش اشوفه تاني اختفى وبعد فتره قدرت اوصل للمستشفى اللي كان بيتعالج فيها بس كان مات وبدر نزل مصر ونزلنا بعدهم ودورنا عليكم وقدرنا نوصل لزين وعرفنا ان بدر متجوز ليالي
رائد :بس اللي حضرتك مش عارفاه ان كوثر رمت بدر في ملجأ واتجوزت وسافرت وكل كلام حضرتك انا اسف كلام مرسل مفيش عليه دليل
أثار :لا كوثر ما سافرتش كوثر هنا واتجوزت مجدي مدير مكتب شهاب وعملوا شركه اسمها الشركه المتحده
رائد :ايه الشركه المتحده
عز :انت تعرفها
رائد :ايوه الشركه دي بتحاربنا في السوق ودايما بتحاول تاخد الصفقات مننا وطرقهم قذره بس الشركه دي باسم واحده اسمها زينه
أثار :زينه دي تبقي بنت كوثر ومجدي
رائد :الكلام ده مهم جدا لازم بدر يسمعه ويتأكد منه
دلف الي المكتب رمزي
ساهر :ايه يا رمزي ليالي اتكلمت
رمزي :ايوه يا ساهر
ساهر :قالت لك ايه
رمزي :ليالي اتعرضت لأسوأ انواع العذاب النفسي والجسدي بدر ده مش بني آدم ده حيوان اهانها وضربها وعذبها واغتصبها
ساهر :ايه انا مش هسيبه
زين :استنى بس يا ساهر هتعمل ايه
ساهر :هقتله
