مرت الليله وفاقت ليالي ووجدت بدر يغفو بجوارها
ليالي :بدر بدر
استيقظ بدر علي صوتها
بدر :ليالي عامله ايه
ليالي :بابا عامل ايه
بدر :الحمد لله اطمني يا حبيبتي
ليالي :انا عايزه اشوفه
بدر :الزياره لسه ممنوعه
ليالي :انت فضلت جنبي طول الليل
بدر :ومستعد افضل جنبك طول العمر
ليالي :هو فيه حاجه حصلت بالليل
بدر :لا يا حبيبتي مفيش حاجه انت كنت نايمه زي الملاك
قطع حديثهم دخول ساهر وسهر
ساهر :ليالي حبيبتي عامله ايه
ليالي :بابا عامل ايه يا ساهر
ساهر :الحمد لله يا حبيبتي ان شاء الله هيبقي كويس ويقوم بالسلامه
ليالي :انا عايزه اشوفه يا ساهر
ساهر وهو يضع يده علي راسها :حاضر يا حبيبتي شدي انت حيلك كده وانا هيخليكي تشوفيه
بدر :لو سمحت يا ساهر انا عايزك بره شويه
ساهر :اه طبعا خليكي يا سهر مع ليالي
خرج بدر وساهر الي خارج الغرفه
ساهر :خير يا بدر
بدر :ليالي فاقت امبارح وحاوله ترمي نفسها من البلكونه وانا منعتها ممكن افهم ليه بيحصل لها كده
ساهر :عمي سراج الله يرحمه مات قدام ليالي وليالي شايفه انه مات بسببها
بدر :ازاي
ساهر :عمي سراج كان مسافر هو وليالي وفجأه كاوتش العربيه ساب العربيه والعربيه اتقلبت وعمي سراج كسر ازاز ليالي وخرجها من العربيه بس مقدرش يخرج من العربيه عشان الحديد زنق علي رجله وكان بينزف وفضل ينزف لحد ما مات قدامها هي جالها صدمه عصبيه وبقت مقتنعه انها السبب في موته وانها كان لازم تموت معاه ليالي قعدت فتره تتعالج نفسيا بس هي اتحسنت كتير بس نوبه الخوف اللي بتيجي لها دي ومش كل مره بتفوق وبتحاول تأذي نفسها المره دي عشان تعب بابا فكرها بعمي سراج حصل لها كده
بدر :اه انا فهمت هو عمي عامل ايه
ساهر :مفيش جديد زي ما هو
قطع حديثهم ممرضه تركض تجاهم
الممرضه :دكتور ساهر والد حضرتك فاق
ركض بدر وساهر الي غرفه العنايه المركزه ووجدوا صافيه والدته تجلس أمامها
صافيه :ابوك فاق يا ساهر
ساهر الحمد لله يا ماما يلا ندخله بس احنا مش هتقوله حاجه عن ليالي هي الحمد لله بقت كويسه
صافيه :اكيد
دلفوا الي الغرفه
ساهر وهو يقبل يد والده :بابا حمد الله على السلامة يا حبيبي
صافيه :الف سلامه عليك يا غالي
زين الدين :سهر وليالي فين
ساهر :هجبهم لحضرتك حالا
خرج ساهر وتوجه الي غرفه ليالي
في غرفه ليالي كانت تجلس وتتحدث مع سهر
سهر :اكيد كنت بتحلمي يا ليالي
ليالي :مش عارفه حاسه انه مكنش حلم حاسه كأنه حقيقه
سهر :وهو هيكذب عليكي ليه وهيضربك ويشدك من شعرك ليه
ليالي :مش عارفه انا تعبت مبقتش قادره افرق الحلم من الحقيقه
دلف ساهر
ساهر :ليالي بابا فاق وعايز يشوفكم
سهر :الحمد لله
ساهر :هتقدرى تقومي يا ليالي احنا مش عايزين بابا يحس بحاجه
ليالي :ما تقلقش انا بقيت كويسه
امسكها ساهر من يدها وخرجوا من الغرفه وتوجهوا الي غرفه العنايه المركزه
في العنايه المركزه عند زين الدين
بدر :فداك اي حاجه يا عمي وفدا صحتك
زين الدين :ازاي بس يا بدر احنا واخدين قروض هنسدها ازاي
صافيه :بلاش كلام في الموضوع ده لحد ما تقوم بالسلامه
زين الدين :ازاي بس يا صافيه
بدر :انا مش عايزك تشغل بالك يا عمي انا هتصرف
زين :هتتصرف ازاي يا ابني
بدر :انا هسد القرض لحضرتك
زين :ايه وانت زنبك ايه
بدر :انا ابن اخوك ولازم أقف جنبك يا عمي
قطع حديثهم دخول ليالي وسهر
سهر :الف سلامه عليك يا حبيبي كده تخضني عليك
ليالي :يا حبيبي يا بابا انا كنت هموت من الخوف عليك
زين الدين :ما تخافوش يا حبايبي انا الحمد لله كويس
مرت الايام وتحسنت حاله زين الدين وخرج من المستشفي وكان يجلس في منزله معه بدر الدين
بدر :ارجوك يا عمي اسمع كلامي البنك مش هيستني عليك ولو عرفوا باللي حصل ممكن يحجزوا علي الفيلا اللي حضرتك اخدت القرض بضمانها
ليالي :انت ليه يا بابا مش عايز تاخد من فلوسي
زين الدين :يا حبيبتي ماينفعش اخد منها عشان المجلس الحاسبي وبعدين فلوسك مش همد ايدي عليها ابدأ
زين :يبقي مفيش غير الحل اللي انا عرضته عليك
زين :انا موافق بس بشرط
بدر :شرط ايه
زين :انا هبيع لك أسهم من الشركه بفلوسك دي وهي تقريبا 60٪من قيمه الاسهم
بدر :بس يا عمي
زين :مفيش بس هو ده شرطي الوحيد
بدر :أمري لله موافق
وتم كتابه العقود وأصبح بدر هو صاحب النسبه الأكبر من الاسهم ولكنه أصر علي بقاء زين الدين رئيس مجلس الاداره
مرت الايام وتحسنت الأحوال وقرر بدر الدين الزواج من ليالي لاكمال خطته في الانتقام
يجلس بدر الدين مع عمه
زين الدين :انت مستعجل ليه يا بدر
بدر :انا زهقت يا عمي من القعده لوحدي وبعدين انا فهمت حضرتك اني عندي شغل في مرسي مطروح وهقعد حوالي 3 شهور ونفسي ليالي تكون معايا واهو بالمره نعمل شهر عسل
زين :انا كان نفسي نعمل فرح سهر وليالي مع بعض بس واضح انك مستعجل اوي
بدر :انا اسف يا عمي انا مش هقدر اعمل فرح عشان وفاه بابا
زين :طبعا طبعا
بدر :هه قولت ايه يا عمي
زين :انا مش هقدر اقولك رأي الا لما اخد رأيها
بدر :طيب يا عمي انده لها واسألها
هتف زين باسم صافيه
صافيه :نعم يا زين
زين :لو سمحت اندهي لليالي
حضرت ليالي
ليالي :افندم يا بابا
زين :بدر عايز يكتب الكتاب الخميس الجاي وتسافري معاه مرسي مطروح بس مفيش فرح عشان والده ايه رايك
ليالي :اللي تشوفه يا بابا
زين :خلاص اللي اشوفه مبروك يا ولاد يلا بقي اجهزي وحهزي حاجاتك
مرت الايام وجاء يوم كتب الكتاب وكانت ليالي تستعد منذ الصباح ولكن سمعت رنين هاتفها واقتربت من وجدته رقم غريب
سهر :مين العريس
ليالي :لا ده رقم غريب
أجابت ليالي علي الهاتف
ليالي :الو
شخص :ليالي
ليالي :حازم انت عايز ايه بتكلمني ليه
حازم :انا عايز اقابلك يا ليالي
ليالي :تقابلني ايه انت اتجننت
حازم :ايوه اتجننت ولو مجتيش دلوقت عند الكافيه اللي قدام الجامعه هتلاقيني قدام البيت وهعملك فضيحه
ليالي :انت عايز مني ايه انت ليك عين تكلمني
حازم :ارجوكي يا ليالي اعتبريها اخر مره ومش هتندمي وانا مش بهزر لو مجتيش بعد نص ساعه هتلاقيني قدامك في البيت
ليالي :خلاص انا جايه واغلقت ليالي الهاتف
سهر :مين يا ليالي
ليالي :هه لا ده الاتليه بيقول اني لازم اروح اعمل بروفه اخيره للفستان عشان اخده
سهر :طب استني هاجي معاكي
ليالي :لا لا مش لازم خليكي مع ماما يمكن تحتاج مساعدتك انا مش هتاخر وهجيب الفستان واجي علي طول
ذهبت ليالي الي الكافيه وجدت حازم بانتظارها
اقتربت منه ليالي :عايز ايه يا حازم انت مش سافرت تشوف مستقبلك اللي مش هتضيعه عشان عيله زيي
حازم :اقعدي يا ليالي
ليالي :لا مش هقعد قولي انت عايز مني ايه
حازم :اقعدي ارجوكي واسمعيني
جلست ليالي
حازم :انا فعلا سيبتك وسافرت بس غضب عني هو اللي اجبرني اعمل كده
ليالي :مين ده
حازم :ابن عمك
ليالي :ساهر
حازم :لا ابن عمك اللي هتتحوزيه انهارده
ليالي :بدر
حازم :اه بدر باشا
ليالي :انت بتخرف بتقول ايه
حازم :بدر باشا جالي وقالي اسيبك و هددني انه هيفصلني من الجامعه وهيضيع مستقبلي وهيلفق لي تهمه شرف وانه ممكن يخلي بنت من الجامعه تتهمني اني اتحرشت بيها
ليالي :والمفروض اني أصدق الكلام ده
حازم :ايوه تصدقيه لانه مش صعب عليه يعمل كده زي ما عمل معاكي وخلي حسن اللي بيشتغل عنده في الشركه يتهمك بالسرقه وانك قضيتي معاه ليله
ليالي :انت كداب
حازم :انا مش كداب انا في واحد صاحبي كان بيعرف اخبارك لما انا سافرت عشان يطمني عليكي وقدر يوصل لحسن ده وعرف منه أن بدر هو اللي أمره بكده ودفع له 200 الف جنيه وادي تسجيل فيديو لحسن وهو بيقول الحقيقه لواحده زقناها عليه
في الفيديو يظهر حسن ومعه فتاه من فتيات الليل
حسن :مش يلا بقي
الفتاه :يلا فين
حسن :علي شقتي
الفتاه :لا يا خويا انت ملكش امان اروح معاك الشقه وبعدين تتهمني اني سرقتك
حسن :وانت عرفتي الحوار ده منين
الفتاه :مهو انت لما عملت المحضر بتاعك جرحروا كل بنات الكار علي القسم وعرفنا
حسن :متخافيش دي كانت مصلحه لبدر باشا صاحب الشركه عشان يوقع بنت عمه وهو اللي طلب مني اعمل المحضر باسمها بس رجعت وقلت انها مش هي وعكمت منه 200 الف جنيه
الفتاه :وهو يعمل كده ليه في بنت عمه
حسن :ماليش فيه هو قالي اعمل كده عملت واخدت حقي وخلاص
أغلقت ليالي الفيديو وهي في صدمه :معقول طب ليه عمل كده ليه وجه مع بابا القسم ليه وخرجني ليه
حازم :مش بس كده انا عرفت انه هو اللي ورا الشركه الوهميه اللي نصبت علي عمك وعمل كده عشان ياخد النسبه الأكبر لاسهم الشركه ويبقي هو المتحكم فيها
ليالي :ليه بيعمل كده ليه وهيتجوزني ليه
حازم :اوعي تتجوزيه يا ليالي ده اكيد ناوي ليكي علي نيه وحشه
نهضت ليالي لكي تذهب ولكن اوقفها حازم وامسك زراعها
حازم :رايحه فين يا ليالي
نزعت ليالي يدها من حازم وذهبت دون أي كلمه
واتجهت الي سيارتها وهي شارده في حاله صدمه وتوجهت الي شركه بدر وصعدت الي مكتبه
السكرتيره :افندم حضرتك تأمري بايه
نظرت لها ليالي دون أن تتحدث ثم دلفت الي مكتب بدر وكانت السكرتيره تلحقها
السكرتيره :من فضلك ما ينفعش كده
بدر :ليالي خير حصل ايه ثم نظر للسكرتيره :اتفضلي انت
ليالي :عملت كده ليه
بدر :عملت ايه يا حبيبتي
ليالي :انا عرفت كل حاجه انت عملتها قولي عملت كده ليه
بدر :عرفتي ايه
ليالي :لفقت لي محضر السرقه ونصبت علي بابا وخليت حازم يسبيني ليه عملت كده ليه
بدر :عشان انتقم منك
