بدر:اعملي حسابك بكره أول شيك هيبقي قدام النيابه جهزي محامي
التفت له زينه ثم نظرت أمامها ولكن شعرت أن قدمها لا تحملاها فسقطت علي الأرض فاقده الوعي
فزع الجميع ونهض ساهر وقام بحملها ووضعها علي الاريكه يحاول افاقتها
ليالي موجهه حديثها لبدر: أنت إيه حرام عليك عايز منها إيه
بدر: أنت إللي بتسالي يا ليالي أنت مش عارفه أبوها وأمها وصلونا لفين وعملوا فينا إيه
ليالي: وهي ذنبها إيه
بدر:ذنبها أنها بنتهم
ليالي:عمرك ما هتتغير هتاخدها بذنب أبوها وأمها وهتكرر الغلط تاني
بدر: اخرجي أنت بره الموضوع ده يا ليالي
ليالي:لا يا بدر مش هخرج منه ومش هسيبك تذالها وتبهدلها أو تحبسها
بدر:هتعملي إيه يعني
ليالي: أنا هسد لها الديون وهدفع لك الشيكات إللي عندك
بدر:وهتعملي كده ازاي
ليالي:من فلوسي
بدر بابتسامه سخريه:فلوس إيه يا مدام أنت ناسيه أنك لسه قاصر وأن أنا الوصي عليكي
ليالي: إيه بتقول ايه
زين:ممكن تبطلوا خناق عشان نشوف البنت دي فيها ايه
فتحت زينه عيونها ونظرت لساهر الجالس أمامها علي الأرض
ساهر: آنسه زينه أنت كويسه
زينه:اه الحمد لله أنا كويسه أنا أسفه إني سببت لكم ازعاج
زين:مفيش حاجه يا بنتي المهم أنك كويسه
زينه:الحمد لله شكراً لحضرتك بعد اذنكم
ساهر:لو تحبي اوصلك
زينه: شكراً لحضرتك أنا تمام
انصرفت زينه ونظر عز لبدر
عز: ياريت يا بدر تراجع نفسك تاني
بدر:ارجوكم محدش يدخل في الموضوع ده
ليالي:سيبه يا عز هو ده بدر إللي أنتم ما تعرفهوش
نظر لها بدر
ليالي: أيوه هو ده بدر إللي الانتقام عنده اهم حاجه إ حتي لو داس علي أي حد
نظر لها بدر وانصرف
رائد:سيبوه شويه مع نفسه
انصرف بدر وتوجه إلي سيارته وركبها وانطلق بها ويتكرر في ذهنه كلمات ليالي:هو ده بدر إللي أنتم ما تعرفهوش هو ده بدر إللي الانتقام عنده اهم حاجه حتي لو داس علي أي حد
بدر:معقول يكون عندك حق يا ليالي معقول الانتقام عاميني انتقامي منك وانتقامي من زينه اه يا بدر ليالي معاها حق رغبتي في الانتقام عامياني عن حاجات كتير ثم رجع بذاكرته للخلف عندما انتقم من مشرف الملجأ الذي قام باهانته في الماضي
Flashback
بعد عوده بدر من الخارج بثروه كبيره وقام بافتتاح شركته وعلم أن أرض الملجأ الذي كان فيه يتم عرضها للبيع وأن الأطفال انتقلوا إلي ملجأ آخر وتم تسريح العاملين به فتحري عن فهمي المشرف السابق له في الملجأ فعلم أنه أصبح بلا عمل فأرسل له من يعرض عليه العمل بشركته بصفته مندوب من أحد رجال الأعمال الذي يدين له بالمعروف وفعلا بدأ بالعمل معه في الشركه دون معرفه من هو صاحب الشركه ثم أوقعه بدر في مشكله سرقه مبلغ كبير من عهدته ثم طلبه عنده في مكتبه
بدر: أهلا يا استاذ فهمي
فهمي: أهلا بحضرتك يا بدر بيه
بدر: أنت عارف المبلغ إللي ناقص من العهده كام
فهمي: أيوه يا بيه
بدر: طيب قولي بقي سرقته ليه
فهمي:والله يا بيه محصلش أنا مسرقتش حاجه والفلوس كانت في الخزنه
بدر:بس إللي أعرفه أن مفيش حد معاه مفتاح الخزنه دي غيرك أنت
فهمي: أيوه يا بدر بيه
بدر:والخزنه مش مكسوره
فهمي: أنا مش عارف والله يا بيه
بدر:تمام يا فهمي مفيش قدامي غير أني أبلغ البوليس
فهمي: أنا في عرضك يا بيه أنا عندي بنات لو اتسجنت هيضيعوا
بدر:ما تخافش مش هيضيعوا هيدخلوا الملجأ
فهمي:ملجأ
بدر: آه ملجأ وأنت اكيد ادري مني بالملجأ واللي بيحصل فيه
فهمي:مش فاهم يا بيه تقصد إيه
بدر:ارجع كده بذاكرتك لورا ايام ما كنت مشرف في الملجأ كان فيه ولد اسمه بدر الدين شهاب انت زليته واهنته وخليته يبوس رجلك قدام الكل بعد ما اتعذب وانضرب واتحبس
فهمي: أنت أنت بدر
بدر:شفت بقي الدنيا بتلف إزاي وأنت بقيت تحت ايدي
فهمي: أنا أنا
بدر: خلاص يا استاذ فهمي اتفضل والبوليس هو إللي هيفصل بينا
فهمي:ارجوك يا بيه أرجوك أنا في عرضك ثم سقط فهمي أمامه وتوفي في الحال حيث أنه كان يعاني من القلب
