ليالي:مش عايز تقول لي مين المتبرع ليه يا ساهر
ساهر:هتعرفي لما يخرجوا
بعد إنتهاء العمليه خرج المتبرع أولا
ليالي:معقول زينه
ساهر: أيوه زينه يا ليالي زينه إللي اتهمتيها بمحاوله قتل بدر
ليالي: أنا مش فاهمه حاجه
ساهر:هنطمن عليها وعلي بدر وبعدين هفهمك كل حاجه
خرج بدر وركضت عليه ليالي
ليالي: بدر بدر
الطبيب:الحمد لله العمليه نجحت وإن شاء الله يفوق بكره
ساهر:وزينه يا دكتور
الطبيب: الحمد لله حالتها كويسه جدا وأن شاء الله هتفوق بكره برده
أخذوا زينه وساهر علي غرفتهم وظلت ليالي بجوار بدر وظل ساهر بجوار زينه وعندما أطمئن عليها ذهب إلي غرفه بدر
ساهر:لازم ترتاحي يا ليالي
ليالي:مش هقدر اسيبه
ساهر:هو الحمد لله كويس ومش هيفوق إلا الصبح تعالي معايا بره ماما وبابا وسهر وعز عايزين يطمنوا عليكي
خرجت ليالي مع ساهر وتوجهوا إلي مكتب ساهر
وجدوا الجميع بانتظاره
آثار: بدر عامل إيه هو وزينه
ساهر: الحمد لله بخير وأن شاء الله هيقوموا بالسلامه
عز: إحنا عايزين نعرف ليه خبيت علينا أن زينه هي إللي هتتبرع بالكليه لبدر
ساهر: أنا هقول لكم علي كل حاجه
Flashback
كانت ليالي تجلس علي الأرض أمام غرفه الطوارئ عند خروج الطبيب
ليالي: بدر بدر
الطبيب: للأسف دكتور بدر اتصاب بطلقتين واحده في كتفه وقدرنا نخرجها والثانيه استقرت في الكليه اليمين وللأسف دخل في غيبوبه ولازم ننقل له كليه تانيه في أسرع وقت
ليالي بانهيار: أنا خدوا الكليه مني أنا
ساهر:ما ينفعش يا ليالي أنت حامل
ليالي: يعني إيه هنسيب بدر يموت
ساهر: أهدي يا ليالي إحنا هنعمل تحاليل لنا كلنا ونشوف مين إللي الانسجه بتاعته موافقه مع انسجه بدر
قطع حديثهم ركض آثار عليهم
آثار: بدر فين أخوك فين يا عز
عز: أهدي يا ماما أن شاء الله هيبقي بخير
ليالي بانهيار: بدر هيموت لو ملقيناش متبرع بكلية
آثار: إيه
ساهر: أهدي يا ليالي ما ينفعش كده
آثار: بدر حصل له إيه
سرد لها ساهر ما قاله الطبيب
آثار:خدوا مني أنا الكليه خدوا عمري كله بس بدر يعيش
ساهر: طيب يا طنط أهدي وأحنا زي ما قلت هنعمل كلنا التحاليل وان شاء الله حد فينا انسجته هتوافق انسجه بدر
مر اليوم وبدر كان في العنايه المركزه وكانت ليالي تجلس أمام الغرفه وقام الجميع بعمل التحاليل ولكن للاسف لم تتوافق انسجتهم مع انسجه بدر وكانوا يجلسون في غرفه ساهر بالمستشفي ودلفت عليهم داليدا صديقه ليالي وسهر
عز: آنسه داليدا أهلا بيكي
اقتربت داليدا من ليالي وخضنتها
داليدا: إيه الأخبار يا ليالي
ليالي:مش لاقين متبرع كلنا ما ينفعش نتبرع
داليدا:ما تقلقيش يا حبيبتي أنا جايه عشان أعمل تحاليل أنا كمان وأن شاء الله تبقي نتيجتها إيجابية
اقتربت منها عز: أنت بتقولي إيه يا آنسه داليدا
داليدا: أيوه يا أستاذ عز أنا مستعده إني اتبرع لدكتور بدر
آثار:ما ينفعش يا بنتي أكيد والدك ووالدتك مش هيوافقوا ومينفعش تعملي العمليه من غير موافقتهم
داليدا:ومين إللي قال إنهم مش موافقين بابا وماما جم معايا وبابا هيعمل التحاليل هو كمان بس ماما مش هتعرف لأن عندها سكر
عز: أنا مش عارف أقولك إيه ليكي ولوالدك
داليدا:ما تقولوش حاجه ويلا بقي بلاش نضيغ وقت
أخذ ساهر داليدا ووالدها وقاموا بعمل التحاليل ولكن للأسف كانت النتيجه سلبيه
والد داليده: أنا بعتذر جدا كان نفسي نقدر نساعد
زين: كفايه شعوركم ده واستعدادكم للمساعده
اقترب عز من داليدا: آنسه داليدا أنا مش عارف أقولك إيه أنت بجد اثبتي أن الصداقه مش كلام بس
مرت الايام وكانوا جميعا يشعرون بالحزن علي حاله بدر وعلي حاله ليالي التي ساءت كثيراً وفقد الوعي أثناء جلوسها أمام غرفه العنايه وقام ساهر بحجزها في المستشفي في غرفه وتركيب لها المحاليل
عز:لازم تجمدي يا ليالي عشان خاطر بدر وابنه
ليالي: بدر عايز يسبني يا عز أنا وابنه عايز يمشي قبل ما ابنه يشوفه ابنه إللي اداني أمل تاني في الحياه إللي قربني من بدر
بدر عايز يسبني بعد ما علقني بيه بعد ما حبيته بعد كل إللي شفته معاه والدنيا بدأت تفرد لنا جناحها عايز يسيبني ويمشي
عز:ما تقوليش كده يا ليالي أن شاء الله ربنا مش هيوجع قلبنا عليه
كان ساهر يجلس في مكتبه بالمستشفي ودلفت عليه زينه
زينه:ممكن أدخل
ساهر: طبعاً يا زينه اتفضلي أنا آسف إني انشغلت عنك بسبب إللي حصل لبدر
زينه: أنا عارفه وأنا جايه النهارده عشان كده
ساهر: إزاي يعني
أمسكت زينه ملف واعطته ساهر
ساهر: إيه ده
زينه: أنا هتبرع لبدر بكليتي
اتسعت عين ساهر من الصدمه: إيه
زينه: الملف ده فيه التحاليل إللي بتأكد إني أنا وبدر انسجتنا متوافقه وإني ينفع أعمل العملية فورا
ساهر: زينه أنت
قاطعته زينه: أنا عرفت أن بابا هو إللي حاول يقتل بدر
ساهر: إيه
زينه: أيوه الفتره إللي أنا غبت عنك فيها قدرت أوصل لبابا واتواصل معاه وعرفت أنه بعت حد يضرب بدر بالرصاص
ساهر:هو فين يا زينه
زينه: أرجوك يا ساهر أنا مش هقدر أقولك على مكانه ده برده أبويا وأنا إللي هصلح الغلط إللي هو عمله
ساهر: أنت مالكيش ذنب في أي حاجة ومينفعش تدفعي ثمن غلط انت ملكيش ذنب فيه
زينه: أنا بحبك يا ساهر ومش هقدر ابص في عيونك ولا في عيون اي حد منهم وأنا عارفه ان أبويا هو سبب إللي حصل لبدر وبدر لو مات كل إللي بيني وبينك هينتهي
ساهر: أنا بحبك يا زينه وخايف عليكي
زينه: وأنا كفايه عليا حبك ده وحب العيله كلها إللي مالقتش زيه في حياتي حتى من أمي وابويا
ساهر:حاضر يا ليالي
زينه: بس أنا عندي طلب واحد
ساهر:ايه هو
زينه:محدش يعرف إني أنا إللي هتبرع لبدر إلا لما نعمل العمليه
ساهر:ليه كده يا زينه
زينه: ده طلبي ارجوك تنفذه
ساهر: إللي أنت عايزاه
Back
عز:مسكينه زينه دايما بتدفع ثمن لذنب مش ذنبها
ساهر:هي عملت كده عشان حاسه بالذنب إللي عمله أبوها وأمها في بدر
زين: خلاص من النهارده هنبدا صفحه جديده وهننسي الماضي ومفيش حد هيدفع ثمن أي ذنب عايزين نبدأ الصفحه دي بالتسامح
رائد:علي فكره بدر قبل الحادثه قطع كل الشيكات إللي علي زينه وقالي أنه ناوي يقف معاها ويقوم شركتها من جديد وأنه مسامحها ومش هيكرر غلطه تاني أنه ياخد زينه بذنب أهلها
قطع حديثهم رنين هاتف عز الدين
عز الدين:ده المحامي
عز:الو ايوه يا متر
المحامي:________
عز: إزاي حصل ده وامتي
المحامي:__________
عز:طيب يا متر هبلغ بابا وهو هيتصرف
زين:في إيه يا عز
عز: كوثر ومجدي عملوا حادثه علي طريق ليبيا وهما بيهربوا
أنت تقرأ
ليالي البدر
Storie d'amoreعاد لينتقم من عدوه وعدو والده ولكن غمره العشق وانقلب الانتقام عليه
