BTS Make Happy Times [ Completed ]

၁၆။ ကြိုက်မှမကြိုက်တာ(BangNamjin)

(Unicode)

( Main Cast ~ ဘန်းပါးပါး၊ကင်နမ်ဂျွန်း & ကင်ဆော့ဂျင် )

Company တစ်ခုတွင် သူဌေးဖြစ်သူ မစ်စတာဘန်းမှ အရေးပေါ်အစည်းအဝေးတစ်ခု လုပ်နေလေသည်။ အချိန်ကြာလာသောအခါ အားလုံးလဲ စိတ်နွမ်းလူပန်းနေပုံရလေသဖြင့် ခတ္တခဏ ကောက်ဖီသောက်ကာ အနားယူရန် အချိန်ပေးလိုက်လေသည်။

သို့သော် ဘန်းကိုယ်တိုင်မှာတော့ အနားယူခြင်းမရှိဘဲ ပစ္စည်းစာရင်းတစ်ခု ပြန်စစ်ရန် စိတ်ကူးမိပြီး မန်နေဂျာဖြစ်သူ ကင်ဆော့ဂျင် နှင့် အတွင်းရေးမှူး ဖြစ်သူ ကင်နမ်ဂျွန်း တို့ကို ခိုင်းစေရန်ပြင်လေတော့ အနားဝယ် တစ်ယောက်မှမရှိ။ ကော်ဖီသွားသောက် နေကြလေပြီ ထင်သည်။

ထို့ကြောင့် မိမိကိုယ်တိုင်ပဲ စာရင်းပြန်ယူကာ စစ်ရန် စတိုခန်းသို့ သွားမိချိန်မှာတော့ ထူးဆန်းစွာ ကြုံတွေ့ရသည်က စတိုခန်းအတွင်းဝယ် တစ်ယောက်နှင့်တစ်ယောက် တင်းကြပ်စွာ ပွေ့ဖက်ကာနေလေသည့် ကင်ဆော့ဂျင် နှင့် ကင်နမ်ဂျွန်း တို့ကို တွေ့ရှိသွားခြင်းပင်။

မျက်လုံးမျက်စံပြူးကာ ရှော့ရသွားသည့် သူဌေးဘန်းမှာတော့ ဘာစကားမှမဆိုနိုင်တော့ပေ။ သူ့အတွင်းရေးမှူးနဲ့ သူ့မန်နေဂျာက ထိုကဲ့သို့ အခြေအနေဖြစ်နေလိမ့်မည်ဟု သူနည်းနည်းလေးမှ တွေးမထင်ထားခဲ့မိဘူးလေ။

သို့ဖြစ်၍ "မင်းတို့ ဒီကိစ္စကို ဘယ်လို ရှင်းပြမလဲ" ဘန်းက တအံတသြဟန်ဖြင့် မေးလိုက်သည်။

ထိုအခါ အတွင်းရေးမှူး နမ်ဂျွန်း နှင့် မန်နေဂျာ ဆော့ဂျင် က ဘန်းကို သေချာကြည့်ပြီး နှစ်ယောက်စလုံးနှုတ်မှ ပြတ်သားစွာဖြင့် ပြောလိုက်သည်ကတော့

"ကျွန်တော်တို့ နှစ်ယောက်လုံး ကော်ဖီမကြိုက်လို့ပါ" ဟူသတည်း။

The END

Note : အေးလေ...ကလေးတွေက ကော်ဖီသောက်ဖို့ ပေးထားတဲ့အချိန်မှာ ကော်ဖီမှ မကြိုက်တာကို ဘယ်သောက်နေမလဲ ၊ အဲ့တော့ မကြိုက်တာကို လုပ်မဲ့အစား ကြိုက်တာပဲ လုပ်မှာပေါ့လို့ ဂယ်ဘဲ ဂယ်ဘဲ :P

To ARMY

ကော်ဖီခါးခါးတခွက်ထက် မင်းရဲ့ ရယ်သံချိုချိုလေးကိုပဲ ပိုကြိုက်တယ်။