ပိုခ်စ္တဲ့သူကိုယ္ပဲျဖစ္ပါေစ ( ပိုချစ်တဲ့သူကိုယ်ပဲဖြစ်ပါစေ )

Part 13

Unicode Version

" Meng Group ဥက္ကဋ္ဌ နှင့်သမီးဖြစ်သူ
ဖမ်းဆီးခံရမှုနဲ့ပတ်သက်ပြီးနောက်ဆုံးရသတင်း
အခြေအနေကိုတင်ပြပါမယ်ရှင် ..

လေးရက်နေ့ညနေပိုင်းအချိန်လောက်က
Wang Group မှ Secretary ဖြစ်သူနှင့်
စာရင်းပိုင်းတာဝန်ခံငါးဦး
ပျောက်ဆုံးနေကြောင်းကို Wang Group တာဝန်ရှိသူတစ်ဦးမှ
Beijing ရဲစခန်းသို့တိုင်ကြားလာပြီး
ခြောက်နာရီအတွင်းမှာရဲတပ်ဖွဲ့ရဲ့ကြိုးပမ်းမှုနှင့်အတူ
ပျောက်ဆုံးသူများကို Meng Group ပိုင်
villa အတွင်း Ms Zoey Meng နှင့်တကွ
ပြန်လည်ရှာဖွေတွေ့ရှိခဲ့ရပါတယ်

ပျောက်ဆုံးသူခြောက်ဦးမှာဆိုးရွားစွာ
အနှိပ်စက်ခံထားရပုံပေါ်ပြီး
ဒဏ်ရာပြင်းပြင်းထန်ထန်လည်း
ရထားခဲ့ပါသေးတယ်

သူတို့ကို Beijing ဆေးရုံသို့
ပို့ဆောင်ထားပြီးနောက်ဆုံးမေးမြန်းချက်များအရ
လူတစ်စုရဲ့ဖမ်းဆီးမှုကိုခံခဲ့ရကြောင်း
လုပ်ငန်းတွင်းကိစ္စများမေးမြန်းကာ
အနှိပ်စက်ခံရကြောင်းဖြေဆိုခဲ့ပြီး
လက်ရှိမှာတော့ Wang Group တာဝန်ရှိသူရဲ့
ပြောကြားချက်အရ
မည်သည့်အကြောင်းမျိုးနှင့်မှကျေအေးပေးမည်
မဟုတ်ကြောင်းသတင်းထုတ်ပြန်ထားပါတယ်ရှင် "

" ကျေနပ်နေတယ်ပေါ့ "

သတင်းကြော်ငြာချက်ကို
အာရုံစိုက်ထားသောကြောင့်
လူဝင်လာသည်ကိုပင် Wang Yibo သတိမထားမိ

လှည့်ကြည့်လိုက်တော့
ထင်သည့်အတိုင်း

Wen Ning Ge နှင့် Jin Ling

Wang Yibo .. TV power off
ခလုတ်ကိုနှိပ်လိုက်ရင်း

" ဘာလာလုပ်ကြတာလဲ "

" အောင်မယ်လေး ...
မင်းကကျေးဇူးကိုဇွန်းတပ်ပြီးရှယ်ကန်းတာနော် "

မခံမရပ်နိုင်သလိုအော်ပြောလာသည်က
Jin Ling

" မင်းကဘာကိစ္စနဲ့ဒီထိလိုက်လာရပြန်တာလဲ ..
ဆယ့်လေးနာရီကျော်ကြာတဲ့ခရီးကို
အိမ်ရှေ့အိမ်နောက်လိုကိုသွားလာနေတာနော် "

နှစ်ယောက်တည်းကမ္ဘာကို
အဖျက်ပိုးများဝင်လာသောကြောင့်
နှုတ်လန်ထိုးနေသည့် Wang Yibo