ماكانتش في بالو ...ونسى انو متغششة من عملة عملها ماتتغفرش ...شوفة رسيل تخرج مع حد اخر ...خلاه يدخل بعضو... ويكرهو من قبل مايعرفو شكون...ماكلفش روحو يعاود يدق عليها الباب و يجبر ب خاطرها.... يخليها تطمان شوية ...خير انو يخليها على راحتها ومايدورش بيها ...منها هي تاخو وقت ومنها هو يصفي عقلو ....رقد بعيد عليها ...وبعدها ما اثرش فيه ...عبارة ...ماهيش ونيستو من اربعة سنين ...معقول يكون نساها ...والا ايلي عاشو معاها موش حب ....ع الصباح نوقز تاليفونو وكانا امو هي الطالبة " الو امي اش فمة "
صوتها كان قوي وبلهجة حادة " انت لازم تقلي اش فمة وشنوة صار معاك لبارح ....من وقتاش ولدي انا يعمل الفضايح ...توا تلبس وتجيني وماتوخرش دقيقة ...تحرك اكبس روحك "
ماخلتهوش يحكي معاها كلمة ...علقت خلاتو يلعن في النهار انو قرر يعرس ...اصلا كان واضح انو ماهوش باش يكون مرتاح وقت خذاها بالسيف على امو ...وين مشى هاك الحب الكل...نصيف ساعة وكان في الفيلا متاع بوه ...واقف قدامها وهي تمشي وتجي ، الشي خلاها تشعل و تغزل وحدها " وحدة جاية من الشارع ...تعملك فضيحة والعباد تسمع ...وزيد تسب وتعاير وصوتها يعرعر ونعمة التربية....مرتك يا سيد...ماهيش متربية ...وموش متاع عايلتنا ...ماهيش من مقامنا ...ها الشي قلتهولك من قبل ...وهاو بان بالكاشف "
"امي"
شاورتلو بيدها اسكت " تزيدش معايا كلمة اخرى ...اذا انت راضي ...انا مستحيل نرضى انو اسم عايلتنا يتمس... ديجا كلمت المحامي باش يبداا اجراءات الطلاق"
"شنوة شنوة....ياخا ...كيفاش تعمل حاجة كي هكا...هاذي حياتي انا "
"ومرتك يا سي عماد لبارح عملت الفضح ....ومست سمعتنا و قيمتنا ...ياخا نسيت انت شكون وولد شكون"
حاول يكون هادي ومايدخلش معاها في عركة " شو...امي ...هاذي مشكلتنا احنا الزوز...انا وراوية...ما تدخلش روحك انت...خليك بعيدة ...تو نتفاهم معاها على كل شي ...وكل واحد.غالط فينا تو يصلح روحو..."
"،مافماش ....من هوني لنهارين تو توصلها طلقتها ...وانت لازم تكون موافق ...وبالسيف عليك "
"سامحني ماانجمش نعمل حاجة كي هكا ...مستحيل نطلق مرتي ..."
"علاش ماقلتش ها الكلام وقت تبعت بنت عمها ...والبوس والتعنيق ايلي بيناتكم...بالكي تسخايلني مافيباليش ...انا هوني يوصلني كل شي اول باول. "
"على اما بوس تحكي وتعنيق شنوة ...زودتلها راك...امي ...يهديك...خليني انا ومرتي تو نفضو مشاكلنا وحدنا "
وقفت وهي تنفض في حوايجها من الغل " معناها لازمك تقرر ....تختار حاجة من الاثنين " قدمت منو خطوة وخرت طول في عينو " اما سمعة عايلتك والا مرتك " تعدت من بحذاها وريحها طير اوراق كانو محطوطين على طاولة ....هبط بكلو ع الكرسي وهجم كيف الجبل ...حط يدو على نواظرو ....شنوة لازمو يعمل وكيفاش باش يفضها .
★***★**★
بما انو ماهوش موجود...يعني تبعها...مشى وراها ...وماعطاهوش قلبو يخليها وحدها ...هي ايلي جابتهالو ...تستاهل ...عرفتو عليها وسكنتها معاه ...و خلاتها اكثر من مرة وحدهم راس راس....تستاهل كل ايلي صارلها....علاش تلوم فيه هو...تلوم روحها ....كيفاش تدخل مرا شابة ومزيانة لدارها ....كيفاش ي
باش تكمل معاه ..كيفاش باش تنجم ترى وجهو و هي ما نجمتش تنحي من بالها صورتهم وهوما في الجنينة يحكاو كيفاش يدغفوها...هذا هو الوقت ايلي لازم تعفس فيه على قلبها وتكمل من غيرو...لازم تطلب الطلاق...ومهما كانت تحبو. .كرامتها تجي قبل كل شي ...حتى قبل القلب.
✴✴✴✴✴✴✴
أنت تقرأ
🌸✴عشقي المشوه ✴🌸(كرونيك باللهجة التونسية : مكتملة )
Random★الاسم " ♥عشقي المشوه ♥" ★ الكاتبة " N🅾D🅰 ★النوع " رومنسي ،عائلي ،اجتماعي ،تشويق ،اثارة .." ★عدد الفصول " 47 ★سنة الانتاج " 2019 " ★لمحة ع الكرونيك ⬇⬇: "عشقي ليك💛 ...حكاية حلمة 💛...غناية من جوارح القلب 💚....حبي ليك من ضلوعي ومن انفاسي 💜....ع...
