مهجه وآسر
مهجه /تعال معاي
آسر/ ادخل معاك فين ده ملابس حريمي اعمل انا فيه ايه عاد
مهجه/ وانا مش هدخل لوحدي
آسر/ ايه هيخطفوك جوه عاد وبعدين لو حد شافني يجول ايه
مهجه/ مش هشتري وهقول لستي انك مخلتنيش اشتري ودمعت عينيها
آسر/ اوف شغل الحريم بجي ادخلي ادخلي وبالداخل يجد سيف في وجهه
سيف / اهلا آسر ويخفض راسه لمهجه
مهجه/ تهمس لآسر اهو داخل المحل عشان بس
مريم/ اهلا مهجه اهلا باشمهندس
مهجه/ اهلا مريم
مريم / ده ايه الصدف دي افكار بصي مين هنا
لينظر آسر فيجد افكار امامه وكانت ترتدي احد
الاطقم لتراها مريم و ينظر لها باعجاب فقد وحشته لكنه لن يسامحها بالساهل لجل تتعود تثق فيه
سيف/ افكار ايه ده
مريم / ماله طقم حلو قوي صح مهجه
مهجه / فعلا الطقم ماشي مع افكار جدا
سيف / بس مينفعش في النجع
ينظر الجميع لآسر في انتظار ان يتحدث
آسر/ مهجه انا هنتظر بالخارج اهو معاك حريم ويهمس له ما تعرضي امام ولد السوالم
سيف/ انا كمان هخرج معاك
مهجه / كده آسر
وبعد خروجهم تبكي افكار وترفض اخذ الطقم
مريم / خلاص افكار مش تزعلي
مهجه/ افكار آسر بس مش عايز يضايج اخوك وتكون كلمته ولا كلمه خوك
مريم / صح برضه
لتنظر افكار لمهجه وتقول /تفتكري
مهجه / انا متاكده تعالي اختاري لي فستان احضر به فرحك وبعد اختيار كل منهم لما تريده يخرجوا فيجدوا سيف وآسر
سيف / طيب احنا هنرجع النجع بجي
مهجه / وهي تنظر للارض ممكن دجائج افكار تختار لي حاجه من المحل ده وتشير لمحل ذهب كبير
مريم / ايوه تعالي
مهجه / اختاري لي حاجه علي زوجك افكار فقد استغلت مهجه الفرصه لتختار افكار هديه ستها لها وبعد الانتهاء وانصراف سيف ومريم وافكار
آسر/ هي افكار اشترت الطجم الي كان عاجبها
مهجه / لا ليه ما جلت حاجه
آسر/ اجول ايش اخوها جال طيب تعالي هاتيه
مهجه/ وهي تضحك طيب
ثم يعودوا الي النجع
ادهم وادم
ادهم/ ادينا بعيد عن المركز نعم واخرج علبه السجائر وقال لادم اتفضل
ادم / لا مش بدخن
ادهم / طيب ايه الموضوع
ادم / انا هكلم دغري انا رايد الدكتوره فتنه اختك وعارف انها مش هتصدجني وانت كمان مش هتصدج بس انا رايدها مش عشان اي سبب غير اني اني وينظر لادهم ليجد انه مركز امامه لدرجه ان السجاره انتهت في يده ولم يشعر فيضربه خفيفا علي كتفه ويقول انت معاي
ادهم / ايوه مستني بعد انت ايه ثم اخذ يتذكر عندما عاد الي المنزل وسمع والده وهو يسآل فتنه اذا كانت عايزه ادم وان فتنه بردها اظهرت انها معجبه بادم ولكن خوفها علي مشاعره هو ما جعلها ترفض ادم
ادم / انا بحبها فعلا
ادهم وهو ينظر لادم / طيب جت لي ليه قول لها كده انك بتحبها
ادم / مهو لو جلتلها ما راح تصدج وراح تفتكر اني بلعب لغرض تاني عشان كده جيت اكلمك
ادهم / مش فاهم
ادم / لما فتنه تجد اني واجهتك بمشاعري ممكن تقتنع اني بحبها ومش رايد حاجه تانيه انت بتبص لايه وينظر فيجد سياره آسر تمر وبها آسر واخته مهجه وهي تضحك لآسر
ادهم / لا مفيش طيب هي فتنه في الوحده وانا هروح الان تعالي بعد العصر اتحدث معاها
ادم / اجي فين
ادهم / البيت يعني هيكون فين في المركز ويعود الي النجع
