فتنه
جلست بالوحده ولم يكن هناك اي شغل فجلست تفكر لازم تتكلم مع ادهم عايزه تاخذ نصيحته وتساله عن اشياء بس ازاي ادهم اصبح منغلق معاها جامد وده محصلش قبل كده لا حصل مره واحده فقط لا لا مش هتفكر في الموضوع ده هي هتروح له المركز نعم فهناك لن يستطيع التهرب منها وتقف للذهاب الي المركز
مسعد/ علي البيت يا دكتوره
فتنه/ لا علي المركز
مسعد بدهشه / المركز ليه بس
فتنه/ خلص يا مسعد
وفي المركز فتحي / اهلا وسهلا دكتوره فتنه
فتنه/ ايوه ادهم موجود
فتحي / تقريبا دقيقه حسان شوف الباشا
حسان/ مش هنا ذهب مع اسلام باشا لنجع (.....) هناك عاركه جامده
فتحي / في اي حاجه اقدر اعملها لحضرتك
فتنه / لا لا شكرا السلام عليكم وتخرج تعمل ايه مفيش غير انها ترجع للبيت وتنتظر عوده ادهم
مهجه/ فتنه رجعت بدري
فتنه/ مفيش حاجه في الوحده قلت امشي بتعملي ايه
مهجه/ مفيش
فتنه/ هو ادهم جه تاني وتنظر باستغراب لمهجه التي تضع يدها علي وجهها وتسرح لتخبطها علي كتفها بقول ادهم جه تاني لتلاحظ احمرار وجه مهجه
مهجه/ ايوه جه وجال في شغل في نجع(.....)
وهيتاخر في حاجه
فتنه / لا مفيش
مريم
ظلت تجلس في غرفتهم بعد انصراف سيف وهي تسال نفسها هو سيف ناوي علي ايه لاول مره من سنتين منذ تزوجوا يتركها سيف في مكان دائما ياخذها معه حتي لو ليله لابد ان تكون معه الا لو موضوع مستعجل وايام حملها وولادتها تركها غصب من عنه عشان مشاكل النجع طيب ايه حصله عشان يسافر من غيرها وايه متخرجش الا لما تقوله طيب هو مش هنا تعمل ايه لا سيف في حاجه مش طبيعيه لازم حصل حاجه وتنظر للساعه تجد انه قد سافر من ساعه ستنتظر ساعه اخري وتتصل به
زهره/ مريم انت هنا
تقتح مريم الباب / ايوه ماما زهره
زهره/ جالسه لواحدك ليه تعال اجلسي معاي وهاتي مصطفي
مريم/ حاضر
زهره/ انت زعلانه ان سيف سافر لوحده
مريم تتذكر تحذير سيف/ لا طبعا ماما هو قال يومين بالكتير وبعدين ما انا معاكم
زهره / طيب وتنظر لها بدهشه وتفكر سيف ساب مرته عندهم وسافر ليه اول مره يعملها حتي لما جه يومين وكانت لسه والده كان هيجن فيهم لحد ما ادم جبها معاه خير يا ولاد عاصم واحد حاله مجلوب والتاني مش رايد يجبلنا او نعترف به والثالث ماحد يعرف تفكيره
مريم/ ماما هي افكار اتصلت
زهره/ لا بس كلمت حياه جالت ان آسر جال ما راح يتصل عايز اسبوع يخلص الشغل كله من غير ما حد يعطله
مريم/ وفتنه ومهجه
زهره/ لو بدك اخلي الغفير يوصلك لهم
مريم/ لا لا انا بس كنت بسال عنهم
زهره/ طيب لا محدش اتصل
مريم في نفسها وبعدين انا بقي هفضل كده يومين لا اعمل حاجه ولا محتاجه ماشي سيف
