ادهم
جلس في المركز يفكر لتاني يوم يتخفي ويراقب جابر عوف ليجد انه قد ذهب الي نفس الكهف بالجبل الا انه لا يوجد من يدخل او يخرج منه في الوقت الذي يقضيه جابر هناك ولا يعلم هل به احد فقرر ان يذهب لمديريه الامن لمقابله مدير الامن
ادهم / اسلام فتحي
اسلام / خير ادهم
ادهم / فتحي فين
فتحي / انا هنا اه اصبر بس ابلع اللقمه
ليضحك ادهم واسلام ففتحي لايبطل اكل وسبحان الله لا يسمن ابدا
فتحي / خير علي الصبح مرور وخروج نجع تاني مش رايح انا معزوم علي فطير فلاحي
ينظر له ادهم شزرا / ومين الي عازمك الفلاحين
فتحي / لا مش الفلاحين امي ارسلت لي المعونه من البلد
اسلام / يعني الغداء علي حساب الحاجه النهارده
فتحي / لا هي قالت الاكل يكفي شخص واحد
اسلام / كده طيب هطلب اقولها
فتحي / خلاص اخرس هتتغدا
يضحك ادهم جامد / بصوا انا رايح مدريه الامن وهارجع المغرب باذن الله حسكوا حد ياكل الفطير بتاعي
فتحي / لا كده الاكل هيضيع
ليضحك ادهم وينصرف الي مديريه الامن وعندما يصل يطلب مقابله مدير الامن فهو الوحيد في المديريه الذي يعرف مهمته
ادهم / تمام يا افندم
مدير الامن / ارتاح ادهم تعالي اجلس خير عرفت حاجه
ادهم / راقبت جابر ليلتين وجدت انه يذهب الي كهف محدد في الجبل كل ليله في نفس الميعاد
مدير الامن / طيب عرفت الكهف فيه ايه
ادهم / لا يا افندم المشكله مفيش حد بيدخل ساعتها ولا يخرج الا جابر ومفيش دليل في حد في الكهف ولا ايه
مدير الامن / طيب وبعدين
ادهم / كنت عايز اطلب من سياده اللواء احمد يرسل لي اثنين من الغفراء الي بيشتغلوا متخفين يراقبوا الكهف بالنهار بالتناوب نشوف مين هيدخل او يخرج منه
مدير الامن / طيب انا اوفر لك الغفراء من هنا
ادهم / بلاش من الصعيد خالص يا افندم احتياطي
ليفكر مدير الامن ويجد ان تفكير ادهم سليم فاغلبهم يعرفوا بعض هنا فيسال ادهم طيب انت متصلتش باللواء احمد علي طول ليه
ادهم / اللواء احمد نبه علي اخبر سيادتك بكل الخطوات اول فاول
مدير الامن / طيب انتظر ويتصل باللواء احمد الذي يوافق علي كلام ادهم ويوعده بارسال الغفراء اليوم بعد العشاء حتي لا يراهم احد
ويستاذن ادهم في الانصراف للرجوع الي النجع
واثناء سير ادهم بالسياره في احد الشوارع يجد امامه مهجه ومعها آسر الذي يري ادهم فيشير له ليقف ادهم للتحدث معهم وهو لا ينظر الا لمهجه
*
نواره
مضي عليها في منزل عمها اربعه ايام وقد وحشها النجع وامها جدا وعلمت ان هناك عند عمها غير ايات ثلاث ابناء عبد الحميد الكبير متزوج ومقيم في شقه في منطقه اخري ويحضر للزياره كل يومين ويعمل مع عمها بالصيد مع انه خريج معهد وهناك همام الابن الاخر ويعمل محامي في شركه ومقيم بنفس المنزل ونظرا لوجودها انتقل للشقه الاخري بنفس الدور حيث ان المنزل من ثلاث ادوار كل دور شقتين منهم دور مقفول لا يصعده احد الا عمها وهناك ايات وهي من سنها ولقد تصادقت معها وقررت ان تكلم اخوها لكي يحاول ان يحضر لها شهادتها لتكمل تعليمها وهناك احمد اخر العنقود وهو في الاعدادي وطول اليوم يغيظ ويضايق فيها الا انها تعلقت به اما زوجه عمها فهي لا تقل عنه طيبه وحب لها ولا تشبع من سماع اخبار النجع
نرجس / ايات بت يا ايات
نواره / ايات نزلت تشتري الخضار مراه عمي
نرجس / ايوه نسيت
نواره / كنت رايده ايه
نرجس / لا خلاص لما تحضر ايات
نواره / ليه بس هو انا مش مثل ايات ولا هفضل ضيفه ما اعمل حاجه
نرجس / كيف ضيفه انت صاحبه البيت يا عيون مراه عمك
نواره / خلاص جولي لي كنت رايده ايه
نرجس / كنت عايزاها تنظف الشقه لاخوها همام وتجيب غسيله
نواره / بس كده ثواني هكون نظفتها
نرجس / بس عمك يغضب لو عرف اني شغلتك يا عيوني
نواره / سيبي عمي لي
لتدخل نواره الشقه وهي تفكر في همام ولد عمها فهو خاطب زميله له الا ان عمها وزوجته وايات وعبد الحميد اي الجميع لا يحب خطيبه همام وبدات تنظف الشقه وهي تغني (غاب الجمر يابن عمي ياللا روحني دي النسمه اخير الليل بتفوت وتجرحني) لتسمع صوت شخص يضحك من خلفها لتلتف فتجد انه ولد عمها همام
همام / صوتك حلو بنت عمي وهو يضحك
ليحمر وجهه نواره وتملاء عيونها الدموع وتقوله / بالاذن ما كنت اعرف انك هنا لما تيجي خارج جول اجي اكمل الشجه
همام / لا استني ويمسك يدها
تشد نواره يدها جامد / اترك ايدي كيف تمسكها
همام / اسفه مش قاصد حاجه بس انت زعلت ليه انت فعلا صوتك حلو وعموما انا نسيت ملف شوفي اه وياخد الملف ويقول لها سلام انا نزلت اه
لترجع نواره الي تنظيف الشقه وهي تبتسم
