سيف
شعر سيف بالقلق بعد انتهائه من التحدث مع اسر ففكر ليه ميىجعش النجع الان كده كده هيسافر للنجع يبقي يسافر دلوقتي وخلاص ليصل للنجع بعد فتره
سيف/ السلام عليكم ويدخل لجده يقبل يده ثم يد والده
عاصم/ وعليكم السلام كيفك سيف
سيف / الحمد لله بوي
محفوظ / حمدالله علي السلامه ادي اول واحد شرف لما اشوف باجيكم بكره اطلع سلم علي امك ومرتك حسابي معاكم بكره
ينظر سيف لجده بدهشه / حساب ايه بس يا جدي هو حصل حاجه
محفوظ / هنشوف يا ولد عاصم هنشوف
فيصعد سيف ليجد امه كالعاده مع الحريم بالمطبخ
تحضنه زهره / سيف اخيرا رجعت
سيف / هو في ايه دول يومين مش سفر سنين
زهره / يومين تسيب فيهم مرتك هنا ليه
سيف / وفيها ايه هو انا سبتها عند حد غريب
زهره / مفيش حاجه يا ولد بس لو جدك قرر حاجه ما ترجع تزعل
سيف / مش فاهم
زهره / بكره هتفهم
يصعد سيف لجناحه هو ومريم فيسمع صوتها وهي تبكي وتحكي لاحد ما حصل من طلبها لجده ان ينزله النجع لحد تركه لها ونزوله القاهره بمفرده ثم يسمع صوت فتنه
فتنه / بس انت غلطت مريم تطلبي جدو عشان ينزله وكمان تحكي له
تبكي مريم / معرفش ايه الي خلاني اعمل كده كنت عايزه اعرف مهجه هتعمل ايه
فتنه / خلاص مش بتقولي جدو عايزهم بكره يا خوفي ادهم يطنش وخاصه انه مش بيقبل حد يستدعيه ولا بابا المهم ابقي صالحي سيف
مريم / طبعا هصالحه
فتنه / ايوه هو ده بقي المهم هتصالحيه ازاي
مريم بدهشه / ليه انت ناويه تصالحي مين ولا هتزعلي ادم وبعدين تصالحيه
لتضحك فتنه / انا مش بصالح حد مفيش الا ادهم ومع ذلك لو عملت ايه مش هعرف اصالحه صح
مريم / يعني ايه
فتنه / مفيش مفيش قولي عشان البت مهجه تصالح ادهم ما انا حكيت لك
يحدث سيف نفسه ان اجتماع مريم وفتنه ينقصه مهجه وافكار حتي يكتمل التخطيط لا لازم ينبه ادهم وآسر وادم للموضوع ده ثم يطرق الباب ويدخل فتقف مريم من علي السرير وتجري له وبدون شعور يحملها سيف كما يفعل دائما
تتنحنح فتنه / طيب انا هروح مريم اتصلي بيه النهارده ضروري اوعي تنسي
ينظر لها سيف/ مين معاك
فتنه/ مسعد تحت
سيف/ طيب مع السلامه وتخرج فتنه فينظر لمريم ليجد انه مازال يحملها وهي تحضنه
مريم / كده سيف قدرت تبعد عني ثلاث ايام وحشتني قوي قوي
سيف وهو يضعها علي الارض / مكنش المفروض نحضن بعض كده امام فتنه ابجي لاحظي ده فين مصطفي
مريم بزهول / كده حتي مقلتش وحشتيني انت اتغيرت قوي سيف
سيف / انت السبب مريم ويدخل ليقبل مصطفي
مريم بغضب / ماشي انا السبب بس مش للدرجه دي وبعدين ما انت زعلتني مرتين وانا قبلت صلحك علي طول
ينظر لها سيف / انا زعلتك بيني وبينك
مريم / لا وامام اهلك كمان ولا نسيت
سيف / لا منستش بس الي اقصده انا وانت مش صغرتك امام حد انا مرهق من السفر هتغسل شوفي لي حاجه اكلها لو تجدري ويتركها ويدخل الحمام وهو يفكر يعني انت بدك واحده جصاد وحده ولا ايه
