آسر وافكار
بعد ان وصلوا الي منزل الهواري صعد كل من آسر وافكار الي غرفه الحاج عبد الرحمن
عبد الرحمن / تعالي واشار لافكار لتقترب منه ماشاء الله ربنا يحفظك اتركنا لوحدنا آسر وبعد خروج آسر جربي هنا انا مكان جدك محفوظ اي حد يزعلك في البيت كله تجولي لي وانا اتصرف مفهوم بنيتي
تنظر افكار للارض / حاضر
عبد الرحمن / جولي جدي
افكار / جدي
عبد الرحمن / انا حاسس ان آسر مش زي عوايده لو زعلك او عمل ايتها حاجه تضايجك تيجي تجولي لي علي طول
افكار/ حاضر جدي وتقبل يده
عبد الرحمن / طيب جومي زمان نفيسه وحياه منتظرينك بمجلس الحريم لتنزل افكار لمجلس الحريم تقابلها الاغاني والزغاريط من الحريم لتقوم حياه بتقبليها ويبداء الجميع في الغناء والرقص وتشاهد مريم تشد مهجه لكي ترقص وتفكر هي تتزوج ادهم خلال اسبوع وتسال نفسها هل يتزوجها بسبب الكلام الي طلع عليهم ولا عشان حاجه تانيه وبعد فتره تصعد الي جناحها مع آسر
آسر / السلام عليكم ويدخل الغرفه
افكار / وعليكم السلام
ينظر لها آسر جيدا ويفكر يعمل ايه هو ميقدرش يتركها وينام في الصاله كما خطط انها تجذبه بطريقه لم تحدث من قبل
افكار/ هغير واحط الاكل
آسر / يشير لها الي الحمام والي مطبخ صغير ملحق بالجناح المقسم الي غرفتين وصاله ومطبخ وحمام
لتدخل افكار تغير ملابسها فتجد ان مريم حضرت لها ملابس وعندما تنظر وتمسكها تجدها شفافه وصغيره جدا ازاي هتلبسها وتخرج بها امام آسر
لتسمع آسر/ افكار انت هتفضلي جوه كتير
افكار/ لا لا هخرج لتخرج وهي تلف نفسها بالروب فوق ملابسها هضع الاكل علي ما تتغسل
ينظر لها آسر باستغراب ويكتم ضحكته روب وطرحه / طيب
وبعد الانتهاء من الاكل يسالها آسر /هنعمل ايه بجي
تنظر له افكار بدهشه / مفيش هنعمل ايه يعني
آسر/ طيب مش هتفكي الطرحه
تضع افكار يدها علي راسها افك الطرحه
آسر/ ايوه انا جوزك خلاص يعني عادي لما تفكيها مش حرام
فتنظر افكار في جميع الجهات وتجد ان آسر قد قام وبداء يقترب منها فتدخل الي حجرتهم جري
آسر / افكار انت خايفه مني
افكار/ لا مش خايفه
آسر/ وهو يقترب منها طيب فكي الطرحه
تشير له افكار/ طيب خليك واجف عندك
آسر/ هنا بجوار الباب
تفك افكار الطرحه ليسقط شعرها اسود وناعم شلالا حرير حتي منتصف ظهرها
آسر/ ماشاء الله افكار مش جادر اجف هنا ويدخل ويغلج الباب ويقترب منها
افكار/ انت مش كنت زعلان ومش بتكلمني من خمس ايام
آسر / لا خلاص نسيت الزعل ونسيت كل حاجه ويمسكها قبل ان تبعد حتي نسيت اسمي كمان
لتضحك افكار فيضحك آسروهو يغلق النور انا هنسي اللغه نفسها
فتنه
كانت تنظر من الشبابيك في مجلس الحريم بمنزل السوالم تبحث عنه لتجده يقف بجوار بعض الاشخاص من النجع يضحك معهم ثم دخل آسر وادهم الذي ذهب لزملائه لتبتسم وهي تشاهد مزاحهم معه
مريم/ بتضحكي علي مين فتنه وتنظر من الشبالك
فتنه / تشير لادهم واصدقائه
مريم / مش ده النقيب الي قابلنا في سوهاج
فتنه/ ايوه النقيب فوزي ما انا قلت لك ده صديق ادهم من اول ما دخل الكليه
مريم/ يعرفك كويس يعني
فتنه / يعني هو وواحد تاني اصدقاء ادهم الروح بالروح غير اننا كلنا هما وادهم وانا ومجموعه نعتبر شله في النادي
تنظر مريم للجانب الاخر فتشاهد سيف وادم يتحدثون / ممكن اسالك سؤال
فتنه / اسألي
مريم/ لو اتقدم لك هتوافقي عليه
فتنه / فوزي لا اولا ما اظنش يتقدم لي ثانيا لا مش هوافق
مريم / يعني مش بتحبيه
فتنه/ لا مش بحبه
مريم / وادم
فتنه / ماله ادم وتنظر عليه مع سيف وتلاحظ نظراته الي ادهم فتدعي في سرها ان يبتعد عن طريق ادهم فهي تعلم ان ادهم لن يغفر له ضربه افكار بالساهل
مريم / سرحتي في ايه
فتنه/ هو ادم ضرب افكار ليه
مريم / من غير ما تقولي لاخوك عشان دافعت عن ادهم
فتنه / علي فكره ادهم ايوه طيب وحنين بس مش سهل زي ما انتم فاكرين
مريم / تقصدي ايه
فتنه / اقصد انه فهم ان ادم ضربها عشانه
مريم / سيبك من افكار ايه رايك في ادم
فتنه / الاول كنت فاكره انه كويس بس بيغير من ادهم حاليا شايفه انه اناني مش بيفكر الا في نفسه والي يريحه مش هامه حزن والدته ولا ابوه ولا همه انه بيكسر بخاطر اخته لما ضربها
مريم / يعني لو اتقدم لك تاني مش هتوافقي عليه
فتنه / رد سؤالك في اجابتك للسؤال ده انت زعلت من تصرفات سيف ليه
مريم / تصرفات سيف لسببين الاول انه قالي دي امور عائليه حسسني اني غريبه
فتنه/ والتاني
مريم / اني متوقعتش انه يتصرف كده ايوه انا لو مكانه مش هصدق او مش هقتنع ان ده اخويه بالساهل بس ولو عشان خاطر امه وابوه يحول يفهم ويقرب من اخوه
فتنه / مش قادره افهم ليه ادم وسيف وافكار مش فاهمين ان الوضع اصعب لادهم ايوه كان عارف ان بابا والده بالرضاعه بس احساسه ان اهله مكنوش بيحبوه ومحدش سال او بحث عنه احساس صعب
مريم/ بس ماشاء الله عقله كبير وبيتحكم في تصرفاته وحاسس بمشاعر ماما زهره وافكار
فتنه / ده الي علي السطح
مريم / تقصدي ايه
فتنه / اقصد انه بيتعذب خايف يقرب منهم يحسسني انا و بابا انه استغني عننا وخايف يبعد امه وابوه يحسوا انه بينتقم منهم وكره اخواته له بيزود الامر
مريم / لا سيف مش بيكرهه بس لسه محسش انه اخوه مثل ادم
فتنه/ ربنا يستر لان وتصمت
مريم/ لان ايه فتنه قولي
فتنه/ لا مفيش خلاص وهي تفكر لو سيف وادم فضلوا بنفس التصرفات ادهم هيبعد عن عيله السوالم نهائي
تسمع صوت يقول العروسه هتمشي ويبداء نزول العروسه لسياره آسر وخلفها اغلب الحريم لحضور مجلس الحريم ببيت الهواري وتبحث فتنه عن والدها فلا تجده
مريم / تعالي معايا سيف هيوصلنا بالسياره
فتنه / بس اقول لبابا او ادهم وتنظر فتجد ادهم يقف بعيدا مع فوزي فتذهب له ويشاهدها ادم فيقترب منها
ادم / فتنه راحه فين ده مجلس الرجال
تنظر له فتنه فهي لا تعلم ما الذي تشعر به الا انها تتركه وتستمر في السير الي ادهم ليمد ادم يده يمسك ذراعها / بقولك ده مجلس الرجال
ادهم وكان قد شاهد اقتراب فتنه ثم اعتراض ادم لها/ وانا بقولك سيب درعها وابعد عنها خالص
يلتفت ادم له / ولو مبعدتش
ليقترب ادهم من ادم ويمسك يده التي تمسك ذراع فتنه ويضغط عليها جامد حتي يترك ادم يد فتنه وبستمر ادهم في الضغط حتي يسمع صوت تاوه ادم فيقول / عرفت هعمل ايه
تنظر فتنه حولها بقلق / سيبه يا ادهم عشان خاطري بلاش فضايح طيب عشان خاطر افكار يوم فرحها يكون يوم ضربك له
لينظر لها ادهم ثم يقول / وتفتكري افكار مش هتفتكر انه ضربها قبل فرحها بيوم وهو يستمر في الضغط علي يد ادم الذي يحاول فكها من ادهم ولا يستطيع
فتنه / ادهم عشان خاطري فينظر لها ثم لادم ويترك يده ويشد فتنه وينصرف بعيدا
ادهم/ كنت عايزه ايه
تنظر فتنه له بخوف فهي تعلم جيدا هدواء ادهم اخطر الف مره من عصبيته يا تري هيعمل ايه
ادهم/ فتنه بقولك في ايه
فتنه / كنت هقولك اني هروح مع مريم في عربيه سيف الي منزل الهواري وبابا مش باين عشان كده بحثت عنك لينظر ادهم فيجد سيف ومريم في انتظارها
ادهم / بابا روح بعد صعود الحاج محفوظ لغرفته خلاص روحي مع سيف ومريم وانا هحصلك بس مش تروحي الا معايا ماشي
فتنه/ طيب بس ادهم
ينظر لها ادهم ثم يبتسم /حاضر اجري وبعد ان تذهب انا قلت هربيه بس فعلا مينفعش اليوم هخليها يوم تاني
