مهجه
عادت مع ادهم الي المنزل وبدات تحضر الملابس والمستلزمات التي سوف تاخذها معهم ثم نظرت لادهم / هتعمل ايه
ينظر له ادهم بتفكير / في ايه
مهجه/ في موضوع فتنه
يهز ادهم كتفه/ ولا حاجه
تنظر له مهجه بدهشه / يعني هتتركها تطلج فعلا
ادهم / وانت شايفه ان ده شخص ممكن فتنه تستمر معاه
مهجه / الصراحه ايوه
يشخط فيها ادهم / بتقولي ايه
مهجه / اتكلم بصراحه ولا هتغضب وتزعق كمان
يقترب منها ادهم / بقولك ايه مش ملاحظه ان البيت فاضي انا وانت بس يعني
مهجه/ تجصد ايه
يقترب ادهم اكثر ليقف خلفها / اقصد سيبك من موضوع فتنه نتكلم فيه بعدين خلينا في موضعنا احنا واقترب منها اكثرا عندما مالت لتضع بعض الملابس في الحقيبه
تلتفت مهجه لتجد نفسها في حضن ادهم/ موضوع ايه وسع عشان الحج اخلص
يحضنها ادهم وه يبتسم / اوسع ازاي مهو ده الموضوع ويميل عليها
تدع مهجه يديها علي كتفه / ادهم كده مش هنروح لبابا وفتنه
ادهم / مش مهم هقول جالي شغل مهم ويقبلها ليقع معها علي السرير
مسعد /ادهم بيه ادهم بيه
ادهم / يخربيتك علي بيت ادهم بيه وينظر لمهجه ليجد انها تداري ضحكتها فيقول هدفعك التمن بالليل اصبري ويخرج لمسعد عايز ايه
مسعد / صاحب البيت بيسال هتتركه خالص
ادهم / انا مش قلت لك قول له لا هفضل مستاجره يا غبي امشي لينصرف مسعد
تنظر له مهجه وهي تداري الضحك / اسمع ادم بيحب فتنه فعلا مش فاكر يوم ما جه واتخانج معاي عشان يشوفها
ادهم باستهزاء / مهو واضح
تمسكه مهجه من دراعه / اسمعني وتجذبه من يده ليجلس ادم مش عارفه ليه ديما عامل معاك في نفسه تحدي وصراع بيخليه ينسي او مش بيشعر الا بغضبه ناحيتك
ادهم/ عرفنا الكلام ده وكل مره يقول خلاص ونصدق ويرجع تاني
مهجه / بالنسبه لموضوع فتنه اي حد يسمع الكلام كان هيشك حتي انت لا فكر قبل ما ترد بس هو عمل مثلي ما حاول يسال او يستفهم انا كنت خوف وهو غضب
ادهم / حتي لو تقبلت كلامك كل حاجه هتحصل بيني وبينه او اي مشكله تحصل هيردها في فتنه طيب ازاي
مهجه / عشان كده لازم تعرف سبب بعده عنك ايه سبب كرهه لك ايه
ادهم /انا الي اعرف اذا كان هو نفسه ميعرفش
تضحك له مهجه / انت المباحث وشغلتك تعرف حول عشان خاطر فتنه انت عارف انها بتحبه وكمان حرام انها تتجوز وتتطلج كده
ليضحك ادهم / طيب هشوف بس متتكلميش مع حد في الموضوع وانا هفكر خلصي علي ما اتكلم في التليفون
مهجه / اخد ملابسك كلها
ادهم / ايوه لمااشوف هنوصل لايه
وبعد ان تنتهي مهجه من جمع ما يحتاجوا له يقوم ادهم بايصالها الي منزل السوالم
مهجه/ مش هتدخل
ادهم / والشغل استقيل بقي واجلس جنبكم اليوم ضاع
تعض مهجه علي شفايفها / مش قصدي وتخفض راسها
يرفع ادهم راسها / لا مش كل كلمه تزعلي وبعدين الزعل في حجرتنا عشان اعرف اصالحك ويضحك عندما يحمر وجهها وينزل ليدخل لها الاشياء ليجد زهره امامه وحريم تنظف الدار
ادهم / السلام عليكم وينظر لزهره انت بتعملي ايه تعبه نفسك ليه ويجذبها لتجلس مش تعملي حاجه
زهره/ وعليكم السلام
مهجه/ ماما انا هعمل كل حاجه
زهره / انا مش تعبانه انت هتدخل لجدك
ادهم / لا هروح المركز وينظر لمهجه اياك زهور تعمل حاجه سامعه وينصرف
