ادهم
توجه للقهوه بعد اتصال حسان الذي ابلغه انه ما كاد هو والملازم فتحي يذهبوا للقهوه ويطلبوا تفتيشها حتي حدثت مشاجره بين صبي القهوه واحد الزبائن ليتم اطلاق نار فجاه فيصاب فتحي باشا ليصل ادهم للقهوه ويجد اسلام
ادهم بقلق وهو ينظر حوله / فين فتحي
اسلام / هناك علي ما يحضر الاسعاف
يقترب ادهم من فتحي وهو يلوم نفسه لارساله له في هذه المهمه /عامل ايه
فتحي / الحمد لله خفيفه ويحضر الاسعاف وقوه من سوهاج لمحاوطه القهوه
ادهم / قبل ما تمشي ايه الي حصل
فتحي / مفيش يدوب حضرنا وقلنا هنفتش حصل الخناقه وحد خرج طبنجه وضرب نار فجاه ولولا حسان كان زماني رحت فيها ليحمله الاسعاف
ادهم / حسان مين الي ضرب نار وفين صبي القهوه وصاحبها
حسان / محدش عارف مين الي ضرب النار وصبي القهوه اسلام باشا قبض عليه هو والي كان بيتعارك معاه ومحدش يعرف صاحب القهوه فين
ادهم / مفيش حد يمشي من الموجودين كلهم يترحلوا للمدريه وفتشوا القهوه كويس هدوها واعرف فيها ايه بسرعه ويتصل باللواء احمد ويحكي له ما حدث
يشخط اللواء احمد في ادهم / ازاي يحصل ده مش عارف انت حصل لك ايه يا ادهم
ادهم / يا فندم ده كان تفتيش عادي يعني علي اساس لو الزعيم له علاقه بالقهوه يخاف ويعمل اي تصرف يقربنا منه
اللواء احمد/ تفتيش عادي قلب باصابه ضابط عموما خليك مركز في موضوع السلاح وموضوع القهوه اي حد يباشره عايز اخلص عشان السلاح الي في الكهف في اسلحه تقيله وانت عارف الاسلحه دي بتستعمل في ايه
ادهم/ حاضر يا فندم بس مفيش اي معلومات من زينب عوف
اللواء احمد/ انت معرفتش دخل لها اكل مسمم وهي في الرعايه ومفيش امل تتكلم خالص
ادهم/ يبقي الزعيم
اللواء احمد/ ايوه احترس
ادهم/ تمام افندم ليظل ادهم مع القوه التي حضرت تراقب مدخل النجع كاجراء امني متبع وتفتش السيارات للبحث عن الطبنجه التي تم اطلاقها عندما يمر آسر وافكار
اسر وافكار
عاد كل من آسر وافكار للنجع وعند اقترابهم وجدوا عربيات شرطه تحيط بالنجع واوقفوا آسر
الضابط / انتم منين
أسر/ من النجع عيله الهواري
الضابط / الرخص والبطاقه لك وللمدام
ينظر له آسر بدهشه / خير في حاجه
الضابط بعصبيه وشخط / انت هتتناقش معاي ولا ايه الرخص والبطاقه وافتح الشنطه
آسر/ طيب بس نعرف ليه عموما ادي الرخصه والبطاقه
الظابط / بطاقه المدام
آسر / البطاقه افكار
افكار / مش معاي عندنا في البيت
الضابط / واحد بيناقش وواحده من غير بطاقه انزلوا انزلوا وعند نزول افكار تري ادهم فتجري عليه وهي تنادي ادهم ليمسكها الظابط من دراعها ويشدها جامد فتصرخ
يتقدم منه آسر/ سيب دراعها
ينظر له الظابط باستفزاز / او هتعمل ايه ليفاجاء بيد تهبط علي كتفه
ادهم / انا الي هعمل سيبها
الظابط / تمام افندم ويترك افكار
ادهم / في ايه وينظر لافكار التي تمسك في دراعه بخوف وتذكر كلام عاصم فعلا لازم يتعرف انها اختي ثم يقول لها بطلي عياط خلاص وينظر للجميع بغضب حد يرد في ايه
الضابط / طلبت الرخص والبطاقات الاستاذ كان مش عاجبه والمدام مش معاها بطاقه وحضرتك عارف التعليمات مشدده
ادهم / آسر في نقط التفتيش بلاش تناقش ماشي
ينظر له آسر بدهشه / ماشي
ادهم لافكار / خلاص بقي كل ده عياط بصي انا عندي شغل مهم ومش هقدر اقف كتير ماشي تعالي ويركبها السياره ويطلب من الظابط الاوراق ويشير بفتح الطريق وبعد انصرافهم
ينظر آسرلافكار / كان لازم تجري علي ادهم
افكار/ امال اعمل ايه خفت
ينظر لها آسر وهو يفكر / بس محش يعرف انك اخته الناس هتقول ايه دلوجتي
يحمر وجه افكار /معرفش بس تفتكر في ايه
آسر / الله اعلم
افكار/ انا مش اجصد حاجه من جري علي ادهم بس هو يعرفهم كلهم ماشي
آسر/ ماشي بس هتصالحيني
افكار/ برضك ويصلوا للمنزل
حياه/ آسر كيفك يا ولد ليقبل اسر يدها وتنظر هي لافكار اخيرا عنيك بتضحك مثل اول لازم ارجيك عشان العين وتقبلها
افكار / وحشتني ماما فين ستي وبابا سعد
حياه/ ستك فوج مع جدك اطلعوا لهم في خبر هيفرحك افكار اجري
عبد الرحمن / آسر وافكار تعالوا تعالوا ليقبلوا يده هو الحاجه نفيسه
نفيسه / ايه مفيش اكل هناك مالك خاسه كده واد يا آسر مكنتش بتاكلهاز
تنظر له افكار وتبتسم / لا ستي كان بيجيب لي الاكل مره واحده بس في اليوم
نفيسه / يا عيب الشوم كده يا ولد سعد
آسر/ بتضحك ستي حتي بصي اه
تشد نفيسه اذن افكار / بطلي دلع
افكار / كيفك جدي
عبد الرحمن / الحمد لله طبعا هتروحي لاهلك تسلمي عليهم ويمكن تغيبي عندهم يومين
آسر/ تجعد عندهم ليه عاد
نفيسه/ كتب كتاب ادم الجمعه علي الدكتوره
تصفق افكار/ اخيرا الحمد لله
آسر/ طيب مبروك بس تجعد هناك ليه
نفيسه/ كيف يا ولد انت نسيت الاصول اهلها ولازم تساعدهم
عبد الرحمن / روح مع مرتك سلم علي اهلها وفوت علي مهجه شوف رايده حاجه وسلم علي محمد
آسر/ هي ما جت ولا مره
حياه/ لا جت وكانت مبسوطه جوم جوم
آسر/ بس كيف تنام هناك وانا هنا
لتضحك نفيسه/ يخيبك هتخاف تنام لوحدك عاد جليل الحياء
لتذهب افكار وآسر الي منزل السوالم وفي الطريق آسر/ مش هينفع تنامي هناك
تضحك افكاروتقلد الحاجه نفيسه / هتخاف تنام وحدك عاد ثم تنظر لاسر فتجد انه حزين خلاص انا اجضي اليوم هناك وتحضر تاخدني بالليل موافج
آسر/ موافج
زهره/ افكار وتحضنها وتقبلها كيفك يا جلب امك كيفك آسر
آسر/ الحمد لله امي
زهره / ادخلوا لجدك بوك وادم معاه وما اعرف
سيف راح فين وافكار جبل ما تمشي طيبي خاطر مريم خوك مزعلها ربنا يهدي هلاجيها من ادهم ومرته ولا سيف ومرته لما نشوف الثالث هيعمل ايه مع بنت الناس
ٱسر/ كل اخواتك مزعلين مراتتهم عاد
افكار/ ابعد عنهم احسن يعدوك
ينظر آسر حوله فلا يجد احد فيميل علي افكار يحضنها/ لا مش تخافي انا اخدت تطعيم بجولك ايه ما تجيبي واحده
افكار/ اختشي آسر لو حد شافك راح يطخوك
آسر/ ليه عاد مرتي وانا حر
عاصم/ اهلا يا آسر افكار مزعلك ولا ايه
آسر/ وهو يترك افكار بسرعه ويلتفت لعاصم وهو مكسوف لا ابدا عمي افكار عمرها ما تزعلني
افكار/ كيفك بوي وتجبل يده
عاصم / الحمد لله ويخرج مبلغ من المال ويعطيه لها
افكار/ مش محتاجه بوي
عاصم / وانا ما جلت انك محتاجه خدي الفلوس عيب تعالي سلمي علي جدك
محغوظ / اهلا بالغاليه وتقبل افكار واسر يده كيفك يا ولد سعد وكيف عبد الرحمن
آسر/ بخير جدي مبروك ادم
ادم / الله يبارك فيك كيفك افكار
افكار وهي تقترب منه وتحضنه / بخير خوي الف مبروك ويشاهد آسر كيف يحضنها ادم حضن علي السريع فيتذكر ادهم وكيف تفاعل معها عندما قابلوه ليفهم لما تعلقت به
آسر/ طيب هجوم انا اروح لبوي الارض افكار افوت متي
محفوظ / وجت ما تحب يا ولد ومرتك تجوم معاك علي طول
آسر/ لا جدي لما تخلص تتصل بي احضر لها السلام عليكم وينصرف ليذهب لمهجه
