ادهم ومهجه
احست مهجه بادهم عندما قام من النوم وارتدي ملابسه وذهب للباب حاول ان يفتحه ثم حاول مره اخري
ينظر ادهم حوله بدهشه ثم يقترب من مهجه / مهجه مهجه الباب مقفول
تجلس مهجه وتنير النور فالوقت مازال الفجر وتنظر الي ادهم فتجد انه ينظر لشعرها بدهشه لترد عليه / عارفه
ادهم باستغراب وهو ينظر لمنظرها بزهول / عارفه ايه
مهجه / ان الباب مجفول
ادهم / الباب ايوه صح مين الي سكه وفين المفتاح
تقف مهجه ليظهر لادهم باقي مظهرها شعرها مفرود وترتدي قميص طويل للارض احمر في تناقض صارخ مع شعرها لا يظهر منها شئ ويظهر كل شئ في نفس الوقت وتسير الي الحمام لتقف علي بابه / انا الي سكيت الباب والمفتاح معايا ومش هفتح الباب الا لو جعدت وسمعت انا عايزه اجول لك ايه وتدخل الحمام وتغلق الباب قبل ان يفيق ادهم من دهشته ليستمر ادهم في النظر الي باب الحمام ثواني حتي يستوعب ما حدث ثم يحدث نفسه اتهبلت ولا يمكن كانت هبله من الاول مش قالت مش عايزه تتمم الجواز طيب لبسه كده ليه امامه فوق سيبك من اللبس افتكر هي قالت انها سكت الباب والمفتاح معها ومش هتفتح الا لما بسمعها لها يدق ادهم علي باب الحمام بالراحه فالجميع ما زال نائم / مهجه هاتي المفتاح عشان اروح المركز
مهجه / هتسمع الي هجوله الاول
ادهم / انا قلت لك قبل كده مش عايز اسمع حاجه خلاص
مهجه / يبقي مفيش مفتاح ومش هتروح المركز الا طبعا لو نطيت من الشباك
ادهم في سره لا اكيد اتجنت رسمي /مهجه بلاش هزار هاتي المفتاح
مهجه / مفيش مفتاح الا لو جلست وسمعت هجول ايه لتسمع ادهم وهو يشتم ثم اصوات ادراج تفتح وتغلق وهكذا لفتره
ادهم / مهجه هتتكلمي من خلف الباب
مهجه / لا بس توعدني انك هتجلس اخرج اكلمك
ادهم / مش هوعدك بحاجه وهكسر الباب
مهجه / مش هتقدر الباب معكوس مش هتقدر تكسره
ادهم / ماشي ويذهب للباب ويحاول اي يشده بقوه واكتر ولا فائده ولا تسمع مهجه اي صوت بعد ذلك فتسال نفسها هل فتح الباب لتفاجاء به يضرب باب الحمام مره واحده ويدخل
تنظر له مهجه بدهشه / انت عملت ايه
يشدها ادهم الي الحجره وهو يزعق / هاتي المفتاح
مهجه /لا مش هجيبه اجلس الاول
ادهم / بلاش تخليني اتنرفز مش هيحصل خير لتبتعد عنه مهجه قليلا فقد شاهدت الشر في عينيه /برضه لا
فيمسكها ادهم من ذراعها ويهزها جامد/ فين المفتاح بقول
تنظر له مهجه بخوف / معايييي ومش هفتح الا لما تسمعني
يرفع ادهم يده ثم يشاهد مهجه تغطي وجهها بيدها فيخفض يده وهو يستغفر الله فقد كاد ان يضربها ثم يلتفت ليضرب المقعد برجله ليسمع صوت دق علي الباب
اللواء محمد / ادهم في ايه
فتنه / افتح الباب
لينظر ادهم لمهجه ويقول / مبسوطه هنعمل ايه دلوقتي
مهجه / نجلس اكلمك وبعدين نفتح الباب
يشخط فيها ادهم / مش سامع مش سامع انت مش بتفهمي اعمل ايه عشان تفهمي هات المفتاح
مهجه / لا فيجذبها ادهم من ذراعها ويهزه مره اخري وقد بدات عصبيته تزداد لتخاف مهجه وتبداء في البكاء
اللواء محمد / قسما بالله يا ادهم ما انا رحمك
فتنه / بابا هتعمل ايه استني
ادهم / اعمل ايه الان تعرفي تقول لي
مهجه / اسمعني
يجلس ادهم وهو يقسم ان يترك لها ولوالده المنزل / نعم قولي
مهجه وهي تمسح دموعها / انا هفهم بابا وفتنه كل حاجه بس اسمعني
ينظر لها ادهم بتفكير / كل حاجه طيب انا سامعك اهو اتكلمي
مهجه / يوم الفرح انا جلتلك مش رايده اتمم الجواز عشان سمعت كلامك مع جدي بس مش ده السبب فقط في سبب تاني
يقف ادهم وينظر لها بغضب وهو يقترب منها / انت فاهمه بتقولي ايه
مهجه / لا لا مش زي ما انت اتصورت السبب التاني خوفي
ادهم / خوفك من ايه مش فاهم
مهجه/ افهمك اول مره شفتك فيها
ادهم / وانت راكبه الكرته
مهجه / عرفتني ازاي المهم في اليوم ده حسيت بحاجه غريبه وحبيت اعرف انت مين وكده وبعدين اتعرفت بفتنه وجابلتك مرتين ثلاثه واتمنيت انك تعجب بي
ادهم / طيب ما انا اتجوزتك ايه الي حصل
مهجه / اتجوزتني عشان الكلام الي طلع علينا انا افتكرت كده وعشان جدي كان كلم اللواء محمد وبعدين سمعت كلامك مع جدي خفت خفت انك رايد تتجوزني عشان الكلام وبعد فتره تطلجني وساعتها انا هعمل ايه
ادهم / واحده واحده خفت اني اطلقك تقومي تطلبي الطلاق
مهجه / ايوه خفت من مشاعري واني اتعلج بك اكتر وانت مش رايدني حسيت اني هموت لو انا بالنسبه لك حاجه وجتيه جلت اطلب انا الطلاج من الاول واحفظ نفسي وووكرامتي
ينظر لها ادهم بغضب / كرامتك
مهجه / انا اسفه بس ده الي جه في دماغي
ادهم / طيب الخلاصه بقي انت عايزه ايه
مهجه / لو انت مش اقصد لو انت مستعد يعني لو انت مش ناوي
ادهم / انا مش فاهم حاجه من لغز لو انت ده
تنظر له مهجه بغيظ / اجصد لو انت عندك استعداد نعطي جوازنا فرصه من غير التفكير في الطلاج
ادهم / تفصدي نتمم الجواز من غير ما نفكر في موضوع الطلاق ليجد ان وجه مهجه قد احمر ونظرت للارض ثم يسمع جلبه واصوات رجال بالخارج
ادهم / باين ان بابا جمع رجاله النجع ادخلي البسي حاجه قومي وفين المفتاح
مهجه وهي تخرجه / اه لتجد ادهم ينظر لها وقد تسمر في مكانه
يهز ادهم راسه / بسرعه البسي حاجه اجري والرد هيكون لو خرجت سليم من المجزره الي بابا حضرها
تقف مهجه / لا انا هجول
ينظر لها ادهم بغضب / انت هتخرسي خالص مش هتنطقي بحرف سامعه وبعد ان لبست عبايه علي ملابسها وغطت شعرها ذهب ادهم وفتح الباب ليجد امامه خمسه وجوه تشع من الغضب وفتنه ترتعش في ركن
ادهم / السلام عليكم التجمع العائلي ليه باذن الله
لينظر له كل من اللواء محمد وعاصم وادم وسعد وآسر بدهشه
