ادهم
ا
سلام/ ادهم مالك انت مش طبيعي
ادهم/ لا ابدا مفيش بفكر بس
فتحي / مفيش ازاي بقالك ساعه قاعد بالمنظر ده ومبطلتش سجاير ده انت كنت بتشرب بالكتير اتنين او تلاته والان في ساعه قربت تخلص العلبه
اسلام/ حد مضايقك اوعي يكون ابن السوالم عمل حاجه تانيه
فتحي / بس المهمه تخلص وهعمل فيه عمايل
ادهم/ سيبوا ادم في حاله محدش له دعوه به وخلونا في المهمه انا هسافر سوهاج بكرا عشان اشوف التعليمات
فتحي/ بلاش انت واسافر انا او اسلام عشان كتفك
ادهم / لا هسافر انا وخلو بالكم في كتب كتاب بكره بالليل ممكن اي حاجه تتم خلو العساكر تفتح عنيها وحد يبلغ علي عشان يراقبوا الكهف كويس
اسلام/ تمام كده هتقوم تروح
يفكر ادهم الوقت لسه مبكر لو ذهب للمنزل ابوه مش هيتركه ولو ذهب مع اسلام وفتحي مش هيسكتوا / لا هخد العربيه الف شويه وبعدين اروح ويقود السياره ليجد نفسه بجوار منزل السوالم ويشاهد سيف وادم وهم يحضروا لكتب الكتاب ويفكر لو ذهب الان وقال انه اخوهم هيعملوا ايه كام واحد في البيت هيفرح به فعلا وكام واحد هيضايق ثم يذهب به تفكيره الي الموضوع الاخر الخاص بمهجه هو لا ينكر انه معجب بها ولكن مش لدرجه يتجوزها غصب بس لو كان الامر مثل ما ابوه قال فالكلام الي طلع راح يقضي عليها يعمل ايه ثم قرر ان يذهب الي جدها ليتفاهم معاه الا انه عاد للتفكير ماذا لو عيلته هي الي بتتاجر بالسلاح لو اعلن انه منهم وظهر انها تتاجر بالسلاح هيعمل ايه واذا وافق وكتب علي مهجه وظهر ان عيله الهواري هي الي بتتاجر بالسلاح هيكون ايه الحل وظل مكانه ولا يستقر علي راي او حال حتي نظر للساعه فوجد الفجر قرب فقرر ان يذهب للصلاه لعل الله يهديه لحل
جابر
ذهب للكهف بعد العشاء فوجد الجميع هناك ثم دخل المعلم ونظر للجميع وقال / غدا كتب كتاب بنت السوالم علي ولد الهواري اغلب اهل النجع وبتوع المركز كمان هيكونوا هناك جابر
جابر / نعم يا كبير
المعلم/ تروح مكان ما اخفيت السلاح وتاخد الرجال معاك وتحضره هنا الكبير بلغني ان الصفقه كمان يومين الناس هتحضر تعاين وتدفع وتحمل
عبد الحميد/ والطريج والعيون
المعلم/ احنا مالنا صالح بعد ما يستلموا هما احرار ودي هتكون اخر صفقه لي بعدها هترك الكار
جابر/ طيب ليه بس ممكن لو العين علي السلاح نجيب حاجه تانيه
المعلم/ تجصد مخدرات لا مالنا فيها وانا قررت خلاص
عبد الحميد / في سره سهلها يارب خلينا نخلص
المعلم/ عرفتوا هتعملوا ايه
الكل / ايوه يا معلم لينصرف وبعدها ينصرف عبد الحميد
جابر/ بس انا ما بدي اترك الشغل ايه رايكم ولد
عبد المجيد/ بوي انا بعد ما الصفقه تخلص هسافر مع مرتي هنعيش في سيوه وهترك كل شئ هنا انا حضرت بس عشان ما تجولوا تركنا في نصف الامر
قادر / لا سافر من الان ولا عايز تحضر عشان تاخد الفلوس
عبد المجيد / جلت مش رايد حاجه
قادر / خلاص ارحل اليوم طالما هتترك اهلك
عبد المجيد / انا ربنا تاب علي وما راح اعمل الي يغضبه زمان كل حاجه عندي كانت فتونه ودراع الان ربنا هداني
جابر / بس منك له يعني ربنا هداك واحنا كفره لينظرعبد المجيد للارض فيكمل جابر خلاص فارج من الان ما بدنا تكون معانا ارحل بس مالك صالح بحد من العيله خالص اطلع من هنا علي مرتك خدها وارحل
عبد المجيد / طيب اسلم علي امي والحاجه زينب
جابر/ لا انا هبلغهم ارحل غور لينصرف عبد المجيد
قادر / هتجول ايه لستي زينب واماي
جابر/ هجولهم رحل مع مرته جوم خلينا نعدل المزاج وبعدين نروح
