آسر وافكار
استيقظ آسر من الفجر وبعد ان صلي عاد الي المنزل ونادي افكار
افكار/ خير بساعد ماما حياه رايد ايه
آسر / تعالي وياخذها لغرفتهم ويخرج شنطه بصي حضري الشنطه دي هدوم تكفي اسبوع انا وانت عشان نسافر كام يوم شهر عسل
افكار/ انت بتتكلم بجد آسر
آسر/ ايوه لازم نسافر كام يوم نبعد عن اي حاجه في النجع
افكار/ وهتجول لهم ايه
آسر/ انا هجول لجدي عبد الرحمن اني رايد اعوضك عن اليومين الي فاتوا واهلك هنكلمهم لما نوصل
افكار/ وليه ما نفوت عليهم
آسر/ لا لو فوتنا هيظهر الف حاجه موضوع مهجه لا موضوع ادهم لا هنسافر ونتصل خلصي علي ما اجول لجدي وخدي البدله وماتاخدي عبايات سامعه ويخرج
عبد الرحمن / صباح الخير يا ولد
آسر/ صباح الخير جدي انا هسافر مع افكار كام يوم
عبد الرحمن / اخير رجعت آسر الي ربيته طيب خلي بالك منها
آسر وهو يضحك / هتوصيني عليها جدي
يبتسم عبد الرحمن / مرتك بجت حاجه جامده عندي جوي يا ولد
آسر/ ماشي يا حاج
عبد الرحمن / وهترحوا فين
آسر/ اسكندريه باذن الله
عبد الرحمن / بالسلامه ليتركه آسر ويذهب ليقول لامه وياخذ افكار ويسافر وفي الطريق
تنظر افكار لاسر / هنروح فين
آسر/ انا جلت لجدي اسكندريه بدك مكان تاني
افكار/ لا اي مكان
آسر/ لساك زعلانه مني افكار
افكار / شويه بس انا عارفه انك كنت رايد سعاده اختك
آسر/ صدجيني وسعادتك خوفي من ان حد من اهلي يزعلك او اختار بينكم كان كبير
افكار/ خلاص اهو كل حاجه اتحلت وباذن الله ما يحصل مشاكل تاني
آسر/ يارب ويفكر في نفسه كيف ادهم ما كلمه عشان الي حصل مع مهجه ولا مهجه ما جالت له اهو اخد افكار وسافر مهجه وادهم احرار بده يعيش جوازه بجي ويتذكر ليله فرحهم ويضحك
افكار/ بتضحك ليه
آسر/ افتكرت حاجه ضحكتني
افكار/ ايه
يبتسم آسر/ ليله الفرح وانت لابسه الروب علي هدومك
افكار / ما يصحش الكلام ده
آسر / ليه بجي انت مراتي
افكار/ برضك ليضحك آسر
ادهم
وصل الي المنزل ولم يجد به احد وعلم من مسعد ان الجميع خرج مع سيف السوالمي ومراته فذهب الي منزل السوالم ودخل دون ان يحسوا به فسمع اغلب كلام عاصم ووالده يعني عاصم شايف انه غلطان وانه بيتصرف غلط وان والده بيبرر له تصرفاته بس ايه دخل ده بموضوع مهجه ثم سمع كلام الحاج محفوظ وانه عايزه وكما توقع ربط الجميع بين زواجه وزواج افكار ليدخل عليهم
اللواء محمد وكان اول من فاق من الدهشه / ادهم كنت فين وليه تليفونك مغلق
ادهم وهو ساند بكتفه علي باب المجلس / خير بابا انا طفل عشان كنت فين ولا حضرتك عايزني اقدم تقرير عن خط سيري
ينظر له عاصم بغضب / اتكلم عدل ايه الردود الي ما فيها احترام دي
ادهم بدهشه مصطنعه / وانا بتكلم معوج انا مش طفل عشان اتسال كنت فين ورحت وجيت وبابا عارف كده كويس
زهره/ السؤال مش عشان طفل السؤال عشان والدك كان جلجان عليك وده الرد بدل ما تتاسف له علي الي سببته له من جلج
ادهم / خايف ارد الحاج عاصم يزعل ويقول اتكلم عدل تاني
اللواء محمد بغضب / ادهم انت زودتها قوي فعلا ويقف مش معني اني اعطيتك انت واختك الحريه في المناقشه والرد انك كل كلمه ترد عليها
محفوظ / بكفايه كلام اجلس يا محمد الولد مش حاسس انه غلط كلامك ماله نتيجه وينظر لادهم الاول كنت فخر لوالدك في اسلوب تربيته ما تخلي نفسك تنسي انك بكده بتخلي فخره يجل
ليخفض ادهم راسه فقد قال الحاج محفوظ كلمه تمس تربيه اللواء محمد له ولولا كبر سنه لكان رد عليه رد ممكن يجعل عاصم يقتله ويتحكم في اعصابه وهو يستحلف في سره ثم يبتسم لينظر له الجميع في دهشه
ادهم / ماشي يا حاج محفوظ مش هنسي النصيحه دي وزي ما توقعت اني هوصل جمع بابا جمع العيلتين للمناقشه بس الي موجود عيله واحده ممكن اعرف بقي وصلتوا لايه
محفوظ / احنا الي عايزين نعرف انت ناوي علي ايه
ادهم / في ايه
يستغفر محفوظ / يا حول الله في موضوعك انت ومرتك طبعا
وكان كل من ادم وسيف ومريم وفتنه ومهجه ينظروا لادهم باستغراب شديد فلم يره احدهم يتحدث بهذه الطريقه من قبل وخاصه فتنه فهو لم بسبق ان تحدث مع والدها بهذا الاسلوب ابدا
ادهم / موضوعي انا ومهجه هو احنا لنا موضوع
عاصم وقد بداء يفقد اعصابه فيهب واقف /ايه يا حضره المأمور اتكلم دغري بلاش اسلوب الجواب بسؤال ده هتعمل ايه مع مرتك ناوي تستمروا ولا ناوي تطلج ليصمت ادهم فتره وهو يفكر فيقول عاصم بتفكر في ايه عاد
ادهم / بفتكر انا جبت سيره اني هطلق امتي وينظر لمهجه انا قلت لك اني هطلقك قبل كده
مهجه وهي تنظر له باستغراب / لا
ادهم / طيب يبقي مفيش طلاق الا اذا كنت انت عايزه تطلقي
مهجه / لا
ادهم / خلاص ايه المشكله بقي لينظر له الجميع باستغراب
اللواء محمد / طيب والي حصل الصبح وذهابك من غير ما تقول حاجه
يعتدل ادهم في وقفته / بابا كل اتنين متجوزين بيحدث بينهم خلافات ومش كل ما هيحصل مشكله يبقي هطلق مشيت شويه هديت رجعت
ادم / انت متاكد انك ادهم الي تعامل معانا من اسبوعين علي انه اخوي ولا انت ادهم المأمور ولا مين بالظبط
ادهم / لا ده ولا ده انا خياله ليضحك ادم
يشخط عاصم / انتم هتهرجوا عاد ولا ايه
ادم / وليه لا مهو طلع مفيش مشكله اهو
فتنه وهي تنظر لادهم / متاكد ان مفيش مشكله
ادم / اخوك الي بيجول مش انا
ادهم / لا في مشكله
ينظر له محفوظ / ايه خير
ادهم/ انا واحد محبش التدخل في خصوصياتي بمعني مش كل ما يحصل بيني وبينها حاجه العيله كلها تعرفها وتجتمع عشان تدرسه وقبل ما حد يفهم غلط الكلام يشمل بابا وفتنه واحب اموري انا الي اقررها وينظر للواء محمد صح
فتنه / تقصد اننا بنتدخل في خصوصياتك
ينظر اللواء محمد لفتنه / اهدي
تقف فتنه / لا بقي مش هاديه وتقترب من ادهم احنا الي بندخل في حياتك افتكر مين بيدخل في حياه مين ليشاهد الجميع وجهه ادهم وهو يصير ابيض وتعض فتنه لسانها ثم تكمل فكرت قبل ماتطلع بسيارتك وتختفي في احساس بابا او احساسي او ده هيفكرنا بايه في مره قلقت علينا
ادهم بدهشه / تقصدي ايه
فتنه / اقصد اقرب حاجه يوم ما اضربت بالنار هنا ورحت الشغل ورجعت ورحت فكرت ده بيقلق بابا قد ايه بيتعب قد ايه
ادهم / يعني استقيل واقعد في البيت بابا عارف نظام الشغل
فتنه / لا بس حس بالي حواليك
ينظر ادهم لها بغضب / وانا مش بحس بيكم
فتنه بغضب / لا مش بتحس
اللواء محمد / فتنه كفايه كده
فتنه / لا مش كفايه زي ما انت خايف علي مشاعره هو كمان يخاف علي مشاعرنا
ادهم / طيب ما انا عندي حل يريحك من القلق والخوف علي مشاعري فتنه
تقف زهره / بكفايك يا ادهم اياك تجولها تعال فتنه تعال وانت يا مريم ومهجه تعالوا كفايه حديث الموضوع خلص وتنظر للحاج محفوظ صح يا بوي
محفوظ وهو ينظر لادهم / صح يا زهره هجوم الحج الصلاه
زهره / تعالوا لتشد فتنه وتخرج ويخرج خلفها مريم وهي تمسك مهجه
عاصم / محمد الوجت اتاخر راح تتغدوا هنا طبعا
اللواء محمد / وهو ينظر لادهم باذن الله بس نصلي الاول ويخرج هو وعاصم للصلاه
سيف / ادهم احنا
ادهم / انا هروح مشوار وارجع علي المغرب السلام عليكم وينصرف
