فتنه
تجري فتنه لتسند مهجه قبل ان تقع وتري والدها وهو يفتح الباب وينادي علي ادهم ثم يعود
فتنه / تعالي الحجره هو اول ما يهداء هيرجع علي طول تعالي وتدخل مهجه الي الغرفه وتجعلها تنام بالسرير
مهجه / انا السبب انا السبب انا الي تركت آسر يقع مع افكار بسببي وانا الي قلت اني مش ريداه خلاص انتهي
فتنه / مفيش حاجه حصلت مهجه صدقيني ادهم بس من عصبيته انما لما يهداء هيعرف قد ايه انت بتحبيه
فمنذ ان شاهدت فتنه حديث مهجه وآسر تاكدت من حب مهجه لادهم ولكي تهداء مهجه تعطيها منوم ثم تخرج لوالدها الذي كان يتصل بادهم
اللواء محمد / مهجه عامله ايه
فتنه / اعطيتها منوم ادهم رد
اللواء محمد/ لا مش عارف اعمل ايه
فتنه / بابا انت سمعت كل حاجه
اللواء محمد / اغلب الكلام انت كنت عارفه موضوع مهجه
فتنه / انها بتقول انها مش رايده ادهم ايوه من
يوم كتب الكتاب هي قالت لافكار الي كانت بتحكي لمريم كانت عايزه تقول لادهم بس مريم منعتها لان حتي لو عرف كان هيعمل ايه وانا سمعتهم وعرفت
اللواء محمد / والموضوع التاني
فتنه / بتاع عدم اتمام الجواز لا اول مره اسمعه انا توقعت ان مهجه تشد مع ادهم بس ما توقعت انها تطلب منه حاجه زي كده
اللواء محمد / بس لو يرد اطمن عليه حتي مش عارف كنت متوقع ان ادهم الي يقول للبنيه كده كنت خايف انه اجوزها من تاثير كلامي انا وعبد الرحمن بس مفكرتش ابدا انها الي تقول
فتنه / بس بابا هي زي ما انت شايف ندمت وعايزه كل حاجه تكون سليمه ليه ادهم عمل كده واتصرف بالقسوه دي
اللواء محمد / مش عارفه ليه
فتنه / لا ليه
اللواء محمد / عقده ادهم ايه
فتنه / عقدته ان اهله تركوه عشان مش بيحبوه مش عايزنه بس بابا هو عرف ان ده كان غصب من عنهم
اللواء محمد / حتي بعد ما عرف تفتكري ان تفكير
او احساس كبر معاه هقول لمده خمسه عشر سنه ممكن يروح بين يوم وليله
فتنه / يعني طالما هما فعلا كانوا بيحبوه وعايزينه ليه يفضل عنده احساس بالزعل
اللواء محمد / ايوه هو عرف ان عاصم وزهره والحاج محفوظ كانوا عايزينه وممكن الان عايزينه بس الاحساس بعدم الامان الاحساس بانك شخص مش مرغوب لسه في تفكيره بدليل انه لسه مش قادر يقول لهم ماما وبابا بدليل انه بيتعامل مع اخواته علي قد معاملتهم
فتنه / طيب بس مهجه ذنبها ايه
اللواء محمد / هي مهجه قالت له ايه انها مغصوبه عليه يعني مش عايزاه فهمتي يعني زي الي جابت ملح ورشته علي جرح كان لسه بادء يطيب
فتنه / طيب والحل ايه
اللواء محمد / مش عارف حتي مش عارف اعمل ايه اطلب عاصم ولا اطلب سعد ولا اعمل ايه
فتنه / تفتكر هو فين الان
اللواء محمد / ممكن في المركز او مع اسلام وفتحي استني اطلب اسلام ويتصل باسلام الذي يبلغه انهم لم يروا ادهم من العصر
فتنه / والحل بابا
اللواء محمد / هصلي الفجر وباذن الله نجد حل مش تخافي
فتنه / تفتكر ممكن يحصل زي ما حصل من اربع سنين
اللواء محمد / مفيش في شغله هنا خطوره فتنه اهدي وينصرف
