آسر
ي
جلس مع محمد عوف تحت الشجره ويستمع لمحمد وهو يقراء له اشعار عندما شاهد سيف يمر من امامهم فهب واقفا ونادي / استاذ سيف
ليقف سيف ويلتفت ويجده آسر / نعم
آسر/ معلش محمد انا همشي
محمد/ لا ابدا برحتك ربنا يوفجك
آسر / استاذ سيف يعني لو كان ممكن نتكلم مع بعض ثواني
سيف / انا كنت رايح الارض تعال معايه واتكلم
آسر/ انت كنت موجود لما انا وبوي جينا نطلب يد اختك
سيف/ صوح
آسر/ طيب الحاج عاصم زعلان من موضوع انتهي من زمن وشايل منه وانا ربنا شاهد رايد اختك بدون اي غرض
ينظر سيف لاسر / انا شايف انك راجل جد ومش بتلف وانا هكلم جدي لجل نكلم بوي تاني يمكن يوافج
آسر/ ياريت تجدروا تجنوعه
سيف/ ربنا يسهل
وهنا يرن تليفون آسر ويجد انها اخته مهجه
آسر/ خير مهجه
مهجه / الحق يا آسر ولد السوالم بيتخانج مع الدكتوره فتنه وفي عربيه شرطه جت بره انا خايفه
آسر/ ولد السوالم ادم
مهجه / ايوه
آسر / طيب انا جاي
سيف / ماله ادم
آسر/ مهجه بتجول بيتخانج مع الدكتوره
سيف / مفيش فايده ويجري مع آسر الي الوحده
جابر
ذهب الي المكان الذي يسهر فيه وهو يفكر كيف يقلب اهل النجع علي المامور وخاصه الاهالي الي من عائله السوالم والهواري ويسمع فجاه صوت اتنين يتكلموا
الاول / بجولك رفضت ولد السوالم
التاني / وعرفت منين
الاول / الواد مسعد الي جالي انت عارف انه ابن عمي
التاني/ والسوالم هتسكت
الاول / يعني هيعملوا ايه وبعدين انت ناسي مين اخوها
لينضم لهم شخص ثالث /اهو زي ما رفضوا ولد الهواري هما اترفضوا كمان
الاول / وهما رفضوا ولد الهواري
الثالث / ايوه عاصم رفضه
الثاني / جفلوا جفلوا علي السيره احسن حد يجول اننا بنجيب في سيرتهم
وهنا اخد جابر يخطط للاشاعات التي سوف يطلقها واتصل بابنه قادر
جابر/ واد يا قادر باكر بالكتير تخلص شغل ستك وعلي العشا تكون هنا سامع
قادر / خير بوي
جابر/ عايز اخلص من الموضوع الي جلنا عليه عشان افوج لموضوع تاني المهم تكون هنا علي العشا سامع
قادر/ امرك يا كبير
ادهم
ر
جع من سوهاج الي المركز ليجد ان كلا من اسلام وفتحي غير موجودين
ادهم / حسان يا زفت
حسان / تمام يا افندم
ادهم / فين كابتن اسلام وكابتن فتحي
حسان / الزجاج وقع علي يد اسلام باشا فتحها جابت دم كتير جوي وفتحي باشا اخده وراح الوحده يوجفوا الدم علي ما يرحوا المستشفي
ليخرج ادهم الي الوحده وعندما يصل يجد هرج كتير فيدخل ليجد فتحي ماسك في ادم السوالمي وفتنه صوتها عالي ليخرج مسدسه ويطلق طلقه في الهواء ليصمت الجميع
ادهم /فتنه انت كويسه
فتنه / ايوه
ادهم / اسلام انت كويس
اسلام / مش عارف بس حاسس اني بخرف
ادهم / يعني ايه
اسلام / احنا في النجع صح
ادهم / ايوه
اسلام / طيب ما الدكاتره هنا حلوين قوي
لينظر له ادهم شزرا ويقول / اخرس
ثم ينظر لفتنه ويطلب منها ربط يد اسلام
فتنه / اربطها فقط ولا اخيطها
ادهم / لا اربطيها هوديه المستشفي في سوهاج
اسلام / طيب ليه بس
ادهم / هو ايه الي له بس
اسلام / تمنعها عن الشغل سيبها تخيطها احسن
ادهم / فتنه خلصي انا مش فاضي
اسلام/ وتعرف اسمها منين
تنادي فتنه للحكيمه وتطلب من اسلام الدخول للغرفه ليقف اسلام ويقول ممكن تسنديني
ادم / لا بجي انت زودتها جوي
اسلام / وانت مين اخوها ولا جوزها
ادهم / لا ده ولا ده تعال انا هسندك ويدخله الغرفه ويخرج ليقول / فتحي مالك ومال الاستاذ ادم
فتحي /انا جبت اسلام وجدت الاستاذ عند الدكتوره طلبت منه يخرج عشان اسلام رفض وقال لما يخلص الدكتوره جت تقوم وقف في طريقها ومنعها من انها تقف
ادهم/ ايه عمل ايه
فتنه/ ادهم ممكن دقيقه
اسلام / يا سلام علي الصوت لا وتعرفي اسم الباشا انت كمان
كاد ادهم ان يشد في شعره ليدخل لاسلام / اسكت يا ابني انت عارف دي مين
اسلام / اوع تكون مراتك اموت فيها
ادهم/ وقعتك سودا دي اختي
اسلام/ الحمد لله كده روحي رجعت بس ايه ده لك اخواتك حلويين كده واحنا منعرفش
ادهم / فتنه خلصي وهو ينظر لاسلام شزرا وبالخارج كاد ادم ان يدخل ليضرب اسلام وهو يسمع ما يقوله
فتنه/ طيب بس خليك هنا
لينظر لها ادهم ويقرب من ودنها /متخافيش مش هضرب ادم ويخرج ليجد سيف وآسر قد حضروا ايضا ليقول في سره كملت ناقص عاصم السوالمي وبابا ويكون مولد
ادهم/ فتحي خد العربيه واطلع علي المركز
فتحي/ والحيوان ده
ادهم/ خلاص انا هتصرف
فتحي/ تمام وينصرف
ادهم / آسر اظن تروح اختك افضل
آسر / ايوه تعالي مهجه وينصرفوا
ادهم/ ينظر لجميع من في الوحده ويتاسف لهم ويقول ان الوحده قفلت الان لينصرف الجميع جري وسيف ينظر لادم بغيظ ولا يعلم ماذا فعل ولا ماذا ينوي ادهم الذي اغلق باب الوحده
ادهم/ اظن اني قلت لك متقربش لاختي
ادم/ هتعمل ايه يعني
سيف/ ادم اخرس
ادم / لا مش هخرس هيعمل ايه
ليمسكه ادهم من رقبته/ اسمع بقي انا ممكن اعمل حاجات كتير ومش انا عشان تفهم ممكن قوي فتحي يتهمك انك منعت الدكتوره من عملها وعرضت حياه ضابط للخطر
سيف/ ادهم باشا
ادهم/ ده لو اتكلمت من جهه شغل الشرطه يعني وفي الحاله دي مش هبيتك هنا لا هرحلك سوهاج وابيتك في المدريه
سيف/ اسمعني بس
ادهم وهو مازال ماسك ادم / اما انا ممكن بقي امسكك واضربك واعاملك زي ما انت او اخوك هتعملوا لو كانت دي اختك
هنا يسكت سيف تماما
فتنه/ ادهم
ليتركه ادهم وينظر لها / نعم
فتنه /انا ربط الجرح لازم يروح المستشفي بسرعه لان الجرح عميق
ينظر ادهم لسيف / قول للحاج عاصم دي اخر مره لو مش قادرين عليه قولوا انا اقدر عليه ونص
ادم / بتقول ايه ليشده سيف بعيدا ويقول معاك حق وحق الدكتوره هيوصلها خالص
فتنه/ مش عايزه حاجه غير انه يبعد عني
ليخرج ادهم ومعه فتنه واسلام للمستشفي بسوهاج
