ادهم
ما كاد مسعد يتصل به ويبلغه ما حدث حتي قرر الانتهاء من موضوع ادم السوالمي فيبدوا ان الزوق مش نافع معاه لينطلق الي منزل السوالم ويطرق الباب وكان ادم لم يسافر بعد واقرب شخص للباب
ادم/ طيب طيب ايه ده ويفتح الباب فيجد ادهم انت في ايه وازاي بتخبط علي الباب كده الناس نايمه
يضربه ادهم في كتفه ويدفعه لداخل المنزل /انا سكت عليك كتير قوي كل مره اقول هيفهم وانت غبي مش بتفهم ويمسكه من رقبته
يدفع ادم يد ادهم ويدفعه هو الاخر / انت جاي تتهجم علي في بيتي
ليظهر الجميع الحاج محفوظ من حجرته وعاصم وسيف ومريم وزهره علي اول السلم واللواء محمد علي مدخل الباب
يجذبه ادهم من رقبته مره اخري / ايوه جاي اتهجم عليك في بيتك زي ما انت عملت مع فتنه في شغلها
ادم/ عايز ايه
ادهم/ عايز اخلص من ذنك كل شويه طلب للدكتوره عشان تحضر هنا بحجه ايه مفيش عيانين في البلد غيركم ومفيش دكاتره غيرها
اللواء محمد/ ااااادهم ويجذبه بعيد عن ادم
ينظر ادهم لوالده ويقول/ نعم دي الحقيقه طلبوا فتنه هنا تاني ليه
اللواء محمد/ بنتهم عيانه حرام
ينزل عاصم السلم وخلفه زهره / انا منعتهم يطلبوا الدكتوره مين جالك اننا طلبناها
ادهم/ الغفير بتاعكم جه المنزل وطلبها
اللواء محمد/ ادهم كفايه كده روح المركز او الاستراحه عند زمايلك انا مع فتنه
ادهم/ يعني عايزني امشي واسيب البيه يستفرد بفتنه
ينظر له اللواء محمد بغضب / ادهم اسمع الكلام قلت انا معاها
عاصم/ لا والله ماهو ماشي الا ما يتاكد ان الدكتوره مش هنا
زهره/ بس الدكتوره هنا
لينظر لها عاصم شزرا / بتجولي ايه زهره الدكتوره هنا كيف ومين الي طلبها
زهره / انا الي ارسلت الغفير لها عشان تشوف افكار
عاصم/ انت بتكسري كلمتي زهره
وهنا ينزل سيف السلم / بابا استني
عاصم/ وجف عندك ولد الي هيتحرك منك انت او اخوك ماله جعاد في البيت ده واصل جولي يا زهره بتكسري كلمتي بعد العمر ده كله
زهره/ اسمعني البت مريضه وحرارتها ما تنزل وانت جلت هتوديها المستشفي الصبح اتركها كده للصبح كيف وبجواري دكتوره
عاصم/ تجومي تكسري كلمتي وترسلي تجيب بنت الناس هنا بعد الي ولدك عمله معاها امس
زهره / افكار مالها ذنب بلي عمله ادم
عاصم/ ولساك بتردي علي ويرفع يده ليفاجاء الجميع بادهم وقد امسك يد عاصم وهي في الهواء فينظر له الجميع بدهشه
عاصم / همل يدي
ادهم/ لا
محفوظ/ نزل ايدك عاصم مريم خدي زهره واطلعوا شوفوا الدكتوره خلصت
لتنظر زهره الي ادهم وهو ينظر لها باستغراب فهو يراها لاول مره الا انها مست قلبه وبعد صعودها مع مريم يترك يد عاصم
ينظر اللواء محمد لادهم / عاجبك كده قلت لك امشي
ادم/ طبعا عاجبه مهو البيه جاي عايز يعمل حريجه
محفوظ/ كفايه ما بدي اسمع صوت وخاصه منك يا ادم انت السبب في كل الحريجه مش الظابط
ادم/ بس جدي
يزعق محفوظ / جلت بكفايه
اللواء محمد/ ادهم امشي وانا هنتظر فتنه واجي معاها
ادهم/ هنتظركم في السياره
اللواء محمد/ لا
محفوظ / لا
عاصم/ لا
لينظر ادهم وسيف وادم اليهم باستغراب
محفوظ / لا ما راح تنتظر بالسياره وما راح تخرج
ادهم / معلش يا حاج بابا عنده حق انا سببت مشاكل بس والله ما كان قصدي انا بس قلقت من وينظر الي ادم هو اصله كل يوم بحدوته وانا بعتزر لكم واتمني الحاج عاصم ما يشد مع الحاجه
عاصم/ بدك ما ازعل من الحرمه يا ولد
ادهم/ طبعا ده حقها تقلق علي بنتها
عاصم/ مش من حقها تكسر كلمتي بس ما راح ازعل بشرط
ادهم/ شرط شرط ايه حاج
سيف/ خير يا حاج
عاصم / شرط تجعد مثل ما بوي جال
ينظر ادهم الي والده الذي يشير له بالموافقه فيقول / حاضر يا حاج ويسمع الجميع صوت فتنه تصرخ ادهم
