بعداربع ايام
مهجه وادهم
تستيقظ مهجه من النوم فجٱه لتجد ان ادهم غير موجود بجوارها فتقوم تبحث عنه لتجده في الصاله يتحدث في التليفون وبعد ان ينهي المكالمه
ينظر لها ادهم / ايه صحاكي دلوقتي
مهجه/ جلجت ولما مالجتكش جمت ابحث عنك في حاجه
ادهم / لا الشغل ادخلي نامي هنتظر مكالمه ويمكن اخرج بعدها
اللواء محمد وكان قد اسيقظ علي اصواتهم / تخرج دلوقتي تروح فين احنا داخلين علي الفجر
ادهم / شغل مهم يا بابا
مهجه / لازم تخرج
ينظر لها ادهم / خير انت عارفه من الاول طبيعه شغلي اقولك اعملي لي نسكافيه
مهجه / حاضر وتذهب
ينظر اللواء محمد بغضب / ليه تكسفها كده
ادهم / بابا هي عارفه ان شغلي مهم ومالوش مواعيد
اللواء محمد / برضه بالراحه عليها
ادهم/ حاضر ويدخل غرفتهم ليبدل ملابسه وتدخل مهجه فينظر لها ليجد انها كانت تبكي يقتربمنها ادهم ويمسك راسها كنت بتعيطي كمان ويجذبها لتجلس معه علي السرير
تنظر له مهجه بقلق / انا عارفه ان ده شغلك بس معرفش جلبي مجبوض ليه وخايفه
ادهم / خايفه عليه
مهجه / طبعا امال هخاف علي مين
فيتذكر ادهم انها دائما تقول انها تحبه قبل ان تنام فهل هذا حقيقي ام من تاثير النوم
ادهم/ متخافيش عندي الف سبب عشان اكون
حريص
مهجه / الف سبب
ينظر لها ادهم / ايوه بابا وفتنه وماما زهره وبابا عاصم وجدي واخواتي خاصه افكار
تقوم مهجه وتنظر له بحزن / بس
يشدها ادهم لتقع في حضنهويضحك / دول النصف وانت النصف التاني لتضحك مهجه وتحضنه ليرن تليفونه مره واحده
يبعد ادهم عن مهجه / ايوه يا علي متاكد وانت فين دلوقتي
علي.........
ادهم / طيب خلاص الصبح اطلع علي المركز ماشي ويغلق الخط ليتصل باللواء احمد
اللواء احمد / خير ادهم
ادهم / اسف يا فندم صحيتك من النوم
اللواء احمد / لا في حاجه
ادهم / علي اتصل زكريا حاول يتهرب من اي رقابه ورجع النجع من نصف ساعه وعلي وراه وبيقول انه راح للجبال الي جهه نجع (.....)
اللواء احمد/ ممكن يكون شعبان هناك
ادهم / ايوه ومش هنقدر نحدد مكانه بالضبط انا بفكر اعمل الي اتفقت مع حضرتك عليه
اللواء احمد / طيب هتصل بيك النهارده بعد الظهر
ادهم / تمام افندم ويغلق الخط وينظر لمهجه وهو يبتسم لها شفتي اديني مش هخرج الا بعد الفجر بشويه تعالي بقي انيمك
تضحك مهجه / بس انا مش عايزه انام خلاص
ادهم / مش مهم ويشدها اليه وهي تضحك
مريم وسيف
استيقظ سيف ليجد ان مريم ليست بجواره كالعاده واخذ يفكر هي تغيرت ليه من اربع ايام وهي تتصرف بغرابه ولما سالها قالت مفيش لا والكل ملاحظ تغيرها وامه وابوه وجده سالوه اذا كان زعلها مش فاضل الا ادم وافكار يسالوه لازم يعرف في ايه يقوم ويبحث عنها ليجدها في الغرفه الخارجيه من الجناح سرحانه كعادتها هذه الايام
سيف/ صباح الخير
مريم/ صباح النور هنزل اساعد ماما عشان الفطار
يمسكها سيف من دراعها / استني ويجذبها لتجلس انا عايز الحجيجه في ايه اياك تجولي مفيش
مريم/ هو هو
سيف/ هو ايه عملت حاجه وخايفه ازعل اكلمي يا مريم من امتي بتخبي عليه وكمان امي وبوي وجدي فاكرين اني زعلتك
مريم/ لا انا قلت لهم انك مش مزعلني
سيف/ طيب في ايه
تنظر له مريم/ انا خايفه وقلقانه عايزه نرجع القاهره
سيف بدهشه / ايوه هنرجع انا ناوي اكلم جدي عشان نرجع موضوع ادم هيطول ومفيش مشاكل بس برضك ما جلتي انت مالك خايفه ليه
مريم / خايفه عليك
سيف / خايفه عليه ليه ومن مين
مريم / من نفسك
سيف/ تاني الغاز مثل من كام يوم اتكلمي دغري
مريم/ حاضر فاكر لما طلبت منك نرجع النجع وقلتلك مشاكل اخواتك انت قلت ادم وافكار ومفكرتش في ادهم نهائي
سيف/ بس ده
مريم/ استني ومن يومين لما حكيت لك كلام افكار عن عمه آسر ومهجه قلتيلي مش هنخلص من حواديت الماضي الاول الاخ الي ظهر
ينظر لها سيف باستغراب / انا مش فاهم عايزه توصلي لايه
مريم/ لما افكر في طريقه كلامك دي وفي الي قلته مره لادم انك بتساير الجميع فاكر بخاف يطلع كلامك لادم هو الصح والباقي كله مسايره وتنظر له لتجد وجهه محمر
يقف سيف وينظر لها بغضب / انا جلت لك كنت بهدي ادم لجل ما يتهور اما الكلام مش مجصود به حاجه
تمسك مريم يده / انا بس قلقانه حاسه ان في حاجه هتحصل وممكن تخسر كتير
سيف/ تجصدي اخسرك
لتقف مريم وتقترب منه / لا مش قصدي انا لو طلع الي بفكر فيه صح وانك كنت بتساير الكل انما قلبك لسه مش قابل اخوك مش هتخسرني انا لاني كده كده معاك
سيف/ امال هخسر مين
مريم/ هتخسر كتير واولهم اخوك
سيف/ اخسر ادم كيف
لتنظر له مريم / لا ياسيف اخوك الي انت مش معترف به ادهم
سيفبغضب / ازاي مش معترف به
مريم / كل ما اقولك اخوك تقول ادم مفيش مره قلت ادهم
يربت سيف علي كتفها /انا بس عشان التعود لما بتقولي اخويه تفكيري حسب العاده بيروح لادم
مريم / كل الي اقدر اقوله ربنا بستر هنزل اشوف ماما وتفتح الباب لتجد ادم في وجهها
ادم / اسف مريم كنت عايز سيف في موضوع
مريم / اهلا يا ادم انت رجعت من المزرعه ادخل انا نازله لماما وتهبط جري
ادم / سيف انا اسف سمعت اخر كلامكم انت حجيجي مثل ما مريم جالت ما اعترفت بادهم بينك وبين نفسك
سيف / انت شايف ايه
ليضحك ادم/ معاك انت محدش ممكن يشوف حاجه طول عمرك ممكن تتصرف عكس الي في
جلبك او عجلك بتداري جامد زيه بالظبط
سيف/ تجصد ادهم
ادم/ ايوه
سيف/ اسمعني وافهم انا مهما كان بشر ساعات بكون متجبله جامد وحاسس به جامد وخاصه لما نتكلم مع بعض ووقت ما حكت فتنه موضوعهم وساعات احس انه بعيد عني مش في تفكيري مثل ما مريم بتجول لما تكلمني ما يحضر في تفكيري الا انت وافكار
ادم/ يعني ايه
سيف/ يعني مش هجول اني متجبله مثل امي وبوي وجدي ومش هجول اني رافضه انا معترف ومتجبل انه خوي بس لسه ما بجي مثلك انت وافكار لسه متعودتش انه يجي علي بالي اول ما حد يجول اخوك
ادم / تفتكر هو فاهم كده
سيف/ انا متاكد هو جال مره كلمه ما راح انساها ابدا ان الاخوه مش رابط دم قد ما هي احساس ببعض ومشاعر بعض عشان كده هو جريب من افكار اكتر مني ومنك لانها الوحيده الي حست به فعلا وبمشاعره تعال ننزل لما نشوف هو هيفطر فين
لينظر ادم لسيف ويفكر انه بداء يقتنع بتفكير مريم سيف مش حاسس بادهم كاخ ايوه بيحس به ساعات ويتفاهم معاه بس مش كاخوه ممكن كصديق انما اخ لا بالنسبه لسيف اخواته اتنين هو وافكار
سيف/ بتفكر في ايه تعال استني لما اجيب مصطفي جدي بيحب يشوفه الصبح ليهبطوا الي مجلس الرجال ليجدوا الجميع به جدهم وبوهم واللواء محمد ثم يدخل ادهم بعدهم ليشاهد ادم نظراته الي سيف وكيف تامله ليجلس الجميع
