فتنه
وصلت مع ادم الي النجع قبل العصر بفتره قليله
وبعد ان اوقف ادم السياره نظر لها / مش هتجولي بجي مين كريم وايه الموضوع ولا فاكره اني هسكت ومش رايد اعرف
ودون ان تنظر له تهبط من السياره / لا ازاي هتعرف كل حاجه وانا طبعا عارفه انك صبرت كتير اصبر شويه كمان بس وعد النهارده مش هيعدي الا وانت عارف كل حاجه ثم تنظر له ليشاهد ما بعيونها فيجد انه ليس كره بل لا يوجد اي مشاعر بعيونها له وتستمر هي بالكلام وصدقني لما تعرف هتتمني اني اسامحك الف مره بس ياخساره مش كل حاجه الواحد بيتمناها بتتحقق
ليهبط ادم من السياره ويسير اليها بسرعه ويمسكها من دراعها وهو يشخط فيها / تجصدي ايه
عاصم/ خير يا ولد مالك ومال العروسه تعال تعال عايز اسمع هتجولي ايه
لتضحك فتنه وتقترب من عاصم وهي تقول / الي انت عايزني اقوله طبعا وممكن عصومه بس الخوف ماما زهره تزعل وتتخانق معايا
يضحك عاصم / يا بوي جولي الي تريده و لو زهره زعلت انا اصالحها تعالي لتدخل فتنه معه الي الدار وخلفهم ادم وهو يكاد يموت من الغيظ ليدخلو المجلس لتجد الحاج محفوظ وسيف بالداخل
فتنه / السلام عليكم وتقترب من الحاج محفوظ عارف جدو انت السبب الوحيد الي خلاني اوافق علي الجواز من ادم
يبتسم محفوظ / كيف يا بنت الغالي
تضحك فتنه / عشان اقولك جدو براحتي من غير تحكمات ادهم
يضحك سيف وهو ينظر لادم ويلاحظ الغضب علي وجهه / طيب لو ادهم سمعك
فتنه / هو جه
سيف بدهشه/ لا هو المفروض يجي وينظر لادم مره اخري
فتنه/ ايوه انا وادم عاملين لكم مفاجاه
محفوظ / مفاجاه ايه يابنت الغالي
فتنه / ثواني جدو انا قلت لادهم العصر وهو بابا مواعيدهم سيف ليسمعوا طرق علي الباب اهم جم ياريت تنادي لماما ومريم كمان كان نفسي افكار تكون موجوده بس تتعوض
ليقترب منها ادم ويهمس / فاكره انك هتخوفيني ولا ايه
فترفع فتنه يدها وتربت علي خده / لا طبعا هو في راجل وصعيدي يخاف
اللواء محمد / السلام عليكم مش هتكبري فتنه عن الحركات بتاعتك
فتبتسم فتنه / وتقول هكبر بابا هكبر
لتنظر مريم لسيف / هو في ايه
سيف وهو ينظر لادم بقلق / مش عارف بس علي جد هزارها علي جد ماجلبي مجبوض
فتنه/ خلاص الكل اتجمع طيب ياريت بقي الكل يقعد ويرتاح وتنظر لادم بسخريه ادم حبيبي اول مفاجاه هتكون لك طلقني
يقف ادم وسف وعاصم ويهتف الجميع مره واحده ايه
ادم بغضب / انت بتجولي ايه اتهبلت عاد
اللواء محمد وهو يقف / فتنه المواضيع دي مفيش فيها هزار سامعه
زهره/ تفي من فمك يا جلبي طلاج ايه
تنظر فتنه لادم بكره وغضب / ادم انت قلت ان ادهم مش هيقدر يعمل حاجه ميقدرجش يخليك تطلقني لاني وباب هنرفض موضوع الطلاق نسيت اني مش افكار ولا مهجه عشان اخاف كلام الناس و انا بقي الي بقول لك ولتاني مره امام الكل طلقني
ينظر سيف لادهم وهو متخوف من رد فعله ليشاهده ينظر لفتنه بتركيز منتظر باقي كلامها
يضحك ادم بسخريه / فهمت هي دي بجي لعبتك عشان تهربي مني ومجدرش اعمل حاجه لا مش مطلج هتعملي ايه
فتنه / ولا حاجه انا طلبت بالزوق خليك فاكر ليقف ادم وفي هذا الوقت كان نظر سيف علي ادهم ليجد انه وقف هو الاخر فيشد ادم ليجلس مره اخري ويظل ادهم واقف ينظر له
الحاج محفوظ / في ايه يا بنتي متفهمينا الموضوع ايه
تقترب فتنه من والدها / اقعد يا بابا وتنظر للحاج محفوظ هتفهموا كل حاجه الكل هيفهم دلوقتي انا ليه طلبت الطلاق معلش استحملوني نصف ساعه فقط
يشير لها محفوظ / تعال تعال هنا وجولي في ايه
فتنه / معلش يا جدو خليني هنا الموضوع ان يوم كتب كتابي علي الدكتور ادم وبعد انصراف الكل كلمت ادهم في موضوع قديم قلت له اني كان المفروض حكيت لادم علي كريم والي حصل بخصوصه
ليقف ادم مره واحده ويزعق / ايوه والجبان الي
مش راجل جالك لا مش مهم نسي اني اخوه وشرفي من شرفه
لينظر سيف الي ادهم ليجد انه لسه مركز مع فتنه ولا يعبر ادم نهائي فيحمد ربنا
اللواء محمد بدهشه / شرفك وشرفه ايه واحد اتقدم لها واحنا وافقنا عليه ولما عرفنا اخلاقه قبل اي حاجه ما تتم رفضناه
ادم / يا سلام وايه السر بجي الي بينها وبين ادهم بخصوصه والي الباشا جالها مش من حجي اعرفه
لينظر اللواء محمد لادهم ويقول / دي حاجه خاصه بينهم
فتنه / ل يا ا بابا مش هتبقي خاصه لان الدكتور بدل ما يتصرف زي اي شخص طبيعي بيحب خطيبته يقوم يسالها او زي ما بيقول ادهم اخوه يساله لا الدكتور اتصرف التصرف الي يليق باخلاقه فعلا
ليهب ادم ويمسكها من دراعها وهو يهزها / لا الكلام ده كان وانت في بيت ابوك هنا تجلي ادبك اربيك
ليفاجاء الجميع بادهم وهو يجذبه مره واحده للخلف ليضربه بالقلم فيقع علي الارض و يخرج ادهم سلاحه / قسما بالله الي هيتحرك خطوه عشان ينقذه اكون ضاربه بالنار حتي بابا وفتنه
فتنه بخوف / ادهم بلاش
يجذبه ادهم من ملابسه فيجعله يقف / لا انا صبرت عليه كتير وهو فاكر ان سكوتي ضعف وعندما يرفع ادم يده ليضربه يمسكها ادهم ثم يضربه مره اخري وهو يقول ده عشان ضربك لي وانا جريح ثم مره اخري وده عشان ضربك لافكار وده عشان كلامك عني وعن فتنه وده عشان متفكرش حتي انك تقول اربيها وده عشان تتربي وده عشان انا زهقت منك ويستمر مره اخري
تصرخ زهره / اتركه يا ولد اتركه
تصرخ فتنه وهي تمسك ادهم من دراعه / ورحمه ماما تسيبه ليقذفه ادهم بيده فيقع امام زهره التي تحضن ادم وتمسح الدماء التي تسيل علي وجهه
ادهم بغضب / اتكتم خالص لحد ما اعرف انت عملت ايه وصدقني ديتك عندي قدام الكل مفيش سمعت يا خويا
محفوظ / بدي افهم احكي يا بنتي انا مخي لف
فتنه / حاضر وتبداء تحكي فتقول الكل عارف ان ادهم اكبر مني بسته سنين ماما الله يرحمها وضعت في ادهم كل اخلاقها علمته المصحف وتنظر للحاج محفوظ ادهم ماشاء الله حافظه كله وبالتجويد و علمته كل حاجه عن الحرام والحلال لما انا اتولدت ماما تعبت واصبحت حركتها قليله وادهم بقي هو الي مسئول عني تقريبا من اول ما دخلت حضانه مفيش كام سنه وماما توفت طبعا بابا اغلب الوقت في شغله وكان ديما يتنقل بينا مش بيوافق يسبنا في القاهره مع اي حد اصبح ادهم بالنسبه لي كل حاجه حاول انه يعلمني كل الي ماما علمته له طبعا هو كان عنده اتناشر سنه وانا سته وكان عرف موضوع انه ابن لهم بالرضاعه واخ لي بالرضاعه كنت بتصرف معاه بغير حدود لحد ما في يوم دخلت عليه الحجره وانا لابسه شورت وبدي وكان عندي اربعتاشر سنه وكان طبعا هو في الكليه وكان عنده عشرين سنه وفاضل له سنه ويتخرج اليوم ده كان اول مره يزعق لي وشدني خارج غرفته وزعق وقال المفروض مش البس كده امامه المهم قبل ما يرجع الكليه قال لبابا انه لازم يفهمني الحقيقه وان ادهم اخويه بالرضاعه
عاصم / راجل طول عمره
فتنه / وصعيدي برضه المهم لما عرفت معرفش ايه الي حصل لي بقيت مش عايزه اسمع كلامه حسيت انه بيقيد من حريتي من تصرفاتي بقيت اسال نفسي اسمع كللمه واقيد نفسي وهو مش اخويه ليه كان لي بنات اتصاحبت معاهم متحررين قوي هو ادخل وطردهم وخلا بابا يمنعني عنهم بدات اشيل منه وابعد عنه نفسيا
ينظر لها ادهم / انا مش فاهم الكلام ده كله لزمته ايه الخلاصه كريم اتقدم لك واترفض مفيش اي حاجه تمس شرف الاهبل ده وانا موافق انك لازم تتطلقي منه
ينظر له محفوظ جيدا / لا الدكتوره عايزه توصل لحاجه وعايز اعرف ايه
تنظر فتنه لاهدم برجاء / سيبني احكي برحتي مش قادره عايزه احكي لاي حد تعبت وانت كل ما اكلمك نسيت انسي انسي مش قادره انسي حتي بابا ساعات بيظهر في عينيه انه مش قادر ينسي
يشخط فيها ادهم / خلاص شوفي دكتور نفساني اتكلمي معاه انما الان وهنا ليه
محفوظ/ وانت مضايج ليه سيبها براحتها
تنظر فتنه لادهم / عشان واحد زي الدكتور ادم متصور انك محظوظ عشان الي لقاك رباك وعلمك ولك عيله طيب جاي تشاركه في عيلته ليه عارفه انت مكنتش عايز بس ده احساسه مش قادر يتصور انك اتجرحت وتعبت
ينظر محفوظ لادهم ويشخط فيه / اتركها عاد جولي با بنتي حصل ايه
فتنه / تدخل ادهم وشد بابا خلاني اركز في المذاكره ودخلت كليه الطب طبعا مجال مفتوح مفيش حد يراقبني فيه زي ما تصورت بعد نصف العام اتعرفت بكريم طالب في كليه الهندسه كان بيجي لزمايله زي ما قال ابن عيله مشهوره جدا ابوه رجل اعمال من اشهر رجال الاعمال في مصر لقيته بيقرب مني وصرح انه معجب بيه وحاول طبعا انه يخليني اتصرف تصرفات الحمد لله كان تعليم ادهم بخصوص الصح والغلط والحرام والحلال محفوره في نفسي يعني مهما زعلت اخلاقي فضلت مثل ما هو علمني فرفضت كل طلبات كريم وفهمته اني مش بقبل اعمل الحاجات دي ولو عايزني يتقدم لي
محفوظ / الحمد لله طيب وبعدين
فتنه / في يوم قال لي انه هيحضر ليقابل بابا ولو بابا وافق هيجيب اهله وفعلا جه لنا البيت في الوقت ده ادهم كان اتخرج وعشان كان متفوق اتقبل طلبه بالاتحاق بوحده العمليات الخاصه اخد دورتين والتحق بالوحده المهم حضر كريم وقابل بابا وكان ادهم موجود
يقف ادهم / كفايه فتنه عشان خاطري كفايه بلاش نعيده تاني
يتدخل ادم بغضب / ليه خايف من ايه
ينظر له ادهم ويقترب منه لتقف زهره بينهم / انا قلت لك تخرس
فتنه / طبعا كريم كلم بابا الي قاله انه موافق بس يجيب اهله وبعد انصراف كريم
وهنا ينظر سيف لادهم ليجده قد جلس مره واحده وشحب وجهه للاخر فيستغرب ليسمع فتنه
فتنه/ بعد ما كريم انصرف اتفتح ادهم وبداء في الشخط والصراخ وانه كان ناوي يكلم بابا عشان يبعدني عن كريم وانه شخض مش كويس وكلام كتير وانا مش من النوع الي اسكت كتير اتفتحت في ادهم
لينظر سيف الي ادهم فيجد انه نسي نفسه واشعل سيجاره وتركها في يده وازداد شحوبه وكان منظر ادهم قد جذب نظر ادم ايضا ولاول مره يشعر ان ادهم ضعيف او انه قد اخفض دروعه التي تحميه
عاصم / جولت ليه ايه يعني مالكش دعوه
فتنه / بالظبط صرخت فيه بصفتك ايه بتتكلم في الموضوع تقرب لي ايه مش عشان ماما عطفت عليك ووضعت فيك حبها لابنها الي مات يبقي خلاص تامر وتتحكم فينا زي ما يكون لك حقوق هنا
ليشهق الجميع من الصدمه
لتكمل فتنه / المفروض تحمد ربنا انه ارسل لك ناس مثل بابا وماما قبلوا بك بدل اهلك الي رموك وكانت فتنه هنا قد بدات في البكاء لتستمر الموضوع ده واي موضوع يخصنا انت متتدخلش فيه مالكش صفه هنا بقائك عشان خاطر ماما فقط يعني استمرار لعطفها
زهره / ليش كده يا بنتي وتبكي
فتنه / ادهم سمع الكلام كله ومنطقش وبعد ما خلصت وسكت نظر لبابا ليلتفت الجميع للواء محمد الذي يخفض راسه للارض فتستمر فتنه طبعا كنت متوقعه ان بابا هيشخط في ويزعق لي الغريبه ان بابا سكت ولم يتكلم وظل ادهم ينظر له خمس دقائق ثم التفت لي وقال معاك حق انا اسف اتعديت حدودي فعلا عموما انا عندي ماموريه كام يوم وباذن الله بعدها هريحك واتمني ان كريم يطلع زي ما انت عايزه وسابنا وخرج
محفوظ / واه كل ده يطلع منك يا دكتوره ويسمع صوت بكاء زهره ومهجه فيقول بس الحمد لله الموضوع انتهي واتصالحتوا
تكمل فتنه الكلام دون ان تشعر بمقاطعه الحاج محفوظ / مرت اربع ايام بعد انصراف ادهم كان بابا علي ما اظن فاق من صدمه كلامي وكان ضميري واحساسي بفقد ادهم بداء يبان وبداء القلق من غياب ادهم يظهر وفي الوقت ده كان بابا طلب تحريات عن كريم ليكتشف ان كل كلام ادهم كان مظبوط واكتر وطبعا واجهني بكل حاجه فذهبت تاني يوم للكليه وواجهت كريم وعرفته انه ميقربش مني نهائي وكان رده انه حاول بخطفني بمساعده زميل له لولا الامن الي ادهم كان موصيهم عليه انقذوني منه في اخر دقيقه وهو من خوفه وسرعته عمل حادث ومات وبعدها بيوم وصلت المنزل لقيت زملاء ادهم فارس وفوزي مع بابا بيبلغوه ان ادهم اصيب في عمليه اصابه جامده
سيف وهو ينظر لادهم الذي اخفض راسه بين يديه / اظن كفايه كده
فتنه بغضب / لا مش كفايه عرفنا بعدها كمان ان في تحقيق هيتم مع ادهم عشان الي حصل وطبعا انا ساعتها فهمت كلمته انه بعد الماموريه هيريحني
يقف ادهم مره واحده ويشخط فيها / افهم انت بتفكري ازاي وليه متصوره اني كنت بعمل عمل انتحاري تفتكري رايح انتحر مثلا وهاخد معاي كام عسكري علي كام ظابط المفروض انك اكتر واحده عارفه خطوره شغلي احساسك بالذنب مالوش داعي والتحقيق اثبت اني مش غلطان في حاجه احلف لك علي مصحف عشان تقتنعي وتنسي الموضوع ده
تبكي فتنه وتنظر له /مش قادره انساه كنت هتموت بسببي وبسبب تهوري حاولت كتير اكلم معاك عن الموضوع اخرج القلق والتعب واحساسي بالذنب وانت رافض اي كلام بخصوصه انا كنت انانيه وعايزه كل حاجه تكون زي ما انا عايزه وفضلت فتره مخلياك انت الشماعه الي بعلق عليها غلطي زيه بالظبط وتشير لادم وتكمل اكتر حاجه بتتعبني ومخلياني منساش النظره الي ساعات اشوفها في عنيك
ادهم بدهشه / نظره ايه
فتنه / نظره القلق الحزن وتنظر له باسف نظره الخوف ساعات
ادهم بزهول / خوف من ايه انت بتخرفي
فتنه / خوف من الرفض يا ادهم وللاسف مهجه ذودته وتنظر لعاصم عرفت يا عمو ليه بندافع عن ادهم
الحاج محفوظ / طيب يا بنتي ليه بتطلبي الطلاق
تنظر فتنه لادم بغضب / لان غضب الدكتور خلاه يظهر مشاعره الحقيقيه خلاه يخرج كل الي في قلبه وعقله الباطن الدكتور امبارح ابلغني انه اتجوزني عشان ينفذ الي كان عايزه من الاول يغيظ ادهم مش مهم اني اجرح في النصف ووجد حجه موضوع كريم عشان يبرر به جرحه ليه فاهم اني هقبل اعيش معاه نسي اني مش افكار ولا مهجه وان تربيتي مختلفه لا وله عيني يقولي مش هصبر وعايز حقوقي الي مش قادره افهمه لحد الان سبب كرهه الشديد لادهم
يقف سيف بسرعه بين ادهم وادم بعد ان شاهد نظرات ادهم الغاضبه
محفوظ / وازاي هيغيظه
فتنه / قال ان ادهم هيتعب لما يشوف الحزن والذل في عينيه
يقف عاصم مره واحده / بتجولي ايه اتجوزك عشان يحجج غرضه الكلام ده صوح يا ادم
ادم / انا جلت كده عشان
ليرفع عاصم يده بعصاه يكاد يهبط بها علي راس ادم لولا ان امسكه سيف / اخرس خالص اخرس من غير ما اعرف راي بوي انت مش ابني مش ممكن تكون ابني ابدا تجبلها لاختك تجبل اسر يذل اختك عشان يغيظك
