ارواح لاجئة (مكتملة)

البارت السادس

ارواح لاجئه
بقلم//الفهدة السوداء
البارت السادس

اجوان::شنووو

ماريان::شنو يعني حب

اجوان::مادري

ماريان::اعتقد كاعد احس روحي احبه لان احبه

خجلت كلش من نفسي
شلون
واني الاخت الجبيرة
المثل الاعلى
لاختي الاصغر مني
هيج ابوح الها بشي
اقل مايوصف بأنه
عيب 

اجوان::لا تسمعج مامه لو بابه
والله لو يدرون بيج
هيج تكولين
يذبحوج و يذبوج بالبالوعه

تحجي اجوان بهمس
واني صفنت ولزمت ركبتي بخوف
وعيوني ضلت تنتقل من اجوان الى باب الغرفه الى الكاع برعب غير مسبوق
بحياتي ما خفت من شي بكد خوفي من حجاية اجوان بخصوص حبي لمارسيل
لاني دائما مستقيمه ماعندي اغلاط هواي بحياتي
احترم اهلي
فا لذلك ماجان عندي شي يخوفني قبل موضوع مارسيل

ماريان:: مو كاعد اكولج هذا سر يبقى ابيناتنه
اريدج تكوليلي شسوي

اجوان::لاتسوين شي واكعدي راحه
شلون فكرتي بي وهو هالشكل بس يكمز 
شتحبين منه هالمخبل

ماريان::أجوان مادري شبي
هسه اني مو احبه واحس مشاعر تجاهه
ليش هو هيج زعطوط
احسه ماعنده احساس
عبالك اكو فدشي غلط بي

اجوان::لا ولج هو بعده ماعنده هيج مشاعر
لان بعده صغير
انت كبرتي ع وكت كلش
اسكتي وسدي هالموضوع المقرف اووووع شكد لعبتي روحي ولج ايييع

ماريان::برأيج الموضوع مقرف هيج
يالله بطلت
ماحبه بعد

لليوم اتذكر شكد تأثرت بكلام أجوان
هيه اكيد نست هالكلام
بس اني علق بذاكرتي
كون حبي لمارسيل موضوع مقرف
وغير قابل للبوح لاي شخص غير اجوان
اني حيل أتأثر برأي أجوان
لان اعمارنه متقاربه و خوات مقربات
وشكد جنت كاتمه موضوعي بكلبي
من سمعت رأي اجوان
قررت اكتمه اكثر 

ولليوم كاتمه مارسيل بداخلي
ومحد يدري شكد احبه
بس هو يدري
واحمد الرب كل يوم على بوحي اله بحقيقة مشاعري
قبل ما اتركه 

الى ان اجى اليوم الي مارسيل بدة يبادلني الشعور من صرنه ١٥ سنه

مارسيل::ميري اني مدافهم بالرياضيات ولا الفيزياء
وكلت لابويه
وكال ماريان تفهمك

ماريان::اني اكثر منك ما افتهم والله
بس خلي انشوف الباقيات بصفي شسون
وانت هم شوف اصدقائك
بلكت نلكى حل لان ماعرف ابقى غبيه
لازم افتهم

ورحنه وكلواحد بينه سأل جماعته
وطلعو حاطين اساتذة خصوصي
واتفقنه نحط مدرس خصوصي بس احنه مانريد هواي طلاب وفعلا عمو ابو مارسيل حاجى صديقه مدرس رياضيات وفيزياء بنفس الوقت
وبده ياخذنه محاضرات