ارواح لاجئة (مكتملة)

الجزء الرابع والعشرون

ارواح لاجئة
بقلم // الفهده السوداء
البارت الرابع والعشرون

طلعو امي والبنات
باوعت الهن قبل ما يروحن
لابسات ملابس متشابهه وحده وردي وحده سمائي
شكد حلو اهتمام امي بيهن
هدئ البيت وراهن
على هدوء البيت
رجعت الافكار
تداهم دماغي

ليش حزينه هالكد

وليش ملامحها بائسه

لو باقي ويه ابويه احسن الي
عاد اقلها التهي اسولف ويه احمد
ولا هالهدوء الي يهيج شغلات مزعجه
حسيت بكرصه جوع خفيفه
ومالي نفس اكل وحدي
ضليت انتظر يجي ارسلان واكل ويا
كعدت بالهول وفتحت التلفزيون
اكلب بالقنوات ماكو شي
ملل
هدوء قاتل
ع كعدتي دخل ارسلان

ارسلان ::سلام عليكم

مارسيل ::عليكم السلام
همزين اجيت ضايج تعال اكعد هنا
سويتله مكان على القنفه يمي

ارسلان :: خيرك
شلونك خوما الشغل زهكك

مارسيل ::لا ليش ازهك الحمد الله
لازم واحد منا يستلمه للشغل عن ابويه
تعب خطيه
وبعدين ترة بي خوش فلوس الحمد الله

ارسلان ::اي صحيح
بس اني ما كدرت
يمكن شهر ضليت ويه ابويه
وراهه طكت روحي
اني تركيبة دماغي ميكانيكيه مو مثلكم

مارسيل ::بعد كلمن وذوقه بالشغل
هسه عوفنه من هالحجي
رينا شلونها واهلها شلونهم

تمنيت يتطرق للموضوع العائلي الي يقصده ابويه
اريد اعرف ماريان شلونها وشسوت

ارسلان ::زينين الحمد الله

احبطني من ما حجه شي عنهم
مارسيل :: ارسلان ضايج كوم خلي نطلع نسويلنه فدشي

ارسلان ::مممم انروح للسينما اكو فلم
حيل عاجبني اروح اشوفه

مارسيل ::لا ماحب افلام وسينما وهالسوالف

ارسلان ::نروح للمول نتعشى ونفتر
نشتري كم شغله اذا عجبنه

مارسيل ::اريد اروح اتعشى بمطعم مشويات
كون صينيه مال كباب وتكه وكص وكلشي بيها  و على الشط اريد اكعد ع نهر دجله

ارسلان :: اي اكو بيارة الشام على الجادريه
ابو بطن مو راح تخرب جسمك من الاكل

مارسيل ::يالله كوم بدل واني الحكك هو الاكل العراقي وين يتقاوم شكل وطعم
والرياضه موجوده تعدل 
رحت لبست و طلعنا

احس روحي مقبوضه
ما مرتاح شعور ملازمني  من شفتها هيج

وصلنا للمطعم اجواء حلوة
الكعده ع الشط تجنن
طلبنا مشويات مشكل

حسيت باحتياج نفسي تكون عندي صديقه
أمرأه رفيقه
تتفهم مشاعري واشاركها حياتي 
فكرت واني اكل ليش ما اتزوج
احس كلبي انبسط بهالفكرة
باوعت لارسلان وضحكت