ارواح لاجئة (مكتملة)

البارت عشرون

ارواح لاجئة
بقلم// الفهدة السوداء
البارت عشرون

ناديه ::شدد بوكتها سمير على اخوته
يبقون بالغرفه الي اني كاعده بيها
حته تصير حجه ما انزع البوشيه
باعتبارهم كاعدين محارم يمي
حجن نسوانهم عليه وعلى عمتي
ليش ماتنزعوها البوشيه
وحده كالت نريد انشوف العروس
وحده طردت حمويني حته اذب البوشي
وحده ضلت تعيب تكول شنو هالتخلف خلوها تذب البوشي لاتجيب سوالف اهلها وتفرضها عليكم
من اشتد الحاحهم بخصوص البوشي
عمتي دزت خبر بيد حماي الصغير لسمير و عمي
كالت تعالو خلي نزفهم لغرفتهم
خافت لاتصير مشاكل
زفونه لغرفتنه
اول ما سدو الباب علينه
نزعت البوشي
خنكني خنكه مو طبيعيه
سمير كال لازم تتعودين على البوشي
علمود سلامتج ومحد يتعرف عليج
ذبيت ملابس العرس وسبحت وبدلت
وتعشينه
عمتي الي جابت العشا النا
مارضت ولا وحده من عمات او خالات سمير يدخلن لغرفتنا
سمير ماطلع من الغرفه للصبح
اسعد ليله عشتها بحياتي
سمير غير نظرتي عن الحياه كلها
خلاني احب كلشي
علمني شلون اعيش صح
علمني شلون امتع نفسي
شلون استغل ابسط الاشياء حته استمتع
قربه جان جنه الي
قربه يعني الخلاص من كل خوف
اسوار امنيه بنى حولي
كل الي سوى لان يحبني لذاتي
مو مثل ما ابويه جان يظن
حبني وجازف بكلشي علمودي
حرم نفسه من هواي شغلات علمود يسعدني ويوفرلي الامان الازم حته اعيش ويا
حياتي ويا جانت دافية
حب واهتمام
واحترام
صارت بيناتنه مشاكل
بس ما جنه نغث بعضنا
باقوى مشكله واحدنه يراعي مشاعر الثاني
مايدوس بالكلام ويجرح
و عرفت من ذيج الليله
انكتب البوشي علية طول عمري
بس مايخالف البوشي اهون من
حارث

المهم
عدت ليلتنا الاولى على خير
ثاني يوم من الصبح قبل ما يكعدون خطارهم
خلاني ابدل بسكوت و اخذني للشمال
واشاعو اهله انو احنه رحنه بشهر العسل
هناك لزم كل اوراقي ومستمسكاتي وجنسيتي وحركهن
وسوالي جواز وجنسيه جديده باسم نادين
والديانه مسلمه
مسقط الرأس النجف
اللقب....... من نسل علوي
واخفاني بمنطقة الغدير عن كل الناس
وفعلا محد كدر يوصل الي او يعرف اني منو
ولا اهلي كدرو يعرفون اني وين
تبين فيما بعد انو السايق جان اخوو
عائلته كلهم ساعدو حته يحررني من الاهل والزوج القاسي
عائلته جانت نعم العائله والسند الي واله
وعائلتي جانت اكثر شي اذاني واذاه

شتان بين العائلتين رغم الثنين مسيح ونفس المنطقه عايشين

ابوج جان العوض الي ربي عوضني بي
رحمة الرب تجسدت بهيئة ابوجن
طول سنوات ماتوقعت بيوم
خلاصي يكون ع ايد سمير

عمرة ما عيرني باهلي

بس حنيني الهم دمرني ونغص سعادتي مرضهم
احسه مشى بجسمي قبل جسمهم

ماريان ::يمه مادزيتيلهم خبر انو انت تزوجتي واستقريتي

ناديه ::ابوكم دز نسخه من العقد
مكتوب بأسمي القديم بس شك رقمه وتاريخه واسم الزوج و الشهود والقاضي واسم المحكمه والختم والتوقيع
مجرد ما دزلهم كلام واسمي وتوقيعي
كأشعار الهم انو اني تزوجت حته ما يقلقون
وكتبت الهم رساله
بلغتهم بيها انو اشيعو خبر وفاتي بين الناس ارحم الهم
لان اني متت بنظرهم فعلا من يوم الي طلعت من بيتهم