ارواح لاجئة (مكتملة)

البارت الثالث عشر

ارواح لاجئه
بقلم // الفهده السوداء
البارت الثالث عشر

طلعت من بيتهم اعصابي تعبانه
رحت بوجهي للسوك
اخذت ملابس
وللبنات حلويات عراقيه
واخذت لامي عطر ولابويه قميص
واكلت فلافل بالسوك
حيل مشتهي هالاكلات

ويه رجعتي صارت الدنيا ليل كلش تقريبا ب١١
فتت من يم بيتهم
ركنت سيارتي على بعد اربع بيوت
باوعت بالمرايه على بيتهم
احس روحي عطشان شوفتها
بين افكاري طلعت من بيت اهلها
اني رأسا شخطت السيارة
طلعت بسرعة لا تشوفني  لان اكيد تعرف رقم السيارة

رجعت للبيت
لكيت امي تنتضرني
ضال بالها عليه لان ارسلان راجع من زمان وكايل الهم مارسيل ماخذ السيارة وطالع
نزلت الغراض من السيارة وطمنتها

مارسيل ::يمه جنت بالسوك ليش مانمتي لسا

نسرين ::ولك ياسوك باقي لل١١ بليل

مارسيل ::مو ورا ما خلصت مسواك
رحت تعشيت فلافل
مشتهيها كلش ماكو هناك

نسرين ::هاا بلعافيه حبيبي
بس مرة ثانيه اتصل بينه خلي خبر بلبيت
حته مانقلق عليك

مارسيل ::اوك

حسيت بارتياح من كلام امي وقلقها عليه صار شكد محد مستفقدني وقلقان هالشكل وضال باله يمي صدك وجود الام نعمه

صعدت لغرفتي لان الكل نايم بلبيت بدلت وذبيت روحي ونمت
*****************************************
ماريان

كعدت شبعانه نوم ومرتاحه اليوم سبت وعطله
ماكو ثواني ورجع دماغي للواقع
مارسيل بالعراق
غمضت عيوني
وتنهدت تعبت نفسيتي هاليومين من سيرة مارسيل
احس من اذكرة جسمي كله يتشنج
ضليت افكر تقريبا نص ساعه ومدثرة بفراشي
دك تليفوني
اجوان تتصل

ماريان ::هلو

اجوان ::هلاوو
فتحيلي الباب راح اجي اتريك يمج

ماريان ::هلا بيج 

كمت فتحت باب المطبخ و ذبيت بقايا قوري الجاي للنباتات الي بالطارمه
سويت جاي جديد مهيل
طكيت بيض عيون
وطلعت قشطه و مربى
بينما دا ارتب الميز

دخلت أجوان شايله ماعونها مخلمه

ماريان :: هاي شنوو
شو جايبه ريوكج وياج

اجوان ::مشتهيه المخلمه كلش
وزاد من عشى البارحه كلت اطك بيض فوكا وهاي صار كدامج اطيب ريوك

ماريان ::اي والله
الريحه تسطر تعالي حطي هنا

سويتلها مكان على الميز
وجبت الشكر واكواب الجاي و رحت كعدت يمها
صبينه وبلشنه ناكل

ماريان ::جوجو شفتي مارسيل شكد متغير
ولا باوع بوجهي
شلون يجاوبني
حيل احتقرت نفسي