ارواح لاجئة (مكتملة)

البارت الخامس عشر

ارواح لاجئه
بقلم //الفهده السوداء
البارت الخامس عشر

شجان يسوي عمو يوسف
ليش طابك بشارعنه بهالوقت
رجعت لبيت اهلي بسرعه
صعدت لرينا سالتها

ماريان ::هلاوو

ريتا::هلاوو

ماريان ::اكولج رينا
ارسلان اجه قبل شويه لو اني متوهمه

رينا ::لا ارسلان معزوم يم جماعته اليوم

ماريان ::أهااا

طلعت وسديت بابهن
نزلت افكر
معقوله عمو يوسف جان يريد شي
وتردد ماكدر يدك الباب
شيريد مثلا ؟؟؟ 

رحت لبيتي سبحت و بدلت
اخذت ملابس للجهال
حظرت ملابس دوام مال باجر واوراق الشغل
واخذتهن ويايه

رجعت لبيت اهلي
دخلت من باب المطبخ
اجتي عيني ع جنطتي
تركت الملابس على الميز
رحت طلعت موبايلي

٥ مكالمات فائته من علي
باوعت لساعه ثمانيه ونص اتصلت بي

ماريان ::الوو
هلو علي شلونك

علي ::هلا  ام عيسى
شلونج يابه
شو ما مريتي اليوم للشركه

ماريان ::والله يا علاوي امي تخربطت
حيل انخبصت اعذرني ماخابرتك
شكوو ماكوو شصار اليوم

علي ::لا ماكو شي تمام الاوضاع ماشيه
مكانج خالي

ماريان ::تسلم عيني
كم موقع رحتو اليوم ومنو مجاز منو داوم

علي ::اذا كاعده هسه امرلج من الباب
انطيج التقارير شوفيهن
لان والله تعبان مابيه حيل اراجعهن

ماريان ::يالله تعال اني يم اهلي
بس رمشلي من توصل حته اطلعلك لان نايمين

علي ::اوك باي

ماريان ::باي

سديت من علي
لكيت مسجات ع السيم كارت بالرسائل
من رقم غريب
فتحتها

--هذا رقمي حفظي يمج اخذت رقمج من ارسلان

تفاجأة شبسرعه جاب رقمي
واني لازمه الفون دك
نفس الرقم
اندهشت من جرأته
ما رديت
دك مرة ثانيه وقريب ما تنتهي الدكه
شلته وماحجيت

مارسيل ::شلونج ماريان
لو اكول ام عيسى
شتحبين اكثر

ماريان ::سكتت
بس احس كلبي كام يدك مثل طبل

مارسيل ::ليش ساكته

مارسيل ::هيج بدون سبب
شلونك انت

مارسيل ::زين اني
اذا عندج فراغ 
اريد اروح مكان هادئ
............ تكدرين تجين نحجي
ندردش

ماريان ::انتظر لباجر
ما كدر اطلع هسه

مارسيل ::ليش ما تكدرين