ارواح لاجئة (مكتملة)

البارت الثالث

ارواح لاجئة
البارت الثالث
بقلم الفهدة السوداء

دخلت للمكتب
كعدت واجه علي ورا دقايق
علي::تفضلي ام عيسى شردتي

ماريان::علاوي الله يخليك اعرف انت ما مقصر
وادري بيك داتبذل كل جهدك
بس ذوله الثنين اني متخوفه حيل منهم
شلون بابه الله يرحمه جان ثاق بيهم
ومسلمهم  مسؤوليه

علي::لا ماريان بالعكس اصلا كلش اذكياء و يعرفون شغلهم
و ترة تصير مثل هالاخطاء بكل مكان
ماكو مكان يخلى من الفجوات
اصلا نشطين و يحبون شغلهم وانت ماقصرتي هههههه جلطتيهم هسه من ذبيتي الصوج بلثنين
اريدج كلمرة هيج ذبي الصوج بيهم ثنينهم حته يشتغلون عدل ويتابعون المعاملات ثنينهم

ماريان::هاا يعني هذا رأيك بيهم
تمام اني عندي ثقه بيك وبرأيك
سوي الي تشوفه مناسب بخصوصهم

علي::رأيي انو تجين يوميه للشركه وتابعين انت
مهما كان انت صاحبة الشغل واكيد
الج تأثير اقوى عليهم
بالاضافه الى احتمال انسى شغلات او تمر عليه امور مانتبه الها لان اتعب كلش بالكشف والفحص من اطلع للمواقع البيها تصليح او تاسيس

ماريان::جيد راح ابذل جهدي حتى اجي يوميه ع كولتك يالله عيني  اني راح اروح للبيت علاوي دير بالك حباب

علي::الله وياج ام عيسى

طلعت للسكرتيرة
تشكرت منها لان خلت عيسى وموسى يمها

طلعت للسيارة والجهال ورايه

رحت كبل للمطعم حتى اذا ما اريد اكل لازم امر الهم اسلم ع عمو ابو مارسيل واشوف شخبارهم  واصلا المطعم صاير بطريقي للبيت

ماريان::حبايب راح اسويلكم تبسي دجاج اليوم للعشى عاجبكم غير شي

موسى::لا مامه تبسي طيب بس جيبي ويا ميرندا

ماريان::اوك راح انزل اسلم على جدو ابو مارسيل واجي لحد يسوي مشاكل 

نزلت وتمشيت للمطعم

الي كلما اتمشى بلمدخل مالته
تتراوالي ذكريات الماضي
من ندخل اني ومارسيل واحنه بملابس المدرسه
والكا بابه ينتظرني يمهم حته يرجعني للبيت بالسيارة 

دخلت ولكيتهم كاعدين سلمت وكعدت شويه سالت على ام مارسيل

يوسف::زينه والبنات متجمعات يمها اليوم وان شاء الله عازميكم ع غده يوم الجمعه جيبي ولدج وتعالي

ماريان::هاا خير ان شاء الله مو ع اساس تجون انتو تتغدون يمنه

يوسف::عمو مريومه
احنه سوينه عزيمه
علمود رجعة مارسيل وجهاله

صفنت بوجهه
كطعت النفس
وجهي صفر
دخت

ماريان::منوو