ارواح لاجئة (مكتملة)

البارت الخامس والعشرون

ارواح لاجئة
بقلم // الفهدة السوداء
البارت الخامس و العشرون

اول ما فتحت عيني الصبح
ورا ليله حيل مربكه
وصعبة
رنة مسج
ماريان :: اوك معجب و المهم جبت رقمي
ما هي الخطوة التاليه ؟؟؟
رجائآ لا ترسل
الموبايل بيد اولادي

كمت غسلت وجهي واني اضحك
لسا تحجي بهالاسلوب الموضوعي

حظرتها و رجعت اسمي وصورتي للفايبر
بدلت ونزلت اتريك

مارسيل :: صباح الخير

يوسف :: هلا

نسرين ::صباح النور تعال اكعد هنا هذا جاي الك

مارسيل:: شبيك يابه شو هلا

يوسف ::شنو هذا الحجي الي كايله لامك

مارسيل ::ياحجي تقصد هواي حجيت وياهه لبارحه

يوسف :: مارسيل اطلع من هالدروب الضيقه واحجي ويايه بوضوح من الاخير

مارسيل ::ما محتاج دروب ضيقه
وفعلا اريد اعرف اي موضوع تقصد

يوسف:: تريد تتزوج

مارسيل ::اي شكوو بيها ليش هالكد معصبك الموضوع

قطب حواجبه وباوعني بعيون ضيقه
يوسف :: والمن تريد بالله

سكتت ودرت وجهي
بالله هسه شأحجي وياهم فاتحين مجلس تحقيق من الصبح ويايه

يوسف :: يومين وتجي تكلي اريد اطلك ماتناسبني موو

طعني بكلامه حيل
مارسيل :: ترة مرتي هي الي طلبت الطلاك مني
مو العكس
اني متحملها بكل حالاتها
ولا جايب سيرتها بشي يمسها ويمس اخلاقها
واذا طلبت الطلاك هي
فا هذا مو عار لازم اتحمله طول عمري
ويمنعني من اختيار شريكة حياتي بحريتي واختياري

يوسف :: عوفك من مرتك ذيج تدري بيه ماقاصدها
وتعرف قصدي استاذ
كبرت او صغرت انت ابني
اعرفك اكثر مما اعرف روحي
وتدري شأقصد بس تحرفها
كومي نسرين عوفينه وحدنه اريد احجي ويا

طلعت امي من الهول وسدت الباب
يوسف :: انت داتشوف روحك شداتسوي لو مداتشوف

مارسيل :: شداسوي يابه
لا مداشوف بالله فهمني

يوسف :: ليش ماتريد تاخذها
مو لبارحه انكلب وجهك وعفت الشغل لان شفتها ضايجه
وقبل ايام حالتك النفسيه تعبت بسببها
بويه منو تتحملك وانت تحبها
منو ترضى على نفسها تاخذ واحد يحب غيرها
وانت شلون تتقبل غيرها اصلا
ليش احسك كاعد تلعب على اوتار مجهوله
شتريد تسوي

مارسيل :: يابه سد الموضوع واعتبروني ما حجيت
اني اسحب طلبي ماريد اتزوج
واذا قررت اتزوج فا اتزوج بمزاجي
اخذ الي اريدها والي احسها تناسبني