ارواح لاجئة (مكتملة)

البارت الثامن

ارواح لاجئة
بقلم // الفهدة السوداء
البارت الثامن

ماريان::بجيت
تعبت نفسيتي
كرهته وكرهت روحي لان ماجنت كافيه اله وراح يدور ع بدائل

اجوان ::شكد زعطوطه لخاطر الله
صدك تحجين

ماريان::اي شسوي اجوان
هو عمري كله جان ١٩ سنه
من غير اسلوب سالي قنعتني قناعه كامله وبالادله

اجوان::شسوين يالفاهيه
على الاقل واجهي كوليله ليش هيج

ماريان::ماكو داعي اواجهه
ابوكتها جنت مقتنعه انو هذا الكلام من مارسيل لسالي
ورا سنوات يالله طخت ابالي
انو هذا كلامه الي موجها الي نفسه
من عرفت انو المحادثات لازم تنمسح
واني جنت اسد الماسنجر بدون مسح

اجوان::يمه ولج ماريان ضامه كل هذا بكلبج
حبيبتي سودة عليه ليش هيج

ماريان::مو بس هيج
من رفضته وفسخت الخطوبه
اجتي سالي تكول مارسيل كاتبلها همزين طلعت منها مو مني حته ما اتفشل ويه ابوها وامها
وخلصت منها
ومن هالحجي هواي كالت الي

اجوان::يااااا حقيرة يا سالي
اكول شبيج من جانت تجي خاله نسرين تقنعج وتكلج مارسيل دزني عليج وميت قهر منج
واصل مرحله مكسر غرفته ومتعارك ويه عمه
تكولين جذاب لاحد يصدكه

ماريان ::ولج ياريتني متت ولا هيج سويت
ولج جوانه شلون هيج صار بيه

اجوان ::انوب وليد الله يرحمه
دخل ع الخط وخربت فدمرة

ماريان ::اي من خطبني وليد
على الرغم من معرفته
انو اني ومارسيل واحد يحب الثاني من الصغر
بس جان مصر انو ياخذني
مع علمه بهالعلاقه
مادري ليش دخل روحه بهالهوسه

اجوان ::يمعوده دروحي
تذكرين روحج شسويتي
يا هوسه
دكولي طلابه
لو وحده ميت رجلها ماتبجي بكدما بجيتي
واساسا وليد جان يحبج
واستغل الفرصه وخطبج
وانت ماشاء الله رديتي الصاع ١٠ مرات
لمارسيل خطيه

ماريان ::اوووف ولج اجوان اني الخطيه
اني الخطيه
مارسيل كرهني وتصرفت بنظرة بحقارة
لان رضيت بوليد فا كرهني
الا اني تخيلي من بديت اكتشف
واربط الاحداث شصار بيه
من ادركت انو هي راوتني كلام حبيبي الي
وتهمته بلخيانه
وراوتني صور عاديه
وقنعتني انو هو كاعديخونني ومرتاح
واني هنا مشلوع كلبي
وبحسرة شوفته
لج جوجو اموت قهر
احس لبارحه صار هيج ولا جن فاتت عشر سنوات

اجوان ::والله ماريانه مدري شاكولج
صراحه حيل تعبتيني بهالحجي
وسالي الحقيرة شسويلها كون اشرب من دمها لهالحقيرة

ماريان ::لا تشربين من دمها ولا ابد
الخاتون تحبه وما هان عليها تشوفه يحبني وخاطبني
اتالي احسن عقاب الها من خطب وتزوج هناك
وكلشي ما حصلت من كل سوالفها التافهه