ارواح لاجئه
بقلم // الفهدة السوداء
البارت الثامن والعشرون
السبت
٧:٣٠
ماريان :: الجنط الصغار عليكم ماكدر اشيل هالكد
راح اشيل الجنطه الجبيرة
وانتو شيلو هذني
عيسى :: اني راح اشيل الجنطه السوده
موسى :: اني اريد اشيلها
عيسى :: اني اخذتها قبلك
موسى :: مااا مو بكيفك اني يعني اني
ماريان :: كاااافي
ولا كلمه بعد الجنطه السودة عيسى يشيلها
والجنطه الحمرة لموسى
موسى :: ماااامه
ماريان :: مو كلت كافي
فتحت عيوني بوسعهن عليهم
سكتو
وكل واحد شال جنطته وهو ساكت
سلمت الجنط وكملت اجرائات المطار
توجهنه لصالة الانتضار
علي كاعد بالكوفي
من بعيد شفته
توجهت اله
ادري بي ضايج
وصلت يمه
كعدت
ماريان :: شلونك علي
علي :: هلا بيج ام عيسى
شلونج انت
ماريان :: زينه
علي :: بعد نص ساعه على موعد الطيارة
ليش متأخرة هالكد
ماريان :: هذا اقصى وقت كدرت اطلع بي
البارحه مانمت اصلا
تحظير الغراض والجنط
متت تعب
علي :: لو كايلتلي جان جبتكم ويايه بنفس التكسي
جان اقلها شلت الجنط وياج
ماريان :: ههه تهون الجنط علي
....
تهون
سكتنه
بقيت ملتهيه ويا الجهال
الي يريد ياكل والي يريد حمام
واليتنحس يريد الموبايل
الى ان نادت المكبرات
على المسافرين في رحلة اربيل التوجه الى الطائرة
لحظات مربكه
اول مرة اسافر بطيارة وحدي بدون
وليد ...والجهال بمسؤوليتي
خفت عليهم ...
الى درجه اريد احولهم لعابات واجمدهم على وضع واحد
موسى يمي
عيسى يم علي
هيج ترتبت مقاعدنه
علي دفع فلوس زياده حته يرتب الكعده هالشكل
هبطت الطيارة بأربيل
الجهال سكتو
من خوفة الهبوط
نزلنه من الطيارة
ورحنه فندق
علي مكمل كل الاجرائات
غرفنه متجاورة
والجهال كل شويه يرحون لغرفته
ويرجعون لغرفتنا
للعصر رحنه للمعمل
شفنه المولدات
واتفقنه على نقلهن مباشر البغداد
دفعنه ربع المبلغ
ومن يوصلوهن البغداد
نكمل الباقي
جعفر و رضا هناك ينتظرون
وصولهن حته يستلموهن
والمبلغ الباقي عندهم
الجهال ماقبلو يرجعون للفندق
اخذناهم لمجدي لاند
العاب وعشى
كظينا ٣ ايام باربيل
هروب
من واقع
هربت من حياتي
اجازتي من الدائرة اسبوع اليجي تخلص
شلون راح ارجع اداوم
ماكدر
تعبت يارب
ما اريد اباوع بوجه احد
اخر مرة شفت عمو يوسف
من طلبني لمارسيل
ما حاجاني بعد
واني ما اخذت طلبه جديات
باجر موعد الرجوع الصبح
الجهال توسلو يطلعون مرة ثانيه للالعاب
اخذناهم
وعلي باقي على نفس وضعه
عصبي وماخذ موقف مني
دخلناهم صاله العاب الكترونيه
عيسى يعرف يلعب
بس موسى يبجي
لان مايعرف ويغار من عيسى
الموظفه سدت الباب مال الالعاب
كلت اخذ موسى يلعب لعبه على كده
احسن مما ننتظر بالباب
اجه علي ويايه
بمكان قريب من لعبة عيسى
دخل استاذ موسى
ظليت واكفه
أنت تقرأ
ارواح لاجئة (مكتملة)
خيال (فانتازيا)تسرعت بتركه .. قبل ان تعرف الحقيقه .. شعور الخيبه لديها افضل من شعورها بالخيانه!!!!!
