ارواح لاجئة (مكتملة)

الجزء الاربعون

ارواح لاجئه
بقلم // الفهدة السوداء
البارت الاربعون

***اشد من المسيح حزنآ ...نحن المصلوبون على اعتاب اليل دون نبوة

بدلت وطلعت ويا
احساس حلو
من صعدت للسيارة
ساقها خارج البيت ونزل قفل الباب
وكال لأبو انو احنه نتأخر بره
لاينتظرونا على العشى

نظرات رضا من عمو يوسف تجاهي
ونظرات حزينه من مارسيل
رحنه تعشينا بحديقه مفتوحه
الجو توة بادي يكسر للربيع
نهايات شهر الثاني
كرصه بروده بالجو
تعشينا و بلشنا ندردش

مارسيل :: ميري
اكيد هسه بالج وتفكيرج
رايحات كلش بعيد
انت تعرفيني
اني مو من النوع الحاقد ولا الي يحب الانتقام
بس الوضع صعب عليه
فهمتج سابقآ
اريدج
بس صعب اجبر روحي
على انسان باعني بايام صعبه
اني خطيت خطوة الي شفتها صح
ليش ما ساعدتيني
ليش ما تجاوبتي ويايه
يمكن بوكتها جان كسرتي حواجز حيل صلبه

ماريان :: تتذكر روحك شكلت
لو جنت فاصل نهائي
مارسيل اني ماكدر هيج
هذا الوضع حيل صعب عليه
كلامك جان حيل جارح
وهسه تكول لو متجاوبه
ويه شنو اتجاوب
ويا انسان سكران
مو حقيقي
ماكو شي حقيقي اتجاوب ويا

مارسيل :: ماجنت سكران
شارب اي بس مجرد شي قليل
وترة اكو شي حقيقي
اكوو ...

ماريان :: مارسيل احنه مانكدر نستمر بهذا الزواج
صارلنه يمكن شهر
بس مو حياة اعتبر روحي ميته
ما مرتاحه
الافضل ننفصل
بناتك زوجتك السابقه افضل الك حاليآ من نصف علاقه زوجيه
وزوجه ما الك نفس تتقرب الها ولا تسولف وياهه

مارسيل :: تصدكين
ميري ...
اني مكتفي
ومرتاح لكونج يمي
تدرين هالحلول الي داتكوليها والي المفروض افرح بيها لان تحل الي هواي ازمات
بس اني رافضها قطعآ علمود ابقى يمج
وتضلين ابيتي

ماريان :: مارسيل
انت تدوخ اكبر واحد
وماتدري شتريد
ودخلتني بهوسه ماعرف روحي بيها وين

مارسيل :: ههههههه اعرف شاريد
بس انتي اصبري
اعتبرينا بفترة خطوبه تعارف
اعتبرينا تونا واحد شايف الثاني

ماريان :: وذيج السنين مارسيل
تريد تمسحها من تاريخك
تريد تتعرف عليه من جديد 

مارسيل :: راحت ميري
ماكو شي يبقى على حاله
...لا اني ولا انتي
الي راح خسارة النه ثنينه
رجائآ لا تفتحين اي موضوع يخص الماضي

ماريان :: شلون اكو هواي شغلات اريد اسالك عليهن

صفن شويه وجاوب
مارسيل :: الج بس هالكعده
تسأليني الي تريدين تعرفي
وراهه ممنوع تفتحين هالموضوع

ماريان :: اوك

مارسيل :: شو صفنتي شبيج

ماريان :: تحجي الصراحه حته لو جانت تمسك
او تضايقك
واذا ما تريد تحجي
كول ما اريد اجاوب