مابين حنين الماضي وجحود اليوم

البارت الثامن عشر

الكاتبه الاسدية

مهند اكلك وليد شنو الصاير احجيلي
وليد والله اخوك اتهدد اليوم وماعتقد الشغله بيها شقة

مهند اليوم متبات ابيتك فتهمت وهسة اشوفلك مكان واريدك تحضر الي تكدر عليه بين ما اجيك زين تحضر الي تكدر عليه

وليد ادلل هسة شغله ساعة واني جاهز تعالي

سديت التليفون واجيت على امي اكول حجية

ام وسام ها يمة شبيك مو على بعضك
وليد يمة اريدج تحضرين كم حاجة الج واهم شي الدوه مالتج والمستمسكات كلها جهزيها

ام وسام ليش يمة شكو خليت كلبي نار
يمة مثل ماكتلج وشنو عندج جوه ايدج فلوس ومستمسكات

ام وسام يمة صخام الي صخمني غير افتهم

وليد يمة اذا كل واحد احجي وياه ساعة هاي هية

خلي اروح اكول للجهال يجهزون نفسهم
زيد سيف ديمة تعالو عمو اريد كل واحد يحضر الروحة كم قطعة ملابس بسرعة وتخلوهن بجنطة وحده لو كلمن جنطته نريد نسافر كم يوم

بعدني احجي وسمعت صوت الباب والجرس يدكون حيل ياستار ياربي
سحبت مسدسي وطلعت

شفت جيراني ابو سعد هذا وكفاته حلوة ويانه

ابو سعد ها وليد شلونك

وليد الحمد لله الله يخليك تفضل ابو سعد

ابو سعد مو مال اتفضل اجيت اكلك لحك على روحك وحاول هسة تشغل سيارتك وطلع عائلتك

وليد ليش ابو سعد شكو شصاير بالدنيا
ابو سعد لتسالني ياخوية لحك على روحك وطلعو بروحكم العزيزه جايين عليك هسة فيمان الله

وليد خفت من حجاية ابو سعد اكيد سامع شي لو شايف شي

طبيت على البيت كتلهم يلا بسرعة الكل الكاكم بالسيارة

ديمة عمو ما طلعت هدوم بس الحسام
وليد كلشي لتاخذون بسرعة للسيارة بسرعة

ام وسام يمة انطينا درب

وليد يمة لبسي عباتج وبس جنطة المستمسكات الموت ماينطي صبر

صعدتهم بالسيارة وقفلنا البيت وطلعنا بعدنا بداية الشارع شفت مسلحين واكفين كاطعين الشارع

وكفونا المسلح وين طالعين الشارع مكطوع

وليد ابني هذا الزغير عنده ربو وتنك فد مره وماخذي للمستشفى

المسلح وعائلتك كلها وياك تروح

وليد ماعندي احد امهم ميته وبس امي راح اخليها تبات يم الجاهل بالمستشفى وراجع

المسلح افتح صندوك سيارتك

وليد فتحت الصندوك الهم شافو كلشي مابي لا غراض ولا كلشي