مابين حنين الماضي وجحود اليوم

الجزء الثاني البارت الاخير

#الكاتبة الاسدية

سيف من ردت اسلم على نور واودعها صدمتني باللتفاق الي بين ديمة وشهد باللعب على عمو وليد

جريت ديمة من ايدها بقوه واخذتها وسديت باب الاستقبال عليها

ديمة شكو شبيك سيف ليش هيج جريتني كدام الناس

سيف اريدج تحجيلي الموضوع من بدايتة موضوع اتفاقج وية شهد واللعبة الي لعبتيها على بابا وليد وليش

ديمة يالعبة وشهد منو ماعرف انت على شنو تحجي

سيف ديمة تدرين بية ماعندي صبر سالتج جاوبيني شنو اللعبة الي لاعبتها انتي وشهد على عمو وليد

ديمة كتلك مالاعبة اي لعبة مين جبت هذا الكلام

سيف هسة اخابر على عمو وليد واخلي يعرف كلشي

ديمة لا فدوه سيف كلشي ولا بابا يعرف والله هاي مو اني هاي نور هي الي هيج سوت

سيف بعصبية وعاط بديمة كتلج لتخلصين صبري وياج احجيلي كلشي

ديمة سولفت السيف كلشي بس ماكتله اني الي اتفقت وية شهد وشلون نور كالت عمج وليد دمرج وزوجج انتي وزغيرة حتى يضمن تضلين خدامة يمهم

سيف لج صدمتيني يعني صدك انتي اختي صدك انتي بت واثق لا لا مستحيل انتي بت نادية استغفر الله شككتيني حتى انتي اختي

ديمة لا فدوه سيف والله مو اني ماجنت اقصد هيج سيف فدوه لتعوفني ولا تكول البابا

سيف عفت ديمة ماريد اشوف خلقتها بعد معقوله ديمة هيج تجازي وليد شكد حبيت شهد بس ضفطت على نفسي حتى اعوفها البابا كلت اول مرة يحب ويعيش حياتة

كمت اعوف البيت واشرب حتى انسة لان ماريد ااذي زين هسة شلون شكول اله اكله شهد متحبك شهد تلعب عليك لعبة علمود الفلوس

انعل ابو الفلوس الي البشر يبيع ضميرة الخاطرها

اني لازم افهم بابا لازم اكشف خداع وكذب شهد يارب ارحم بحالة وصبر كلبه والله ميستاهل هيج نسوي بي

وليد بعد ماحددنا يوم العملية طلبت من ام شهد اخطب شهد قبل العملية حتى اكدر اكون وياها بازمتها بصفة رسمية

بس مشكله زيد وديمة خلتني اتردد افاتح عائلتي بالموضوع اخر شي شهد طلبت مني نعقد يم سيد بس عقد ومن تصير زينة اروح اخطبها من عمها واسوي عرس اعزم بي كل اهلي

كلت الهم عندي واجب يومين يوم العقد ويوم العملية اخذت شهد وامها ورحنا زرنا الامام الكاظم علية السلام وعقدنا اهناك يم سيد ورجعنا للبيت

شهد ولودي حبيبي ماصدك صرت زوجتك هيج ربي حققلي امنيتي وتزوجت الانسان الي احبة واتمناه

وليد اني الي مامصدك حبيبتي وروحي وعمري وانفاسي صارت الي صحيح عقدنا وهسة انتي زوجتي شرعا