الكاتبة الاسدية
حبيت اذكر القراء ان القصة حقيقية وصاحب القصة موجود يتابع كل تعليقاتكم
طبيت للحضيرة ادور بيها ماكو احد
كلت يجوز متوهم طلعت بس ضل الفضول يقرا عندي الف
ابتعدت خطوات وكلت ارجع اشغل الكشاف مال تليفوني حتى اشوف زين
وية طبتي للحضيرة جان انضرب بشخص هي ضربة وهي عيطة
نور يمة اسم الله
تميم عرفت هذا صوت نور حطيت ايدي على حلكها حتى لحد يسمعنا ويكول شعدهم سوه بالحضيرة على كيفج لتصيحين اني تميم
حسيت جسمي كله انتفض من هيج قربتها عليه
وخرت ايدي من حلكها
نور شتسوي اهنا بهذا الليل
تميم المفروض اني اسالج شتسوين اهنا بهذا الليل
نور اعتقد اهنا بيتنا وهذا بستانا وانت جاي ضيف علينا
تميم وهذا البستان مالتنا ومال عمامي وهسة اكدر اصيح واكول نور بالحضيرة بهذا الليل وشفت خيال وجيت عليه الله العالم شتسوي اهنا ويامن جانت
نور وهي ترفع ايدها تريد تضرب تميم انجب ماسمحلك تتهمني هيج اتهام
تميم وهو يلزم ايدها حيل اذا رفعتي ايدج مره ثانية اكسرها الج مو اني الي انضرب زين
نور وعيونها كلها دموع عوفني اريد ارجع للبيت
تميم مترجعين اذا متكوليلي شتسوين اهنا ومنو وياج
نور وهي تبجي بحركة والله وحدي وتعال شوف بعينك ليش هيج تفكر بية معقوله اني اسوي غلط وانزل راس اهلي
تميم لعد من صحت منو اهنا ليش مارديتي عليه
نور مو اني
اهنا سمعنا صوت صياح وعياط كلش قوي
نور عزززه هسة شلون شكو شنو الي صار وشراح اسوي
تميم شفت جسمه كله يرجف من الخوف ومتكدر تسيطر توكف وهي تبجي وتدك على وجهه
على كيفج لتخافين اني راح اروح منا اطلع خارج البستان وانتي اكيد تعرفين مداخل بيتكم ادخلي بدون محد يحس عليج
نور هسة مادري شكو صار الصياح والبجي اكثر واعلى
تميم مادري هسة خلي نحل مشكله وجودنا سوه
عفتها وتسحبت على كيف وطلعت خارج البستان
ضليت افكر واراقب من بعيد وعيني على الحضيره اخاف احد جان وية نور
وكلش ماكو رغم الهوسة الي صارت ماكو احد طلع
انتبهت عمر جاي يركض طالع من البستان تعوذت من الشيطان لان لعب براسي وخلاني اشك بنور رغم خجلها وبراءتها
أنت تقرأ
مابين حنين الماضي وجحود اليوم
Ficción Generalقصة رجل يعيش حنين الماضي لينصدم بضياع الحاضر وجحود اقرب الناس له
