مابين حنين الماضي وجحود اليوم

البارت واحد وعشرون

الكاتبة الاسدية

الــى من اسر قلبــــــي ..
إليك يا من أحبك القلب
إليك يا من إحتوتك العيون
إليك يا من طيفك يلاحقني
إليك يا من أرى صورتك في كل مكان
إليك يا من يرتعش كياني من شدة الشوق إلى سماع انفاسه
حــبيـبي؟
وحيدة أرى نفسي من دونك ،
مؤلم أن أحتاجك ولا أجدك ،
وأن أشتاق لك ولا أحادثك ،
وأن أحبك ولا أكون معك
أحبك بقدر شوقي لك وأنت القريب البعيد عني

جنت اكول كلما يكبرون يقل همهم طلع بالعكس كلما يكبرون يزيد همهم ومسؤوليتهم ومشاكلهم

ماعرف منين الكاها منهم من عدنان من المدير الجديد الي ماعرف شبي وياية

جان مديري السابق زين وياية ويعرف ظروفي كلها وشكد جان يساعدني باوقات الدوام

بس هذا مديري ماعرف اشبي وياية اول ما بدا الدوام جان زين ويحبني
شنو الي غيره ماعرف

جنت مامشمول بالخفارات بس هسة كل يومين والثالث عندي خفارة

واهنا اضل محتار شسوي منو يضل يم الجهال

وشلون اعوفهم وحدهم وبالاخص ديمة وحسام اخاف على ديمة وحسام ميكدر يفاركني

اول ما بلغني المدير بنظام الخفارة طلعت واني اعصابي صايرة نار  لاكيت ضابط صديقي وياية سالني

حسين ها ابو حسام خير ليش هيج معصب

وليد ليش ماعصب والمدير يكلي الزم خفارة وهو كلش زين يعرف اني وضعي خاص ومستحيل اكدر ابات خارج البيت

حسين بعد وبعد تشوف من المدير

وليد ليش اني شمسويله ليش هيج يتصرف وياية

حسين حقة لان يشوف البنات الي بالدائرة كلها اموتات روحهن عليك ولا وحده معبرته

وليد انت صدك تحجي لو هو من كل عقله ليش موظفات ومنتسبات دائرتنة شعندي وياهن كلهن زميلات واخوات وماعندي اي شي وية اي وحده

حسين والله كل الضباط اتغار منك
اذا هن اهم شي عدهم نقيب وليد

وليد والله ماعدهم عقل اني بيا حال ويني وين النسوان كافي علية همومي والمشاكل الي اني بيها

خاف جنت افكر وادور على عدنان هسة ماعندي وقت حتى افكر بنفسي

رجعت للبيت واني جنت كلش ضايج وروحي طالعة

ديمة الله يساعدك عمو اليوم الحلو ضايج ليش

وليد حبيبة عمو ديوم تعبان وطافره روحي

ديمة لتضوج حبيبي موزين عليك اخاف السكر يصعد عندك

وليد خلي يصعد هو بقت على السكر شو هي كلها ضدي

حسام بابا حبيبي اشتاقيتلك

وليد ياروح بابا اني هم اشتاقيتلك