مابين حنين الماضي وجحود اليوم

البارت الثامن

الكاتبة الاسدية
حبايب مثل ماكلت قبل القصة حقيقية واحداثها حقيقية مع تغيير بالاسماء والاماكن فقط

يعني كل اسم ورد بهذه القصة هو اسم غير حقيقي عدا اسم نغم طلب مني صاحب القصة يضل نفسة

وليد وسام الحك اخوك مسوي حادث

وسام لك منو مسوي حادث وشمدريك

وليد خابرني واحد من الدائرة مالته وكال مسوي حادث وناقلي مستشفى بعكوبة

ام وسام مو كتلكم اكو شي اخوكم مات وجان توكع من طولها

وليد يمة شبيج اضرب على وجها ركض وسام يجيب مي وهو يصيح على زوجته وعلى زوجة واثق

واسمع وسام يخابر على عمامي هم اقرب من عدنا لان همه بديالى
شوي وصحت امي

ام وسام موكتلكم كلبي يوجعني مو كتلكم اكو شي راح يصير ولكم يمة اخوكم راح

ام سيف عمة منو الراح شبي واثق كولولي

وليد هسة نحتار بيجن لو نروح للمستشفى ام زيد عينج على امي رايحين للمستشفى

ام وسام اموت روحي اذا ماخذتوني وياكم يمة وليدي يمة سوده عليه

يمة شكالتلك روحك من عفت امك وجهالك بمة

وسام كافي ماريد اسمع اي شي اخوية كلشي مابي لتفاولون عليه

وليد وسام خلي ناخذ امي ويانا امي واعرفها تموت اذا عفناها

وسام بسرعة جيبو عبايتها وعلاجها وبسرعة راح اشغل السيارة

ام سيف واني اروح وياكم ماعوفكم اريد اشوف رجلي شبي

وليد اكعدي وسكتي ضلي يم جهالج

طلعنا اني وامي ووسام الجو جان مطر شهر تشرين الثاني ماعرف شلون جنت اسوق واني اسمع امي شلون تنوح وتبجي

وسام يمة كافي الخاطر ربج والله هسة ارجعج اذا ضليتي هيج

وانت على كيفك متشوف الشارع كله زلك والسيارة شلون تريد تنكلب وكافي ماريد دموع

وليد اني سمعت كلام وسام واني عبالك واحد جان منفوخ وانفجر فقدت فد مره

وكمت ابجي بصوت عالي حتى ردت اسوي حادث ولك واثق ياخوية فدوه اروحلك لتروح من ايدي

وسام اوكف اوكف بسرعة انزل خلي اني اسوق هذا انت الرجال الي اريدك سند وحزام بضهري انوب انت هيج تسوي

وليد شلون تريدني اهدأ واني اخوية ماعرف شبي

وسام شوف خلي اكللكم شي متعرفو انتو اي حادث يصير المنتسب اثناء الواجب

اذا الضابط او المنتسب يموت ميبلغون اهله الا من يجيبو الهم او يكلولهم تعالو استلمو ابنكم