الكاتبة الاسدية
وليد رجعت للبيت وكلام مهند عيشني بواقع مر خاف جان ناقصني مشاكل ومصايب هسة كملت
ضليت بين نارين الحلين الي قدمهن الي مهند واحد اصعب من الثاني
بس مال اضحي بديمة مستحيل هاي جزء مني هاي من ريحة اخوية
والمن اتنازل عنها البيت عمي الي ابناتهم ضحو ميضحون بديمة
زين اني شلون اتزوج مجرد فكره ارتباط اسم وحده وية اسمي تعتبر خيانة النغم وخيانة الحبي وخيانة المبادئي
بس مهما يكون شي اهون من شي
قررت خلص راح اتزوج
زين اني قررت اتزوج بس منو اتزوج وماريد اظلم بنت الناس وياية
اعرف نفسي مستحيل راح اكون الزوج الي تتمناه اي امراه
سيف عمو حبيبي اليوم شبيك بس تصفن ومعزول اخاف واكع بالحب
وليد ماعرف اضحك ماعرف شكول بهيج موقف يحجي وياية عبالك واحد من اصدقاءة مو عمة الي رباه
كتله ولك انت صاير متحترم
سيف ها ليدو لازم كلمتي صحيحة
وليد منو هذا ليدو
سيف اكو غيرك ياحلو انت ياشالع القلوب ومسهر العيون
وليد لك طايح الحظ اني عمك مو صديقك
سيف انت صديقي الانتيم تعالو ليدو افتح كلبك وسولفلي منو هي الي ماخذه عقلك
وليد ولك شحجي وياك اني مال هيج سوالف
سيف زيد ديمة تعالو انتو كولو اذا واحد يضل يصفن وباله موصافي شنكول علية
ديمة يكولون عليه واكع بالحب
زيد انتي لتدخلين بهيج سوالف عيب تحجين بهيج شي كدامنا
ديمة اني شحجيت واذا وياكم ماحجي ويامن احجي لان ماعندي ام لو اخت هيج تسوي بية
تميم هو كلنا ماعدنا ام مو بس انتي
وليد ها يلا تعاركو وتجاهلو وجودي وبعدين لتفكرون بيوم اني راح احب
وبما ان انتو تحسون نفسك كبار وهنا الاخ يكلي ليدو وانت تتحكم باختك واني موجود
اريد اخذ رئيكم بشي
زيد كول عمو نسمع
وليد افكر اتزوج شتكولون
زيد انت من حقك تزوج وتاسس حياتك الخاصة
سيف مو اكلك ياليدو انت واكع بالحب
ديمة عمو منو تزوج اهم شي تجيب وحده متطردنا وتخلينا نتهجول
وليد ديمة شوفي اكلج كلمه وحده لو جنت احب وحده وروحي بيها واختار بينها وبينكم راح اختاركم انتو
أنت تقرأ
مابين حنين الماضي وجحود اليوم
Fiksi Umumقصة رجل يعيش حنين الماضي لينصدم بضياع الحاضر وجحود اقرب الناس له
