الكاتبة الاسدية
اهديك مشاعر حب لم تولد الا لأجلك
وقلبا لم يعرف الحب يوما الا على يديك
اليك يا سيدي اشواقي
اليك اهدي كلماتي،فأنت وحدك ملهمي
لو كنت تعلم كم تناديك نبضات قلبي
وتهواك كلمات حبي
ليتك تعلم كم اشتاق اليك،بكل جوارحي
ليتك تعلم كم اتلهف لمجيئك
كوردة نبتت في صحراء الحياة،تنتظر زخات مطرك
ليتك تعلم كم زين اسمك اشعاري وملأ قلبي وجرى بدمي
اليك يا سيدي قلبا لم يهو سواك
ضجنا وملينا ومشت بينا صحراء
عثمان كل شوي يسال ابوه ماوصلنه يكول لا بعد
ذياب شغله نص ساعة ونوصل بس لتستغربون المكان الي رايحين اله
تميم ليش شبي خالو المكان
ذياب نوصل وتعرف راح نضل بضيافتهم اربع او خمس ايام
تميم خالو شلون اخاف اتاخر وابوية يحجي عليه
ذياب اش عيب عليك زلمة مشورب شكبرك اتخاف من عمك
تميم مو اخاف بس هو يضل باله يمي
ذياب واني ماجبتكم اهنا الا حتى اسويكم زلم متخاف والكل اتخاف منها
عمر يابة والله كتلني الفضول
عثمان واني تعبت وجعت لو ادري ماجاي
ذياب انت بالذات ماسمع صوتك تربات امك
عمر شبيها امي والنعم منها ربت وتعبت وماكصرت بيوم
ذياب اذا جبتو طاري الامكم وانت الى اي بشر كلتو كلمة من الي راح يصير وياكم اهنا موتكم على ايدي
تميم احجي بيني وبين نفسي شورطت روحي وشجابني بدون علم عمي
صاح السايق وصلنا
اباوع للمكان بنص صحراء وكله مسيج اتحس عبالك سجن
استقبلونا بالبوابة ناس ماعرف اول مره اشوف موديل اللبس مالتهم
واللحاية مالتهم طويله وشعرهم طويل
سالت خالي ذياب هذون منو وليش هيج شكلهم
ذياب لتسال كلشي
عمر يابة بس لا الي ابالي هو
ذياب هسة كلشي تعرفون
تميم الخوف اتملكني وتذكرت كلام عمي من يكلي احذر من ذياب هذا مثل الحية شكد ناعم بس من يلدغ يوصلك للكبر
اباوع على عمر ماراضي على الوضع وخالي ذياب عبالك مسوي انجاز
استقبلونة ويرحبون بينا لان عدهم علم بوصولنا
أنت تقرأ
مابين حنين الماضي وجحود اليوم
Ficción Generalقصة رجل يعيش حنين الماضي لينصدم بضياع الحاضر وجحود اقرب الناس له
