الكاتبه الاسدية
بيوم كاعدين واحس البيت فارغ بدون زيد وديمة اجاني حسام يركض
حسام بابا بابا هذا رجال بالباب يريدك
وليد طلعت لكيت ابن عمي ضاري
استغربت بعد كل هاي السنين جايني
هلا بضاري هلا بابن عمي
ضاري هلا بابو الوليد شلونك ياغالي ماتوقعت تعرفني بعد كل هاي السنين
وليد اذا انتو نسيتوني ومتعرفوني اني مانساكم
ضاري اي والله حقك شتريد تكول حقك
وليد تفضل تعال جوه احجيلي شلونك الاهل شلونهم الديره شخبارها
ضاري والله كلها بخير والاهل زينين
وليد شعجب شذكرك بينا
ضاري والله ياولودي ماحب الف وادور واكلك اشتاقيتلك وكلبي طك عليك وجيت اشوفك
صح اني دائما اذكرك بس هاي جيتي مخصوص دازيني عليك
وليد وهذا منو الي ذكرني ودزك عليه وشيريد مني
ضاري والله عمي ابو ذياب دزني عليك
وليد شعنده يمي ابو ذياب ماكافي الي اخذه والي سواه
ضاري والله عمي ابو ذياب حالته فد مره تعبانه ضربته جلطة وانشل جسمة وهو خابصنا عليك بس يكول اريد وليد
وليد استغفر الله الحمد لله والشكر على كل حال الله يشافي
ضاري والله ياخوي حالته تكسر الخاطر وماعرف ليش بس يبجي ويريدك
وليد اعذرني اني ماعندي عم عمي مات وراح وية موتت ابوية
ضاري لا ماصدك انت كلبك جبير سويها لله مو الخاطر بشر
وليد الله كريم
ضاري يعني اروح اطمن عمي واكله وليد جايك
وليد الله كريم بس تدري عندي دوام احاول اخذ اجازه
ضاري خاف متلحك ياخوي
وليد معقوله هيج صاير وضعه صعب
ضاري اكثر من ماتتصور
وليد ان شاء الله منا اليومين اني يمه بس شوف اذا كلامك مو صحيح واكو حسبه ابالكم علمود جيتي متصير زينة وياكم
ضاري لا والله ماكو غير الي كتلك عليه
وتسمحلي ارد الاهلي ماريد يفوت الوكت عليه
وليد لا وين تروح اتبات يمي اليوم اريد اشوفك واشبع منك ومن اخباركم
ضاري على الجايات بلكت من يتزوجون الويلاد نفرح بيهم
وليد اي زوجت زيد من بت عمه وان شاء الله الباقين
ضاري وانت ياخوي شصار عندك ويلاد
وليد عندي خمسة الله يحفظهم
أنت تقرأ
مابين حنين الماضي وجحود اليوم
Fiksi Umumقصة رجل يعيش حنين الماضي لينصدم بضياع الحاضر وجحود اقرب الناس له
